Matayo 5:22 - Baibuli Ekibono kya Katonda 2014

²² Aye nze mbakoba nti, buli muntu alikoba muganda we ati, ‘Raka,’ alisalirwa omusango mu mbuga ate oyo alikoba ati, ‘Musiru iwe’, alisalirwa omusango gwa kusuulibwa mu muliro gwa geyeena.”

Matayo 5:22 ပူးပေါင်းရင်းမြစ်များ

Amainhama 37:4

Aye baganda ba Yosefu bwe baabona nga iseibwe amwenda okusinga beene bw'abenda, baamukyagha nga tibenda na kwogera naye bya bulungi.

Amainhama 37:8

Baganda be baamubuuza bati: “Olowooza oti iwe olifuuka kyabazinga waife, era waatufuga?” Kale beeyongera okumukyayira irala olw'ebirooto bye, n'olw'ebibono bye.

2 Samueli 16:7

Shimei oyo yaavuma Daudi ati: “Ja, ja! Omusaadha omutemo iwe era aziraku ky'agasa!

2 Samueli 6:20

Agho Daudi yairayo eka okusabira abantu ab'omu ndhu ye enkabi. Aye Mikali mughala wa Saulo bwe yafuluma okumweisuusaayo, yaakoba ati: “Nga kyabazinga wa Isiraeli yeetairemu ekinhagansi olwaleero luno! Yaaja yeeghembulaghembula mu maiso ag'abairu abakazi abagheereza abakungu be! Yaaba ng'oti n'abasaadha abasirusiru abazira kye bagasa bwe bakola nga baziramu na nsoni!”

1 Bakyabazinga 21:4

Ahabu yairayo ewuwe nga yeenhiinkaire era nga musungughavu olw'ebibono Nabothi ow'e Yezireeli bye yamukoba ati: “Tiidha kukugha mugabo gwa nsikirano ogwagheebwa badhaadha bange.” Ahabu oyo yaalambaala ku buliri bwe, yaalinga n'ere, era yaaloba n'okulya emere.

2 Ebyomubyanda 16:10

Agho Asa yaasungughalira inho omulanzi oyo olw'ebyo bye yayogera, yaamugema yaamuta mu ikomera. Mu biseera n'ebirala ebyo, Asa oyo yaabisanga bubi n'obukambwe abantu abandi.

2 Ebyomubyanda 19:5

Yaataagho abalamuzi mu kiisi kibuga kya mu Buyudaaya ekyezungulwirwa ebimante ebigumu.

Nehemia 5:8

Agho naabakoba nti: “Tukoze inho nga bwe tusobola, twanunula baganda baife, Bayudaaya banaife, okubatoola mu maghanga agandi ye baatundibwa. Aye mperaano mwena muli kutunda baganda baife abo, ife beene tubagule!” Abakulembeze abo baasiriikirira ng'eky'okwogera kibabuze.

Zabbuli 109:3

Buli kiseera bandhogeraku eby'obukyayi, ate nga baanumbagana bya bwereere.

Zabbuli 14:1

Abasiru bakoba mu myoyo gyaibwe bati: “Katonda azirayo.” Baidhwire obukupya, bakola ebyenhinhasa era boonaboona bakola bikyamu byereere.

Zabbuli 25:3

Bwene otaganha abo abasuubirira mu iwe kuswala, aye abo ab'empwitu abakudheemera, ka baswale.

Zabbuli 35:19

Abo abeefuula abazigu bange aghazira nsonga ntuufu, otabaganha kusagamba lwa kugwa kwange, era abo abankyagha nga ghazira kye mbakoze, otabaikiriza kunhiira maiso gaibwe kunsekerera.

Zabbuli 37:8

Weesambenga ekiruyi, olekenga n'obusungu n'okweraliikirira, byonabyona bivaamu bibi,

Zabbuli 49:10

Bwenebwene tubona nga n'abagezi bafa, era nga n'abasiru ghalala n'abadoofu bawaagho, obukombe bwaibwe baabulekera bantu bandi.

Zabbuli 69:4

Abankyagha ng'ate ghazira kye mbakoze bali kamaala okusinga enviiri edhiri ku mutwe gwange. Abo abenda okusirisa obulamu bwange nga bampaama bye ntakoze, ba maani beenebeene. Bampaliriza okuligha ebintu bye ntaibangaku naire.

