Matayo 5:46 - Baibuli Ekibono kya Katonda 2014

⁴⁶ kuba bwe mugonza abo ababagonza mufunamu ki? Abaghooza boona tibwebakola?

Matayo 5:46 ပူးပေါင်းရင်းမြစ်များ

Matayo 11:19

Ate Omwana ow'Omuntu yaidha ng'alya era ng'anhwa, baakoba bati, ‘Mubone omusaadha omulyalya, omutamiivu, mukagwa w'abaghooza era n'aboonooni.’ Ate nga obutuufu bw'amagezi bubonekera mu bikolwa byago.”

Matayo 18:17

Aye bw'aloba okuwulirisa abo, olwo ni ng'okobera Ekikunsu eky'Abaikiriza mu Kurisito. Bw'aloba okuwulirisa n'Ekikunsu eky'Abaikiriza, ng'olwo ni mumubisa ng'azira kwikiriza era ng'omughooza w'omusolo.

Matayo 5:47

Era oba nga mulamusa baganda baimwe bonka, kye musinga abandi kiri gha? N'abantu ab'ensi batyo tibwebakola?

Matayo 6:1

“Mwegendereze ebikolwa byaimwe ebirungi obutabikola mu maiso ga bantu nga mwenda bababone, kuba bwe mukola mutyo timulifuna mpeera wa Iseimwe ali mu igulu.

Mariko 2:15

Mperaano, Yesu bwe yali ng'atyaime mu nhumba ya Levi okulya, abaghooza b'omusolo kamaala n'aboonooni, boona baatyama okulya ni Yesu n'Abeegeresebwa be, kuba kamaala ku baghooza ni ku boonooni baali batandiise okumunonereza.

Mariko 2:16

Agho Abanamateeka ab'omu Bafarisaayo bwe baabona ng'alya n'aboonooni n'abaghooza, baakoba Abeegeresebwa be bati: “Lwaki alya n'abaghooza n'aboonooni, n'okunhwa n'anhwa nabo?”

Luka 15:1

Mperaano, abaghooza ab'omusolo n'aboonooni baaseeta ye Yesu okumuwulirisa.

Luka 18:13

Aye omughooza w'omusolo, yaayemerera ghalaku era nga tayenda na kusitulira maiso eri eigulu, yeekuba mu kifuba bw'akoba ati, ‘Katonda wange, nsaasira nze omwonooni!’

Luka 19:2

Ghabaagho omusaadha nga bamweta Zakkayo nga mughooza wa musolo mukulu era nga mukombe.

Luka 19:7

Boonaboona bwe baakibona, baavuuvuuma nga bakoba bati: “Ajiire okukyalira omusaadha omwonooni.”

Luka 3:12

Abaghooza ab'omusolo boona baidha okubatizibwa, era baamubuuza bati: “Mwegeresa, ife tukole ki?”

Luka 5:29

Levi oyo yaamukolera embaga ey'amaani mu ndhu ye. Era abaghooza kamaala n'abantu abandi abaaligho yaalya nabo.

Luka 5:30

Aye Abafarisaayo n'Abanamateeka baibwe beemuluguunhia, baakoba Abeegeresebwa be bati: “Lwaki mulya era ni munhwa n'abaghooza n'aboonooni?”

Luka 7:29

Abantu boonaboona baamuwulira, era abaghooza ab'omusolo baamanha obutuufu bwa Katonda, Yoanne yaababatiza.

Luka 7:34

Ate Omwana w'Omuntu yaidha ng'alya era ng'anhwa, mwakoba muti, ‘Mubone omusaadha, omulyalya, mukagwa w'abaghooza n'aboonooni!’