Matayo 5:18 - Baibuli Ekibono kya Katonda 2014

¹⁸ Bwenebwene mbakobera nti, okutuusa ng'eigulu n'ensi biwoiregho, enukuta endala waire akatoonheze akalala, tibiridibizibwa mu Mateeka, okutuusa nga byonabyona bibairegho.

Matayo 5:18 ပူးပေါင်းရင်းမြစ်များ

Zabbuli 102:26

Ebyo biidha kuwaagho, aye iwe oligho ekiseera kyonakyona; byonabyona birikairigha ng'oti kivaalo. Olibisuula ere ng'oti ngoye nkaire, byabulagho.

Zabbuli 111:8

tibikyukamu naire ebyanda n'ebyanda, byakolebwa mu bwesigwa ni mu butuufu.

Zabbuli 119:152

Okuva eira nayega by'olagira; naamanha nga wabitaagho bibeegho ebyanda n'ebyanda.

Isaia 40:8

Waire nga kituufu ng'eisubi liniala n'ekimuli kyamagala, aye ekibono kya Katonda kibaagho ebyanda n'ebyanda.”

Isaia 44:26

Aye nkakasa ebyo omugheereza wange by'ayogera, naatuukiriza omukwenda wange oyo by'alangirira. Ekibuga Yerusalemu nkikakasa nga bwe kiidha okubangamu abantu, n'ebibuga bya Buyudaaya ebyayonoonebwa naabikakasa nga bwe birizimbibwa obuyaaka.

Isaia 51:6

Mulinge ku igulu, mulinge ni ku nsi. Eigulu eryo liriwaagho ng'oti n'omwosi bwegubulagho, ensi yaakairigha ng'oti kivaalo, n'abagibaamu baafa ng'oti nsowera. Aye obulokozi bwange bwe ndeeta bwidha kubangagho byanda na byanda, mbawonienga aghazira kukoma.

Matayo 10:15

Bwenebwene ka mbakobere ku lunaku olw'okusalirwaku omusango, Sodoma ni Gomorra birisaasirwa okusinga ekibuga ekyo.

Matayo 10:23

Era bwe babakiriganga nga muli mu kibuga kino, mulumukiranga mu kindi kuba bwenebwene mbakobera: Timulimaza bibuga bya Isiraeli ng'Omwana w'Omuntu akaali kwidha.

Matayo 10:42

Era yeenayeena aligha omulala ku bato bano olwendo olw'amaadhi amainhogovu okunhwa, olw'okuba Mwegeresebwa wange, bwenebwene mbakobera nti taliroba kufuna mpeera ye.”

Matayo 11:11

Bwenebwene ka mbakobere, mu baali bazaaliibwa abakazi timubangamu asinga Yoanne Omubatiza, ate ng'asembayo mu Bwakyabazinga obw'omu igulu amusinga.

Matayo 13:17

Bwenebwene mbakobera nti, abalanzi kamaala n'abantu abatuufu beegomba okubona bye mubona, aye tibaabibona era n'okuwulira bye muwulira aye tibaabiwulira.

Matayo 16:28

Bwenebwene ka mbakobere ghaligho abandi ku beemereire ghano abataja kukomba ku kufa okutuusa nga baboine Omwana w'Omuntu ng'aidha nga Kyabazinga.”

Matayo 17:20

Yaabakoba ati: “Kuba muli n'okwikiriza kutono. Bwenebwene ka mbakobere: bwe muba n'okwikiriza okwaga akamuuma ka kaladaali, mulikoba olusozi luno muti, ‘Va ghano, ja ghale,’ lwaja, era ghazira kye mutalighanga kukola. [

Matayo 18:18

“Bwenebwene ka mbakobere: Byonabyona bye munaasibanga ku nsi nga ni mu igulu bisibiibwa ate byonabyona bye munaasimululanga ku nsi nga ni mu igulu bisimulwirwa.

Matayo 18:3

yaakoba ati: “Bwenebwene ka mbakobere okutoolaku nga mukyuse mwaba ng'oti baana bato, timughanga naire kwingira mu Bwakyabazinga bwa mu igulu.

Matayo 19:23

Agho Yesu yaakoba Abeegeresebwa be ati: “Bwenebwene ka mbakobere: Kiriba kikalangufu omukombe okungira mu Bwakyabazinga obw'omu igulu.