Zabbuli 92:6

Omudoofu tasobola kumanha kino, n'omusiru taghanga kukitegeera,

Ensambo 14:16

Omugezi asooka kwekengeera era yeesamba ebizibu, aye omusiru aghalambuka bughalambuke nga tafaayo.

Ensambo 18:6

Omusiru by'ayogera bireeta kusoola, era byamuleetera okukubwa.

Yeremia 17:11

Omuntu afuna eby'obukombe mu bukupankupania, aba ng'oti n'enhonhi egonera amagi g'etaabiika; kuba eby'obukombe ebyo bimuwaaku mangu ng'akaali na kukairigha, olwo ku nkomerero ya byonabyona yaasigala agho nga musiru.

Okulira 3:52

Abo abeefuula abazigu bange nga bazira na nsonga ntuufu, bandhiiga ng'oti bayiiga nhonhi.

Danieli 3:13

Agho Nebukadinezzari yaasungughala ekibitiriire, yaalagira baleete Shaduraka, ni Meshaki, ni Abedinego. Era baabaleeta mu maiso ge.

Danieli 3:19

Agho Nebukadinezzari yaasungughala ekibitiriire, yaatungulira Shaduraka, ni Meshaki, ni Abedinego, amaiso. Yaalagira bakume ekikoomi kigeigere emikuzi musanvu okusinga bwe kigeigeranga buliidho.

Obadia 1:10

“Edomu, oidha kuzikirizibwa era onhoomebwenga ebyanda n'ebyanda; kuba wanhaga ebintu eby'aboluganda bo, ab'enda ya Yakobo, era waabaita.

Obadia 1:12

Ti niiwe owandisekereire ab'oluganda bo ab'e Buyudaaya, ng'obona ebintu biri kubajiira bubi bityo. Ti niiwe owandisagambye ku lunaku lwe wabona ng'Abayudaaya bali kuzikirizibwa; kuba bwenebwene, iwe oseka otya nga beene bali mu bughafu?

Matayo 10:17

Mwekuume abantu kuba balibaghaayo mu mbuga, era ni mu sinagoga dhaibwe, balibakuba enkoba.

Matayo 10:28

Mutatyanga abo abaita omubiri aye nga tibaghanga kwita mwoyo, aye mutye oyo aghanga okuzikiriza omwoyo n'omubiri mu geyeena.

Matayo 12:24

Aye Abafarisaayo olwakiwulira baakoba bati: “Ono emizimu emibi tagibinga na buyinza bundi, okutoolaku obwa Beelezebulu omukulu waagyo.”

Matayo 17:5

Yali akaayogera, ekireri ekimesunkana kyabakingiriza era eiroboozi lyava mu kireri lyakoba liti: “Ono ni mutabane wange omugonzi, aneesiimisa, mumuwulirenga.”

Matayo 18:21

Agho Petero yaaseeta yaamukoba ati: “Musengwa, muganda wange ng'ankoze ekibi nnaamusonighanga kutuusa li? Okutuusa ku mikuzi musanvu?”

Matayo 18:35

Atyo ni, Lata wange ali mu igulu bw'alibakola, okutoolaku nga buli muntu asonigha muganda we mu mwoyo gwe.”

Matayo 23:15

“Mukagwireku Abanamateeka n'Abafarisaayo, abakuusa imwe, kuba mubunia ebifo eby'oku nhandha ni ku bukalu, okufunayo omuntu omulala ye mukyusa ate bwe mumala okumufuna, mwamufuula agwanira geyeena emikuzi ebiri okubasinga.

Matayo 23:33

“Imwe emisota, abaana ab'emisota egy'obusagwa! Muliwona mutya okusalirwa omusango gwa geyeena?

Matayo 25:41

“Agho, alikoba abo abaliba ku mugooda ati, ‘Munve mu maiso imwe abalaame, muje mu muliro ogutazikira ogwategekerwa Sitaani ni bamalaika be!

Matayo 26:59

Bakabona Abakulu, n'embuga yoonayoona, baanoonia obudhulizi obw'okusubaayiriza ku Yesu, kwe babe basinziire okumwita.

Matayo 3:17

N'eiroboozi lyava mu igulu lyakoba liti: “Ono ni mutabane wange omugonzi, mwe neesiimira einho.”

