Matayo 5:16 - Baibuli Ekibono kya Katonda 2014

¹⁶ Ekimulika kyaimwe kyakire abantu kityo, babone ebikolwa byaimwe ebikalamu, baghe Iseimwe ow'omu igulu ekitiisa.

Matayo 5:16 ပူးပေါင်းရင်းမြစ်များ

Okuvaayo 34:35

Agho Abaisiraeli baabonanga oluwutu olw'omu maiso ga Musa nga lumesunkana, era Musa yairangamu okweghemba ekitambaala mu maiso okutuusa kabiri lwe yajanga okwogera ni Musengwa Katonda.

Ensambo 4:18

Obulamu obw'abatuufu buli ng'oti ndhuba ku nkyo, etoolereza okuvaayo yaaja nga yeeyongera okwaka, okutuuka mu kasana ghagati.

Isaia 58:8

“Olwo mulimesunkana ng'oti n'endhuba eri kuvaayo, era mwawonezebwa mangu. Ebikolwa byaimwe ebirungi biribakulemberangamu, n'ekitiisa kyange nze Musengwa Katonda kyabavangaku einhuma nga kibakuuma.

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Matayo 23:5

Era mu byonabyona bye bakola benda abantu bababone, kuba bagaziya fulakiteria dhaibwe, baaleeya amadhwenge ag'ebivaalo byaibwe.

Matayo 23:9

Era ku nsi kuno mutabanga na muntu ye mweta ‘Lata’, kuba Iseimwe ali mulala, ali mu igulu.

Matayo 5:45

Memale olwo mube abaana ba Iseimwe ali mu igulu ayakiza endhuba ye abalungi n'ababi, n'agwikiza amaadhi ge abo abakolera ku mazima n'abatagakoleraku

Matayo 6:16

“Bwe musiibanga, mutadhuunianga ng'abakuusa: Kuba beeyonoona emboneka yaibwe baboneke mu bantu nga basiiba. Bwenebwene ka mbakobere, abo empeera yaibwe bagifunie.

Matayo 6:9

Agho ni musabanga muti: ‘Iseife ali mu igulu, eriina lyo litiibwe.

Matayo 9:8

Abantu bwe baabona, baatya era baagha Katonda ekitiisa eyagha abantu obukumu obwaga agho.

Luka 11:2

Yesu yaabakoba ati: “Bwe mubanga musaba mukobanga muti, ‘Lata, Eriina lyo litiibwe, Obwakyabazinga bwo bwidhe.

Yoanne 15:8

Bwe mwama einho muba beegeresebwa bange era mwoleka ekitiisa kya Lata wange.

Ebikolwa by'Abatume 9:36

Mu Yoppa mwalimu omukazi nga eriina lye ni Tabitha oba Dorukasi, ekitegeeza, empongo. Omukazi ono, yakolanga ebikolwa ebirungi era n'eby'ekisa.

1 Ab'e Korintho 14:25

Ebyo by'adhuuba mu mwoyo gwe eby'engiso byerulwa, yaakuba amakiryaivu, yaasinza Katonda ng'akoba ati: “Bwenebwene Katonda ali mu imwe.”

2 Ab'e Korintho 9:13

Okugheereza kwaimwe kuno kukakasa abantu nga bwe muli. Olwo abantu kamaala baagha Katonda ekitiisa olw'okwikiriza n'okwatula Amawulire Amalungi aga Kurisito, era n'olw'obugabi bwaimwe eri abantu abo, era n'eri abandi boonaboona.

Ab'e Galatia 1:24

Era baasaaka Katonda ku lw'ekyo ekyantuukaku.

Ab'Efeso 2:10

Kuba ife tuli bitonde bya Katonda, twatondebwa mu Kurisito Yesu tukole ebikolwa ebikalamu Katonda bye yatutegekera okuva eira.

