Matayo 5:4 - Baibuli Ekibono kya Katonda 2014

⁴ Ba nkabi abagegenga, kuba balyesiima.

Matayo 5:4 ပူးပေါင်းရင်းမြစ်များ

Isaia 12:1

Olunaku olwo bwerulituuka, abantu balyemba bati: “Wo Musengwa Katonda, nze ndidha kukusiimanga. Waire nga wali onsungughaliire, obusungu bwo bwamala bwawaagho, wangumya.

Isaia 25:8

Musengwa Katonda alizikiriza okufa kwasaaniragho irala ebyanda n'ebyanda. Alyeya abantu be boonaboona amaziga, yaatoolagho n'okuswazibwa kwe baali nakwo mu nsi yoonayoona. Musengwa Katonda oyo mwene n'ayogeire.

Isaia 30:19

Imwe abantu ababa mu Yerusalemu, timukairamu kabiri kulira maziga. Oluliba okulira muti, nga Musengwa Katonda abagemerwa kivunika ng'awuliire okulira kwaimwe, ng'abagha kye mumusabye.

Isaia 35:10

Abo Musengwa Katonda b'alinunula balisituka bairayo e Yerusalemu nga bemba. Baliba mu masanhu era baaba mu kusagamba enaku dhoonadhoona, ng'enaku n'okusinda biwoiregho.

Isaia 57:18

“Waire namala ira okubona nga bwe beebisa obubi, aye era ndibakyusa naabawonia, naabakulemberamu, era ebibi byaibwe naabisasulamu ebirungi olwo naasangula amaziga g'abo abalira.

Isaia 66:10

Imwe mwenamwena abagonza Yerusalemu, musangaalire ghalala naye, era musagambe ku lulwe. Imwe mwenamwena abalira ku lulwe era abamulumirwa, mweyimbe ghalala mu isanhu lye musagambe,

Isaia 66:2

Ebintu byonabyona ninze nabikola n'engalo dhange. Kale byonabyona byange. Aye omuntu ye nsangaalira n'oyo omuwombeefu era eyeeneniiza, antaamu ekitiisa era n'akola bye ndagira.”

Ezekieli 7:16

Aye abaliwonagho balirumukira mu nsozi, baaba ng'oti n'amayemba ag'omu biiko agatiire ni galumukayo. Boonaboona baliba mu kulira maziga, nga buli muntu alira olw'ebibi bye.

Ezekieli 9:4

Musengwa Katonda yaamukoba ati: “Ja ng'obita mu kibuga Yerusalemu, ote obumanhiso ku byeni by'abo abawulira enaku n'obulumi olw'ebyenhinhalwa byonabyona ebikolerwa mu kibuga ekyo.”

Zekaria 12:10

“Era ndita mu baidhukulu ba Daudi ni mu bantu ab'omu Yerusalemu abandi boonaboona, omwoyo omusaasizi era ogwenda einho okusinza. Kale bwe baliringa ku ole ye baafumita, balimulira ng'oti n'omuntu alira omwana we y'abaire naye yenka ati. Baliwowoola ng'oti n'omuntu alira omwana we omuberi.

Luka 16:25

“Aye Aburahamu yaamukoba ati, ‘Mwana wange idhukira oti mu bulamu bwo wafuna ebirungi byonabyona, aye Lazaro yaafuna ebibi kale mperaano ono n'okuba mu kwesiima, iwe n'oba mu kubonaabona.

Luka 6:21

Muli ba nkabi abayala buti, kuba muliigusibwa. Muli ba nkabi abagegenga buti, kuba mulisangaala.

Luka 6:25

Mukagwireku imwe buti abaigwite, kuba endhala eribaluma. Mukagwireku imwe abaseka mperaano, kuba muligegenga, mwalira.

Luka 7:38

Yaayemerera einhuma gh'ebigere bye yaalira. Era yaaboza ebigere bya Yesu n'amaziga ge, yaabisiimuuza enviiri dhe, yaabinhwegera, yaabisiiga obuwoowo.

Luka 7:50

Aye Yesu yaakoba omukazi ati: “Okwikiriza kwo kukuwoniiza, ja miraala.”

Yakobo 1:12

Omuntu agumira okulebwa wa nkabi, kuba bw'abita mu kugezesebwa okwo, aligheebwa obulamu ng'ekirabo Katonda kye yasuubiza abo abamugonza.

Okwolekebwa 21:4

Alibeeya amaziga goonagoona mu maiso. Ghaliba tighakaali kufa, kugegenga oba kulira, oba obulumi. Kuba olwo eby'eira biriba nga byawaagho.”