Matayo 5:11 - Baibuli Ekibono kya Katonda 2014

¹¹ “Muli ba nkabi bwe banaabavumanga, ni babakiriga, era ni baboogeraku buli kibi kyonakyona olw'okuba nze, nga basubagha.

Matayo 5:11 ပူးပေါင်းရင်းမြစ်များ

Zabbuli 35:11

Abadhulizi abaguya basituka bampaama ebintu bye ntaidhiiku naire.

Zabbuli 44:22

Busa naire, kuba ku lulwo twitibwa omusana n'obwire; tuli ng'oti n'entaama edhija okwitibwa.

Isaia 25:8

Musengwa Katonda alizikiriza okufa kwasaaniragho irala ebyanda n'ebyanda. Alyeya abantu be boonaboona amaziga, yaatoolagho n'okuswazibwa kwe baali nakwo mu nsi yoonayoona. Musengwa Katonda oyo mwene n'ayogeire.

Isaia 51:7

Imwe abaidhi obutuufu era abagema amateeka n'omwoyo omulala, muwulirise kye nkoba. Mutatyanga bantu kubayeeyereza, era bwe babavumanga mutawangamu maani;

Isaia 66:5

Imwe abafuba einho okugondera Musengwa Katonda by'alagira ni mubikola, muwulire Musengwa Katonda oyo ky'akoba: “Olw'okuba muli beesigwa ye ndi, abandi ku bantu baimwe beene babakyagha era baababingagania, nga babayeeyereza bati, ‘Musengwa Katonda leka abawonie ayolese nga bw'ali ow'ekitiisa, tuboneku nga bwe musagamba.’ Aye beene n'abaliswazibwa.

Yeremia 37:14

Nze naamwiramu nti: “Busa, tiri kulumuka kwira ku luuyi lwa Bababiloni.” Aye Iriya yaaloba kuwulirisa bye namukoba. Kale yangema bugeme, era yantwala y'abakungu.

Matayo 10:18

Balibatwala mu maiso ag'abafuzi ni bakyabazinga nga babalanga nze, mube badhulizi bange mu abo ni mu bamaghanga agandi.

Matayo 10:22

Abantu boonaboona balibakyagha olw'eriina lyange. Aye oyo alyekalangula okutuusa ku nkomerero, alirokolwa.

Matayo 10:25

Kimala ayegeresebwa okuba ng'omwegeresa we, n'omugheereza okuba nga Musengwa we. Kale oba nga mwenemu bamweta Beelezebulu, memale leero balyaza gha okubiiya ab'omu maka ge!

Matayo 10:39

Oyo agezaaku okuwonia obulamu bwe abufiirwa, ate oyo afiirwa obulamu bwe olw'okuba nze abuwonia.

Matayo 19:29

Era yeenayeena aleka enhumba, oba baganda be, oba baanhina, oba ise, oba inhina, oba abaana, oba ebibandha, ku lwange aliirizibwagho emikuzi kikumi, era yaafuna n'obulamu obutawaagho.

Matayo 24:9

“Mu biseera ebyo balibagema baabaghaayo okudaazibwadaazibwa, n'okwitibwa. Abamaghanga agandi boonaboona balibakyagha nga babalanga nze.

Matayo 27:39

Ababise baamuvuma bwe batengeesa emitwe gyaibwe,

Mariko 13:13

Abantu boonaboona balibakyagha olw'eriina lyange. Aye aliguma okutuuka ku nkomerero n'alirokolebwa.

Mariko 13:9

“Imwe beene mwekuume baidha kubatwala mu mbuga, baidha kubakubira mu sinagoga era balibasimba mu maiso ag'abafuzi ni bakyabazinga nga babalanga nze, mube abadhulizi mu abo.

Mariko 4:17

Aye olw'okuba bazira mizi, ekibono bakisanhukira akaseera katono era ebizibu oba okukirigibwa bwe kwidha olw'ekibono, bawaamu mangu amaani.

Mariko 8:35

kuba ayenda okuwonia obulamu bwe, oyo abubuza bubuze aye abuza obulamu bwe ku lwange n'olw'Amawulire Amalungi, oyo abuzaawula.

Luka 21:12

Aye ng'ebyo byonabyona bikaali kubaagho, balibagema baabadaazadaaza, baabaghaayo mu mikono gya ab'obuyinza mu sinagoga ni mu makomera, baabaseeghayo ye bakyabazinga ni y'abafuzi abandi, ku lwange.

Luka 21:17

Abantu boonaboona balibakyagha ku lw'eriina lyange.

Luka 6:22

“Muli ba nkabi abantu bwe banaabakyaghanga, bwe banaabeeyawulangaku, bwe banaabavumanga, bwe baneenhinhalanga eriina lyaimwe bati ibi, nga babalanga Omwana ow'Omuntu.

Luka 9:24

kuba buli ayenda okuwonia obulamu bwe, oyo abuza bubuze aye abuza obulamu bwe ku lwange, oyo abuzaawula.

Yoanne 15:21

Aye balibakola bino byonabyona ku lwange, kuba tibaidhi oyo eyantuma.

Yoanne 9:28

Baamuvuma, baamukoba bati: “Niiwe omwegeresebwa w'oyo omusaadha aye ife tuli beegeresebwa ba Musa.

Ebikolwa by'Abatume 9:16

Era ndimwoleka nga bw'aja okudaagadaaga einho ku lwange.”

Ab'e Roma 8:36

Nga bwe kyaghandiikibwa kiti: “Ku lulwo, tuli mu kabi ak'okufa olunaku lwonalwona. Tutwalibwa ng'entaama edhija okwitibwa.”

1 Ab'e Korintho 4:10

Ku lwa Kurisito ife tuli basiru, aye imwe muli bagezi mu Kurisito oyo! Ife tuli banafu, aye imwe muli ba maani! Ife tunhoomebwa, aye imwe muteebwamu ekitiisa.

2 Ab'e Korintho 4:11

Buliidho obulamu bwaife buli mu kabi ak'okufa ku lwa Yesu, olwo obulamu bwe bubonekere mu mibiri gyaife egifa.

Ab'e Filippi 1:29

Kuba mwagheebwa enkabi okwikiriza Kurisito era n'okudaagadaaga ku lulwe.

1 Petero 2:23

Bwe yavumibwa, mwene tiyavuma. Bwe yadaazibwadaazibwa, tiyeesoomera abo abaamudaazadaaza. Aye yata obwesige mu Katonda oyo asala omusango nga tasaliriza.

1 Petero 4:14

Oba nga babavumira eriina lya Kurisito muli ba nkabi, kuba kino kitegeeza nga Mwoyo wa Katonda ow'ekitiisa ali mu imwe.

Okwolekebwa 2:3

Ndidhi ng'oguminkiriza, waagumira ebizibu olw'eriina lyange, waaloba kuwaamu maani.