Ab'Efeso 5:8

kuba eira mwali mu nzikiiza, aye okuva lwe muli bantu ba Musengwa, muli ba butangaavu. Kale mutambule ng'abantu abali mu butangaavu,

1 Ab'e Thessalonika 2:12

okuba mu bulamu Katonda bw'asiima, oyo abeeta okwingira mu Bwakyabazinga bwe era mu kitiisa kye.

1 Timotheo 2:10

Mu kifo ky'ebyo, bakole ebikolwa ebikalamu, nga bwe kigwanira abakazi abaisa mu Katonda ekitiisa.

1 Timotheo 5:10

Namwandu oyo ateekwa okuba nga amanhiibwa olw'ebikolwa ebikalamu: nga yakuza bukalamu abaana be, nga yasangaaliranga abageni, nga yanaazanga ebigere eby'abantu ba Katonda, nga yayambanga abali mu buzibu, era nga yeeghaayo inho okukola obukalamu mu buli nsambo.

1 Timotheo 5:25

N'ebikolwa ebikalamu bityo biboneka mangu. Ni bwe bitaboneka mangu, birwa eira byaboneka.

1 Timotheo 6:18

Bagwaine okukola obulungi, babe bakombe mu bikolwa ebirungi, aby'ekisa era eby'obugabi.

Tito 2:14

Oyo n'eyeeghaayo okutununula mu bibi byaife byonabyona era n'okutufuula abantu be abaamufu abenda einho okukola ebintu ebikalamu.

Tito 2:7

Era iwe mwene oteekwa okuba eky'okuboneraku ekirungi mu by'okola byonabyona, ng'oli wa mazima era omumalirivu mu kwegeresa kwo.

Tito 3:14

Abantu baife bagwaine beege okukozesanga ebiseera byaibwe obukalamu, nga bakola emirimo omuva ebyetaago balobe kuba agho nga bazira kye bagasa.

Tito 3:4

Aye Katonda Omulokozi waife bwe yayoleka ekisa kye n'okugonza kwe kw'agonzaamu abantu,

Abaheburayi 10:24

Tufengayo inho okukubiriza banaife mu kugonzania, n'okukola ebikalamu.

1 Petero 2:12

Mwebisenga bukalamu nga muli mu bamaghanga agandi. Olwo balobe kuboogeraku bati muli bakozi ba bibi, aye babone nga bye mukola bikalamu era basaake Katonda ku lunaku lw'aliidha.

1 Petero 2:9

Aye imwe muli lulyo lulonde, bakabona aba Kyabazinga, muli ighanga itukuvu era abantu ba Katonda beene. Katonda oyo n'eyabeeta okuva mu nzikiiza okwira mu butangaavu bwe obwewuunhisa einho, yaabalonda okukobera abantu ebyewuninkiriza bye yakola.

1 Petero 3:1

Mu nsambo n'endala, abakazi muwulirenga baibaimwe. Olwo, abandi ku abo waire mperaano tibaikiriza kibono, basobole okuleetebwa mu kwikiriza olw'empisa dhaimwe enkalamu nga ghazira ni kye mubakobyeku.

1 Petero 3:16

Mubenga baamufu mu myoyo gyaimwe, olwo muswazenga abo ababavuma n'ababoogeraku obubi ku mpisa dhaimwe enkalamu edh'Obukurisito.

1 Petero 4:11

Oyo akobera abantu ekibono kya Katonda, akobere irala ekibono ekyo Katonda ky'amugha; oyo agheereza, agheerezenga n'amaani Katonda g'amugha. Olwo Katonda agheebwe ekitiisa mu byonabyona ku lwa Yesu Kurisito mwene kitiisa, n'obukumu, ebyanda n'ebyanda. Amiina.

1 Petero 4:14

Oba nga babavumira eriina lya Kurisito muli ba nkabi, kuba kino kitegeeza nga Mwoyo wa Katonda ow'ekitiisa ali mu imwe.