Matayo 5:39 - Baibuli Ekibono kya Katonda 2014

³⁹ Aye nze mbakoba nti: Mutatakanianga mubi era ole bw'akukubanga ku itama ery'omukono omusaadha omugaluliranga n'erindi.

Matayo 5:39 ပူးပေါင်းရင်းမြစ်များ

1 Bakyabazinga 22:24

Agho omulanzi Zedekia mutabane wa Kenaana, yaaseeta ye Mikaia, yaamukuba oluyi ku itama era yaamubuuza ati: “Omwoyo gwa Musengwa Katonda gwanviireku gutya, memale gwogere n'iwe?”

Yobu 16:10

Abantu baaningiriire baayasaamirira. Baneebbuuseeku bankuba empi ku matama.

Ensambo 20:22

Oteesasuuzanga muntu akukoze kibi, aye weesigenga bwa Musengwa Katonda aidha kukuyambanga.

Ensambo 24:29

Otakobanga oti: “Ky'ankoze zeena kye ndimukola; ndimwesasuuza olw'ekyo ky'ankoze.”

Isaia 50:6

Nataagho omugongo gwange baakuba, naataagho amatama bankuunhuula ekirevu, era naaloba kukyukira mbali, nga bali kunfuudha mu maiso okunswaza.

Okulira 3:30

Era omuntu oyo atafangayo ku mikuzi emeka gy'akubiibwa, oba ku bivumo ki by'avumiibwa.

Abalevi 19:18

Oteesasuulizanga ku muntu yeenayeena, oba okumukyagha n'omwegemerera. Aye ogonzanga muntu mwino ng'oti ni bwe weegonza mwene. Ninze Musengwa Katonda.

Mika 5:1

Abantu ab'e Yerusalemu mwesoloze mukole eigye! Batuzingiiza! Bakubye omufuzi wa Isiraeli ku itama n'olwigo.

Matayo 5:40

Ole ayenda okuwoza n'iwe atwale ekanzu yo, omulekeranga n'ekooti

Luka 22:64

baamughemba ku maiso memale baamukoba bati: “Teeba, naani akukubye?”

Luka 6:7

Abanamateeka n'Abafarisaayo beekalirisa Yesu babone oba ng'awonia ku Sabbato, bafune ensonga ey'okumuvunaana.

Yoanne 18:23

Yesu yairamu ati: “Oba nga ghaligho ekibi kye nkobye, numiriza. Aye oba nga ndhogeire kituufu, onkubiire ki?”

1 Ab'e Korintho 6:7

Okughaghabiragana ku mbuga beene na beene, kwoleka ng'okwebisa ng'Abakurisito kubalemye. Lwaki timumala gaguminkiriza bisobyo bya banaimwe? Lwaki timumala gaganha banaimwe kubatwalaku byaimwe?

1 Ab'e Thessalonika 5:15

Ghatabangagho mu imwe eyeesasuuza ng'akoleibwa ekibi, aye buliidho buli muntu afubenga okukolera mwine obukalamu, era n'okukoleranga obukalamu abantu boonaboona.

Abaheburayi 12:4

kuba waire mulwana n'ekibi, mukaali kutuuka ku kwitibwa.

Yakobo 5:6

Omuntu azira musango mwamusalira omusango okumusinga, mwamwita. Tiyaghaghaana!

1 Petero 3:9

Timwesasuuzanga nga mukoleibwa ekibi, oba okuvuma nga muvumiibwa, aye mubasabirenga bwa nkabi kuba kino Katonda kye yabeetera, olwo mufune enkabi.