Matayo 4:3 - Baibuli Ekibono kya Katonda 2014

³ Omukemi yaaseeta, yaamukoba ati: “Oba oli Mwana wa Katonda koba amabaale gano gafuuke emigaati.”

Matayo 4:3 ပူးပေါင်းရင်းမြစ်များ

Okuvaayo 16:3

“Nguli Musengwa Katonda yatwitira mu Misiri ye twatyamanga ku nsaka edh'emamba ni ku biiwulo eby'emere, ni tulya ni twiguta, ekyo n'ekyandisinzeeku imwe okutuleeta mu irungu lino twenatwena tulambukire muno endhala.”

Matayo 14:33

Era abaali mu lyato baamusinza nga bakoba bati: “Bwenebwene, oli Mwana wa Katonda!”

Matayo 16:16

Simoni Petero yaamwiramu ati: “Niiwe Kurisito Omwana wa Katonda omulamu.”

Matayo 26:63

Aye Yesu yaasirika busirike. Agho Omukulu wa Bakabona yaamukoba ati: “Mu ga Katonda omulamu, tukobere oba nga niiwe Kurisito Omwana wa Katonda.”

Matayo 3:17

N'eiroboozi lyava mu igulu lyakoba liti: “Ono ni mutabane wange omugonzi, mwe neesiimira einho.”

Mariko 1:1

Entandiika y'Amawulire Amalungi aga Yesu Kurisito Omwana wa Katonda.

Mariko 3:11

N'emizimu bwe gyamubonanga nga gyeyala agho mu maiso ge gyayasiikana giti: “Niiwe Omwana wa Katonda!”

Mariko 5:7

era yaayasiikana ati: “Yesu Omwana wa Katonda Ali Ghaigulu Yeene onhendeza ki? Mu ga Katonda otandaazadaaza!”

Luka 1:35

Malaika yaamwiramu ati: “Mwoyo Mutukuvu aidha kukwikaku, n'amaani g'oyo Ali Ghaigulu Yeene gaidha kukuboghera, kyova ky'olizaala, ekitukuvu, kiryetebwa Mwana wa Katonda.

Luka 22:70

Boonaboona baamukoba bati: “Ekikoba niiwe Omwana wa Katonda?” Yaabakoba ati: “Niimwe abakyogeire.”

Luka 4:3

Sitaani yaamukoba ati: “Oba nga oli Mwana wa Katonda, koba eibaale lino lifuuke omugaati.”

Luka 4:41

Era n'emizimu emibi gyona gyava ku bantu kamaala nga gyasiikana giti: “Iwe oli Mwana wa Katonda!” Yaagikaabukira nga tagiganha kwogera, kuba gyali gimwidhi nga ni Kurisito.

Luka 4:9

Baava agho Sitaani yaamutwala e Yerusalemu yaamuta ku kasolya ak'eisinzizo, yaamukoba ati: “Oba oli Mwana wa Katonda va ghano weesuule ghansi

Yoanne 1:34

Ebyo nabibona era nkakasa nti oyo n'Omwana wa Katonda.”

Yoanne 1:49

Nathanaeli yairamu ati: “Mwegeresa, niiwe Omwana wa Katonda! Niiwe Kyabazinga wa Isiraeli!”

Yoanne 20:31

Aye bino byaghandiikibwa ku lwaimwe, mwikirize nga Yesu ni Kurisito, Omwana wa Katonda, era olw'okwikiriza okwo, mufune obulamu mu liina lye.

Yoanne 9:35

Yesu yaawulira nga bamubinze. Bwe yamubona yaamukoba ati: “Oikiriza Omwana ow'Omuntu?”

Ebikolwa by'Abatume 9:20

Tibwalwa yaayegeresa mu sinagoga ati: “Yesu n'Omwana wa Katonda.”

2 Ab'e Korintho 1:19

Kuba Yesu Kurisito Omwana wa Katonda, Siluvano, Timotheo, ninze ye twabakobera, tiyali “Yii” ni “Busa”, aye oyo buliidho ni “Yii.” wa Katonda.

Ab'e Galatia 2:20

era tiri mulamu ku bwange aye Kurisito n'omulamu mu nze. Obulamu buno bwe ndi nabwo mperaano mu mubiri, ndi nabwo lwa kwikiriza Mwana wa Katonda eyangonza n'aghaayo obulamu bwe ku lwange.

1 Ab'e Thessalonika 3:5

Kyova bwe nabona nga tikaasobola kuguminkiriza, natuma Timotheo mmanhe okwikiriza kwaimwe bwe kuli, nga ntya nti tomanha mulebi bw'aba nga yabaleba, okufaabiikana kwaife ni kufa busa.

Abaheburayi 12:16

Mwekuume ghalobe kubaagho mwenzi oba atatya Katonda ng'Esau, eyatunda obusika bwe olw'omwiguto omulala guti.

Abaheburayi 4:14

Kale nga bwe tuli n'Omukulu wa Bakabona omukologho atyo, Yesu Omwana wa Katonda, eyajiira irala ye Katonda, tukalangukire ku kwikiriza kwaife kwe twatula.

Abaheburayi 7:3

Aziraku ise oba inhina oba badhaadha be. Aziraku lunaku lwe yazaalibwa oba lwe yafiiraku. Aye okwefaanaanirizaaku n'Omwana wa Katonda, aba kabona wa byanda na byanda.

1 Yoanne 3:8

Oyo akola ekibi, aba wa Sitaani kuba Sitaani mukozi wa bibi okuviira irala ku kwinhama. Kyova Omwana wa Katonda yaidha okuzikiriza ebikolwa bya Sitaani.

Okwolekebwa 2:10

Otatya ebyo ebizibu ebiri okumpi okukutuukaku. Bona, Sitaani aidha kusuula abandi ku imwe mu ikomera okubaleba, era mulidaagadaaga okumala enaku ikumi. Weekalangulire mu kwikiriza okutuusa okufa, ndikugha obulamu ng'ekirabo eky'obughanguzi.