Matayo 5:34

Aye nze mbakoba nti: Mutalayiranga naire, waire okulayira eigulu, kuba n'ekityamo kya Katonda;

Matayo 5:44

Aye nze mbakoba nti: Mugonzanga abazigu baimwe, era musabiranga abo ababakiriga.

Mariko 14:55

Agho Bakabona Abakulu n'embuga yoonayoona, baanoonia obudhulizi ku Yesu kwe banaasinziira okumwita, aye nga tibabufuna.

Mariko 15:1

Olwakya buti, nga Bakabona Abakulu, n'abakulu ab'ebika, n'Abanamateeka n'embuga yoonayoona, bateesa, nga basiba Yesu nga bamutwala, bamughaayo ewa Pilato.

Luka 12:5

Aye ka mbalabuleku: Mutye oyo ali n'obukumu obw'okwita n'okusuula mu geyeena. Bwenebwene mbakobera oyo ye mube mutye!

Luka 22:66

Bwe bwakya, abakulu ab'ebika, Bakabona Abakulu n'Abanamateeka beesoloza baatyama mu lwekobaano olwo.

Yoanne 11:47

Agho Bakabona Abakulu n'Abafarisaayo, beesoloza mu lwekobaano era beebuuzagania bati: “Tukole tutya? Kuba omusaadha ono ali kukola ebyewuunhio kamaala.

Yoanne 15:25

Kino kyali kiri n'okubaagho okutuukiriza ekyaghandiikibwa mu Mateeka gaibwe ekikoba kiti: ‘Bankyayiire busa.’

Yoanne 7:20

Eikuukuubira ery'abantu lyamwiramu liti: “Oliku omuzimu omubi! Naani ali kusala amagezi okukwita?”

Yoanne 8:48

Abayudaaya baakoba Yesu bati: “Tituli batuufu okukoba tuti oli Musamaria era oliku omuzimu omubi?”

Ebikolwa by'Abatume 17:18

Abandi ku bakabwidhibwidhi abeetebwa Abepikuro n'Abasitoiki boona baatakana naye. Abandi baakoba bati: “Ono alabankana naki?” Abandi baakoba bati: “Ali oti ayegeresa ku bakatonda ba maghanga gandi.” Kuba yali ayegeresa ku Yesu n'okuzuukira.

Ebikolwa by'Abatume 22:30

Ku lunaku olwairirira, omukulu ow'abaisirukale yaayenda okumanha ensonga yeene Abayudaaya ye bavunaana Paulo. Kyeyava amusibulula, era yaalagira Bakabona Abakulu n'abatyama mu lwekobaano boonaboona okwesoloza. Yaatwala Paulo, yaamwemereza mu maiso gaibwe.

Ebikolwa by'Abatume 23:1

Agho Paulo yeekalirisa abaali mu lwekobaano yaakoba ati: “Aboluganda, okutuukiza irala buti mpulira ng'omwoyo gwange ghazira kye gunvunaana ku ngeri ye neebisiisaamu mu maiso ga Katonda.”

Ebikolwa by'Abatume 24:20

Bwe kitaba kityo, abo beene abali ghano bakobe omusango gwe bambonaku bwe bampozesa mu lwekobaano lwaibwe.

Ebikolwa by'Abatume 4:15

Bwe baamala okubalagira ni bava mu mbuga, beene baasigala beegeyaamu.

Ebikolwa by'Abatume 5:21

Bwe baawulira bino, baaja mu isinzizo mu nkyonkyo baayegeresa. Mperaano Omukulu wa Bakabona n'abo be yali nabo baatyamya olwekobaano n'abakulu ab'ebika ebya Isiraeli, baatuma banone Abatume mu ikomera.

Ebikolwa by'Abatume 5:27

Bwe baabatuusa, baabasimba mu maiso g'olwekobaano. Omukulu wa Bakabona yaabakoba ati:

Ebikolwa by'Abatume 6:12

Kale baasasamaza abantu, n'abakulu ab'ebika, n'Abanamateeka, era baamugema baamuleeta mu lwekobaano.

Ebikolwa by'Abatume 6:15

Abo boonaboona abaali batyaime mu lwekobaano bwe baalingirira Sitefano, baabona nga mu maiso ali ng'oti malaika.

Ebikolwa by'Abatume 7:37

Musa ono n'eyakoba Abaisiraeli ati: ‘Katonda aidha kubatumira omulanzi okuva mu imwe beene, nga nze bwe yantuma.’