Matayo 19:28

Yesu yaabakoba ati: “Bwenebwene ka mbakobere mu kiseera eky'okwiza byonabyona obuyaaka, ng'Omwana w'Omuntu atyaime ku kityamo kye eky'ekitiisa, imwe abaanonereza mwena mulityama ku bityamo ikumi n'abiri mwafuga ebika eikumi n'ebibiri ebya Isiraeli.

Matayo 21:21

Yesu yaabairamu ati: “Bwenebwene ka mbakobere, bwe muba n'okwikiriza, nga timubuusabuusa, timulikola ekyo ekikoleibwa ku mutiini kyonka, aye ni bwe mulikoba olusozi luno muti, ‘Va ghano weesuule mu nhandha,’ kityo bwe kiriba.

Matayo 21:31

Ku babiri abo naani eyakola lata we kye yayenda?” Baakoba bati: “N'eyasooka.” Agho ni, Yesu yaabakoba ati: “Bwenebwene ka mbakobere: abaghooza b'omusolo ni bamalaaya balibasooka mu Bwakyabazinga bwa Katonda

Matayo 23:36

Bwenebwene, ka mbakobere: Bino byonabyona biribaagho ku bantu ab'oluse luno.

Matayo 24:2

Yaabakoba ati: “Ebyo byonabyona timuli kubibona? Bwenebwene ka mbakobere: Ghano tighaliba ibaale lirisigala ku liinaalyo nga tirisuuliibwa ghansi.”

Matayo 24:47

Bwenebwene ka mbakobere: Aja kumusigira ebibye byonabyona.

Matayo 25:12

Aye yaabairamu ati, ‘Bwenebwene ka mbakobere, tibaidhi.’

Matayo 25:40

“Agho Kyabazinga alibairamu ati, ‘Bwenebwene ka mbakobere buli kye mwakolera omulala ati ku baganda bange bano abato, mwakikolera nze.’

Matayo 25:45

“Agho alibairamu ati, ‘Bwenebwene ka mbakobere buli lwe mutaalaadha omulala ku bato bano timwalaadha nze.’

Matayo 5:26

Bwenebwene nkukobera nti, toliva omwo okutuusa ng'omaze okusasula n'akasente akasembayo.

Matayo 6:16

“Bwe musiibanga, mutadhuunianga ng'abakuusa: Kuba beeyonoona emboneka yaibwe baboneke mu bantu nga basiiba. Bwenebwene ka mbakobere, abo empeera yaibwe bagifunie.

Matayo 6:2

“Kale ni bw'ogabiranga abaavu, otajanga ng'ofuuwa magwala, ng'abakuusa bwe bakola mu sinagoga ni mu nguudo, nga benda abantu babaghe ekitiisa. Bwenebwene mbakobera, nti empeera yaibwe bagifunie.

Matayo 8:10

Yesu bwe yawulira ebyo, yeewuunhia, era yaakoba abaali bamunonereza, ati: “Bwenebwene ka mbakobere tyagaananga muntu ali na kwikiriza nga kuno mu Isiraeli!

Mariko 10:15

Bwenebwene ka mbakobere, oyo ataikiriza Bwakyabazinga bwa Katonda ng'omwana omuto, taghanga naire kububaamu.”

Mariko 10:29

Yesu yaakoba ati: “Bwenebwene mbakobera nti ghazira oyo aleka maka ge, oba baganda be, oba baanhina, oba inhina, oba ise, oba baana, oba kibandha kye, ku lwange ni ku lw'Amawulire Amalungi

Mariko 11:23

Bwenebwene mbakobera, buli alikoba olusozi nga luno ati, ‘Va ghano weesuule mu nhandha’, nga tabuusabuusa mu mwoyo gwe, aye ng'aikiriza ati ky'akobye kya kubaagho, ekyo kirimukolerwa.

Mariko 12:43

Agho yaayeta Abeegeresebwa be yaabakoba ati: “Bwenebwene mbakobera nti namwandu ono omwavu atairemu kinene omuteebwa ebiwongebwa okusinga boonaboona

Mariko 13:30

Bwenebwene mbakobera nti ebintu bino byonabyona biribaagho nga n'abantu ab'oluse luno bakaali kuwaagho.

