Matayo 5:15 - Baibuli Ekibono kya Katonda 2014

¹⁵ Era tibakunaania itaala ni balifundikira mu kiibo, aye balighanika ku kikondo lyamulisa boonaboona ababa mu ndhu.

Matayo 5:15 ပူးပေါင်းရင်းမြစ်များ

Okuvaayo 25:37

Bw'omala oidha kukola entaala musanvu edh'okubanga ku kikondo ekyo, era odhiteeku dhibe nga dhimulisa mberi wa kikondo ekyo.

Zekaria 4:2

Yambuuza ati: “Kiki ky'oli kubona?” Naamwiramu nti: “Ndi kubona ekikondo eky'entaala ekyakolebwa mu zaabu, nga ku ngulu kwakyo kuliku akadoome akabaamu amafuta. Ku kikondo ekyo kuliku entaala musanvu, nga buli ntaala eriku entambi musanvu musanvu.

Okubala 8:2

“Koba Aaroni oti, bw'aba ng'ali kuta entaala omusanvu ku kikondo kyadho, adhiteeku dhibe nga dhimulisa mberi wa kikondo ekyo.”

Mariko 4:21

Agho Yesu era yaakoba ati: “Eitaala balireeta kulifundikira mu kiibo, oba kulita mu kunkuliisi? Ti kulighanika ku kikondo kyalyo?

Luka 11:33

“Ghazira akunaania itaala n'alita mu ziizi oba n'alifundikira mu kiibo. Ky'akola alita ku kikondo eky'eitaala, abangira baasobola okubona.

Luka 11:36

Bwe kiba ni ng'omubiri gwo gwonagwona gutangaala, nga muzira kazikiiza koonakoona, gulitangaala gwakutangaaza ng'oti n'eitaala eryaka.”

Luka 8:16

“Ezira muntu akunaania itaala kabiri n'alifundikaku kiibo, oba n'alita mu kunkuliisi aye alita ku kikondo kyalyo memale abangira baabona okumulika kwalyo.

Ab'e Filippi 2:15

olwo mubuleku omusango oba ekintu kyonakyona ekiboogezaaku obubi. Mube abaana ba Katonda abatuukiriire nga muli mu bantu ab'oluse luno ababi era abaayonooneka. Mubaakiremu ng'oti mataala mu nsi muno.

Abaheburayi 9:2

Eweema yateebwagho. Mu kifo kyayo ekituukirwaku mwalimu ekikondo ky'eitaala, n'emeeza, n'emigaati egigheereibwayo eri Katonda. Ekiketezo ekyo nga kyetebwa Ekifo Ekitukuvu.

Okwolekebwa 2:5

Kale idhukira bwe wangonzanga ng'okaali kugwa, weenenie, okole bye wakolanga mu mainhama. Aye bw'oteenenie, ndidha kwidha y'oli, ntoolegho ekikondo kyo eky'entaala mu kifo kyayo.