Ab'e Roma 12:10

Mugonzanienga ng'aboluganda mu Kurisito. Kiisi mulala afubenga okugha mwine ekitiisa.

1 Ab'e Korintho 6:10

Era ghazira baibi, oba ab'amairu, oba abatamiivu, oba abavumagani, oba abanhazi, abalingira mu Bwakyabazinga bwa Katonda.

1 Ab'e Korintho 6:6

Owoluganda yaawoza n'owoluganda mwine, era yaaganha abataikiriza okubasalira omusango?

Amateeka Agokubiri 15:11

Buliidho ghaidha kubanga nga ghaligho Abaisiraeli abaavu n'abali mu bwetaavu mu nsi. Kyenva ni mbalagira nti mutalobanga kubayamba.”

Amateeka Agokubiri 16:18

Musa yaakoba Abaisiraeli ati: “Mwidha kutangagho abalamuzi n'abakulembeze mu bibuga byaimwe byonabyona Musengwa Katonda waimwe by'abagha, nga mubatoola mu buli kika kyaimwe. Baidha kusaliranga abantu ensonga mu butuufu.

1 Ab'e Thessalonika 4:6

Ku nsonga eno ey'okwebisa mu butukuvu, ghatabangagho muntu akola Mukurisito mwine bubi. Kuba nga bwe twabalabuliragho, Katonda abonereza abakola ebintu ng'oti n'ebyo.

Tito 3:2

Bakubirizenga balobenga kwogeranga ku muntu yeenayeena bubi, waire okusoolanga n'omuntu yeenayeena, aye babenga ba idembe era abazira ikabyo

Abaheburayi 12:25

Mwekuume, mutalobanga kuwulira oyo ayogera kuba, oba abo abaaloba okuwulira oyo eyabalabula ng'ali ku nsi, tibaawona, ife bwe tuloba okuwulira oyo atulabula, ng'ali mu igulu tuliwonera gha!

Abaheburayi 5:9

Era ng'amaze okutuukirizibwa, abo boonaboona abamugondera yabafuukira ensimuko ey'obulokozi obutawaagho,

Yakobo 2:20

Musiru iwe, oyenda okukulaga ng'okwikiriza okuziraku bikolwa bwe kuli okufu?

Yakobo 3:6

Olulimi muliro. Lwidhwire obubi bwonabwona; ate nga kitundu kya ku mibiri gyaife. Lwonoona omubiri gwonagwona era lwakunaania omuliro ku bulamu bwaife bwonabwona, omuliro oguva mu geyeena gwene.

1 Petero 2:23

Bwe yavumibwa, mwene tiyavuma. Bwe yadaazibwadaazibwa, tiyeesoomera abo abaamudaazadaaza. Aye yata obwesige mu Katonda oyo asala omusango nga tasaliriza.

1 Petero 3:9

Timwesasuuzanga nga mukoleibwa ekibi, oba okuvuma nga muvumiibwa, aye mubasabirenga bwa nkabi kuba kino Katonda kye yabeetera, olwo mufune enkabi.

1 Yoanne 2:9

Ole akoba ati ali mu butangaavu aye ng'akyagha muganda we oyo aba akaali mu nzikiiza.

1 Yoanne 3:10

Ku kino kw'omanhira abaana ba Katonda n'aba Sitaani. Kiisi atakola bya butuufu oba n'atagonza muganda we oyo aba ti wa Katonda.

1 Yoanne 5:16

Omuntu yeenayeena bw'abona nga muganda we ali kukola ekibi ekitamutwala mu kuzikirira, asabenga Katonda aghe omuntu oyo obulamu. Nkoba abo abakola ebibi ebitatwala mu kuzikirira. Aye eriyo ebibi ebitwala mu kuzikirira. Ebyo ti ni bye nkoba okusabiranga.

Yuda 1:9

Ate nga ni bw'aba Mikaeli omukulu wa bamalaika, tiyakola ekyo bwe yali ali kukaayana ni Sitaani, nga bakaayanira omulambo gwa Musa; tiyakana n'akozesa bibono bivuma ng'asalira Sitaani omusango, okutoolaku okumukoba ati: “Katonda akubonereze.”

Okwolekebwa 20:14

Agho Okufa n'Amagombe byasuulibwa mu nhandha ey'omuliro. Enhandha eyo ey'omuliro, n'okufa okwokubiri.