Matayo 5:19 - Baibuli Ekibono kya Katonda 2014

¹⁹ Kale oyo yeenayeena alimenha ekirala ku biragiro bino ebitonioli, era n'ayegeresa atyo abantu, alyetebwa asembayo mu Bwakyabazinga obw'omu igulu aye oyo abigema era n'abyegeresa, alyetebwa wa kitiisa mu Bwakyabazinga obw'omu igulu.

Matayo 5:19 ပူးပေါင်းရင်းမြစ်များ

Zabbuli 119:128

Kyenva neesibirira ku kujiira ku ebyo by'olagira; ni nkyagha empisa embi dhoonadhoona.

Zabbuli 119:6

Olwo tyandiswaziibwa, kuba omwoyo gwange gwonagwona gwandibaire ku biragiro byo byonka.

Danieli 12:3

Abakulembeze abagezi balimesunkana ng'oti n'okumesunkana okw'oku igulu. N'abo abakyusa abantu ni bakola ebituufu balyakaayakana ng'oti muunienie ebyanda n'ebyanda.”

Matayo 11:11

Bwenebwene ka mbakobere, mu baali bazaaliibwa abakazi timubangamu asinga Yoanne Omubatiza, ate ng'asembayo mu Bwakyabazinga obw'omu igulu amusinga.

Matayo 19:28

Yesu yaabakoba ati: “Bwenebwene ka mbakobere mu kiseera eky'okwiza byonabyona obuyaaka, ng'Omwana w'Omuntu atyaime ku kityamo kye eky'ekitiisa, imwe abaanonereza mwena mulityama ku bityamo ikumi n'abiri mwafuga ebika eikumi n'ebibiri ebya Isiraeli.

Matayo 20:26

Kityo ti bwekiri mu imwe. Yeenayeena ayenda okuba omukulu mu imwe abe mugheereza waimwe,

Matayo 28:20

nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Luka 1:15

Kuba aliba mukulu mu maiso ga Musengwa era talinhwa mwenge gwa mizabbibu oba ekitamiiza kyonakyona. Aliidhuzibwa Mwoyo Mutukuvu ng'akaali mu nda ya inhina.

Luka 11:42

“Aye mukagwireku Abafarisaayo! Mugha ekitundu kirala kirala ku buli bitundu ikumi ebya kakubansiri na buli isubi, aye mwaloba kufaayo ku kukolera bantu ebibagwaniire ni ku kugonza Katonda! Ate nga bino muteekwa okubikola, aye ni bire obutabireka.

Luka 9:48

era yaabakoba ati: “Buli asangaalira omwana ono mu liina lyange aba asangaaliire nze; asangaalira nze aba asangaaliire oyo eyantuma; kuba asembayo mu imwe mwenamwena, oyo n'omubbede.”

Ebikolwa by'Abatume 1:1

Mukagwa Theofilo, mu kitabo ekisooka nayogera ku byonabyona Yesu bye yatoolera okukola n'okwegeresa

Ab'e Roma 3:8

Kale lwaki titusooka kukola bibi memale ebikalamu biidhe? Kuba era abandi bampaayiriza mbu ntyo bwe nkoba! Abo bagwaine okusalirwa omusango okubasinga.

Ab'e Roma 6:1

Kale tunaakoba tutya? Tweyongere okukola ebibi memale ekisa kya Katonda kyeyongere?

Ab'e Roma 6:15

Kale tukole tutya? Tukole ekibi kuba tufugibwa ekisa kya Katonda? Busa naire.

Amateeka Agokubiri 12:32

“Mufubenga okutuukiriza buli kye mbalagira. Mutabangaku kye mwongeraku, waire kye mukendeezaaku.

Amateeka Agokubiri 27:26

“ ‘Omuntu yeenayeena ataatuukirizenga mateeka gano, akolimirwenga!’ “Olwo abantu boonaboona baliiramu bati, ‘Amiina.’ ”

1 Timotheo 6:11

Aye iwe omuntu wa Katonda, ebyo byonabyona bireke, ojiirenga ku butuufu, okutya Katonda, okwikiriza, okugonza, okuguminkiriza n'okuba omwikaikamu.

Tito 3:8

Ekibono kino kituufu kyene. Nhenda weekalangule okukobera abo abaikiriza Katonda ebintu ebyo basobole okwemaliranga ku kukola ebikolwa ebikalamu, nga bikalamu era ebiganhula abantu.

1 Petero 5:4

Olwo omwayi omukulu mwene bw'aliboneka, mulifuna engule ey'ekitiisa etawaagho.

1 Yoanne 3:4

Yeenayeena akola ekibi amenha amateeka, kuba ekibi n'obumenhi obw'amateeka.

Okwolekebwa 2:20

Aye kye ntasiima ni kino: Oleka omukazi Yezebeli, eyeeyeta omulanzi, yaayegeresa era yaakiidhamya abagheereza bange. Baakola eby'obudankaanu era baalya ebigheereibwayo eri ebisinzibwa ebitali Katonda.

1 Samueli 2:30

Nze Musengwa Katonda wa Isiraeli kyenva ni nkoba nti, nasuubiza ng'ab'endhu yo n'ab'endhu ya dhaadha wo banampeerezanga ekiseera kyonakyona. Aye mpegaano nze Musengwa Katonda nkoba nti ekyo nkimenhiegho, kuba abo abantaamu ekitiisa, be ndidha okutangamu ekitiisa, ate abo abaanhooma, tibaateebwengamu kanhagansi.