Mariko 14:18

Agho bwe baali bali ku kiiwulo nga balya, Yesu yaakoba ati: “Bwenebwene ka mbakobere nti mulala ku imwe, bwe tuli ghano ku kiiwulo aidha kumpaayo.”

Mariko 14:25

Bwenebwene ka mbakobere: Tiriirayo kunhwa ku kibala kya muzabbibu okutuusa olunaku olwo lwe ndinhwa ekibala ekiyaaka mu Bwakyabazinga bwa Katonda.”

Mariko 14:30

Yesu yaamukoba ati: “Bwenebwene ka nkukobere, mwene iwe olwaleero obwire, enkoko enaaba ekaali kukolyoka mikuzi ebiri, ng'oneegaine emikuzi esatu.”

Mariko 14:9

Bwenebwene ka mbakobere nti mu nsi yoonayoona buli Amawulire Amalungi ye galikoberwa, omukazi ono ky'akoze kyona kinaayogerwangaku, okumwidhukira.”

Mariko 3:28

Bwenebwene ka mbakobere: Abantu balisoniyibwa ebibi byonabyona, n'ebivumo bye bavuma Katonda.

Mariko 6:11

Ate mu kifo kyonakyona mwe batabasangaalira waire okubawulira, bwe mubanga mukivaamu mukunkumulanga enkungu eri mu bigere byaimwe, kabe akamanhiso okubalaga nti musango gwaibwe.”

Mariko 8:12

Yesu yaisa ekikoowu, yaakoba ati: “Lwaki abantu ab'enaku dhino benda akamanhiso? Bwenebwene ka mbakobere, ghazira kamanhiso kaidha kugheebwa bantu ba nnaku dhino!”

Mariko 9:1

Yaabakoba ati: “Bwenebwene ka mbakobere, ghaligho abandi ku bemereire ghano abatalirega ku kufa okutuusa lwe balibona Obwakyabazinga bwa Katonda nga bwidha n'amaani.”

Mariko 9:41

“Era kiisi yeenayeena alibagha olwendo olw'amaadhi okunhwa mu liina lyange, kuba muli ba Kurisito, bwenebwene mbakobera nti taliroba kufuna mpeera ye.

Luka 11:51

okuva ku musaayi gwa Abeli okutuuka ku musaayi gwa Zekaria eyaitirwa ghagati gh'alutaari n'eisinzizo. Bwenebwene nga bwe mbakobeire, ab'oluse luno balibuuzibwa omusaayi ogwo.

Luka 12:37

Abagheereza abo nga ba nkabi, abo musengwa waibwe b'aliira n'ayagaana nga beetegefu. Bwenebwene ka mbakobere: Alyesiba, yaabatyamya ku kiiwulo, yaabita ng'abagheereza.

Luka 13:35

Kale bona, endhu yaimwe esigaire bwereere etyo. Era ka mbakobere timuja kumbonaku okutuusa lwe mulikoba muti ‘Wa nkabi oyo aidha mu liina lya Musengwa.’ ”

Luka 16:17

Aye kyangu eigulu n'ensi okuwaagho okusinga Amateeka okuvaaku waire akatoonheze.

Luka 18:17

Bwenebwene ka mbakobere: Ataikiriza Bwakyabazinga bwa Katonda oti mwana muto taghanga kubungiramu naire.”

Luka 18:29

Yesu yaabakoba ati: “Bwenebwene ka mbakobere ezira oyo aleka maka, mukazi, oba baganda be, oba bazaire oba baana olw'okuba Obwakyabazinga bwa Katonda,

Luka 23:43

Yesu yaamukoba ati: “Bwenebwene ka nkukobere: Olwa leero oidha kuba ninze mu kifo eky'okwesiima.”

Luka 4:24

Yaakoba ati: “Bwenebwene ka mbakobere ezira mulanzi aikirizibwa ku kyalo kya waibwe.

Yoanne 1:51

Era yaabakoba ati: “Bwenebwene ka mbakobere, mulibona eigulu nga libwikwike era nga bamalaika ba Katonda abandi baniina, era ng'abandi baika ku Mwana w'Omuntu.”

Yoanne 10:1

“Bwenebwene ka mbakobere: Ole atabita mu mulyango ng'angira mu kigo ky'entaama, aye n'aniinira aghandi, oyo aba mwibi era munhazi.

Yoanne 10:7

Agho Yesu kabiri yaabakoba ati: “Bwenebwene ka mbakobere, ninze omulyango gw'entaama.

Yoanne 12:24

Bwenebwene, ka mbakobere: emuuma y'engaano bw'etagwa mu itaka n'efa esigala bedengedenge, aye bw'efa ereeta ebibala kamaala.

Yoanne 13:16

Bwenebwene ka mbakobere: omwiru tasinga Musengwa we, era omutume tasinga oyo amutuma.

Yoanne 13:38

Yesu yaamwiramu ati: “Onaaghaayo obulamu bwo ku lwange? Bwenebwene ka nkukobere: enkoko teidha kukolyoka ng'okaali kuneegaana emikuzi esatu.”

Yoanne 14:12

Bwenebwene ka mbakobere: andhikiriza alikola bye nkola ate alikola n'ebisinga agho, kuba nze ndi kuja ye Lata.

Yoanne 16:20

Bwenebwene ka mbakobere, mulirira, mwagegenga, aye ensi erisagamba; muliwulira enaku, aye enaku yaimwe erifuuka eisanhu.

Yoanne 16:23

Olunaku olwo bwe lulituuka timulimbuuza kintu kyonakyona. Bwenebwene ka mbakobere: Lata alibagha kyonakyona kye mulisaba mu liina lyange.

Yoanne 21:18

Bwenebwene ka nkukobere: bwe wali omwisuka, weesibanga waaja ye wayendanga aye bw'olikairigha olighanika amakono go, owundi yaakusiba yaakutwala y'otayenda.”

Yoanne 3:11

Bwenebwene ka nkukobere, ife twogera kye twidhi era tukakasa kye twabona, aye imwe muloba okwikiriza obudhulizi bwaife.

Yoanne 3:3

Yesu yaamwiramu ati: “Ka nkukobere bwenebwene, ezira aghanga kubona Bwakyabazinga bwa Katonda okutoolaku ng'azaaliibwa omukuzi ogwokubiri.”

Yoanne 3:5

Yesu yaamwiramu ati: “Bwenebwene ka nkukobere, okutoolaku ng'omuntu azaaliibwa amaadhi ni Mwoyo, taghanga kwingira mu Bwakyabazinga bwa Katonda.

Yoanne 5:19

Agho Yesu yaabairamu ati: “Ka mbakobere, bwenebwene Omwana tasobola kukola kintu kyonakyona ku lulwe akola ebyo byonka by'abona Lata ng'akola. Kiisi Lata ky'akola n'Omwana ky'akola

Yoanne 6:26

Yesu yaabairamu ati: “Bwenebwene ka mbakobere, muli kundhagala ti lwa kuba mwabona obumanhiso bwe nakola, aye muli kundhagala lwa kuba mwalya emigaati mwalekerera.

Yoanne 6:32

Yesu yaabakoba ati: “Bwenebwene ka mbakobere, Musa ti n'eyabagha omugaati oguva mu igulu. Lata wange n'agaba omugaati gwene oguva mu igulu

Yoanne 6:47

Bwenebwene, ka mbakobere aikiriza, ali n'obulamu obutawaagho.

Yoanne 6:53

Agho Yesu n'okubakoba ati: “Bwenebwene ka mbakobere, okutoolaku nga mulya omubiri gw'Omwana w'Omuntu, era ni munhwa n'omusaayi gwe, timughanga kuba na bulamu.

Yoanne 8:34

Yesu yaabairamu ati: “Bwenebwene ka mbakobere, kiisi akola kibi, aba mugheereza wa kibi.

Yoanne 8:51

Bwenebwene, ka mbakobere yeenayeena akalangukira ku kibono kyange, taja kufa.”

Yoanne 8:58

Yesu yaabairamu ati: “Bwenebwene ka mbakobere Aburahamu yali akaali kubaagho, nze nga ndigho.”

1 Petero 1:25

aye ekibono kya Musengwa kibaagho ebyanda n'ebyanda.” Ekibono kino n'Amawulire Amalungi agaabakoberwa.

Okwolekebwa 20:11

Agho naabona ekityamo eky'obwakyabazinga ekikologho, nga kyeru, era nga kiriku akityaimeku. Eigulu n'ensi byabulagho mu maiso ge obutairayo kubonekaku.