Matayo 4:24 - Baibuli Ekibono kya Katonda 2014

²⁴ Yaawulikika mu Siria mwonamwona baamuleetera boonaboona abaali obubi: abaalwala endwaire edha buli nsambo, n'abaali na buli kibaluma, abaaliku emizimu, n'abasimbu, n'abalema, era yaabawonia.

Matayo 4:24 ပူးပေါင်းရင်းမြစ်များ

2 Samueli 8:6

Agho Daudi yaata enkambi edh'abalwani mu Aramu eky'e Damasiko, Abasiria baafuuka bagheereza be nga bamugha omusolo. Musengwa Katonda yaaghanga Daudi obughanguzi buli ye yajanga.

1 Bakyabazinga 10:1

Agho kyabazinga omukazi ow'e Sheba bwe yawulira obumanhifu bwa Solomoni obwamugheebwa Musengwa Katonda, yaidha n'ebibuuzo ebikalangafu okumuleba.

1 Bakyabazinga 4:31

Solomoni n'eyali asinga abantu boonaboona amagezi. Yasinga Ethani Omuezera, yaasinga ni Hemani, ni Kalukoli, ni Darida, abo nga batabane ba Maholi. Era yaamanhikana mu maghanga goonagoona ageezungulwire agho.

1 Ebyomubyanda 14:17

Daudi oyo yaamanhika mu nsi dhoonadhoona, era Musengwa Katonda yaaleetera amaghanga goonagoona okumutya.

1 Ebyomubyanda 29:2

Kale kye nviire ni nfuba nga bwe nsoboire, ni ntaagho ebintu byonabyona eby'okuzimbisa eisinzizo lya Katonda wange, bino: zaabu ow'okukolamu ebintu ebya zaabu, ni feeza ow'okukolamu ebintu ebya feeza, n'ekyuma eky'ekikomo eky'okukolamu ebintu eby'ekyuma eky'ekikomo, n'ekyuma ekigumu einho eky'okukolamu ebintu eby'ekyuma ekigumu einho, n'emiti egy'okukolamu ebintu eby'emiti, n'amabaale ag'omughendo ageetebwa onikisi, n'agandi ag'okuzimbisa, n'ag'okudholigadholiga, n'agandi ag'omughendo agamirimiinha ag'ensambo kamaala.

Okuvaayo 15:26

Musengwa Katonda yaabakoba ati: “Bwe muliba abawulize obulungi bwene, nga mukola ebyo ebituufu ye ndi, era nga mugondera amateeka gange n'ebiragiro, tija kubabonereza na bulwaire ku obwo bwe nasindikira Abamisiri. Kuba ninze Musengwa Katonda abawonia endwaire.”

Matayo 12:22

Agho Yesu baamuleetera omuntu aliku omuzimu omubi nga mutulu era kasiru, yaamuwonia yaaba ng'aghanga okwogera era n'okubona.

Matayo 14:1

Mu kiseera ekyo, Herode omufuzi wa Galilaaya yaawulira okwatiikirira kwa Yesu,

Matayo 15:22

Ghaabaagho omukazi Omukanaani eyava mu kiketezo ekyo, yaaseeta yaayogerera ghaigulu ati: “Musengwa, mwidhukulu wa Daudi, nkusaba ondhune. Mughala wange aliku omuzimu omubi gumutawaania.”

Matayo 17:15

Yaakoba ati: “Musengwa, saasira mutabane wange, agwa ensimbu era adaagadaaga inho kuba emikuzi kamaala agwa mu muliro, ate n'olundi mu maadhi.

Matayo 17:18

Yesu yaakaabukira omuzimu omubi gwamuvaaku, era omulenzi yaawona, mu saawa yeene eyo.

Matayo 4:23

Agho Yesu yeezungulula Galilaaya yoonayoona, ng'ayegeresa mu sinagoga dhaibwe, era ng'abakobera Amawulire Amalungi ag'Obwakyabazinga yaawonia buli bulwaire na buli bugodhe mu bantu.

Matayo 8:28

Agho bwe yatuuka eruuyi ere mu nsi ey'Abagadara, abantu babiri abaaliku emizimu emibi baamwagaana nga bava mu lwambiidhi omwaziikibwanga abantu, nga bakambwe ekibitiriire era nga ghazira muntu asobola kubita mu ngira eyo.

Matayo 8:33

Abaali badhaaya baalumuka baaja mu kibuga, baaghaya byonabyona n'ebyafa ku baaliku emizimu.

Matayo 8:6

ng'akoba ati: “Musengwa, omugheereza wange agoomeire ghaka mu bulumi obubitirivu.”

Matayo 9:26

Amawulire gano gaabuna ekiketezo ekyo kyonakyona.

Matayo 9:35

Agho Yesu yaaja ng'abita mu bibuga byonabyona ni mu byalo, nga bw'ayegeresa mu sinagoga dhaibwe era nga bw'abakobera Amawulire Amalungi ag'Obwakyabazinga yaawonia kiisi bulwaire na bugodhe.

Mariko 1:28

Era ebigema ku Yesu byasansaana mangu mu biketezo eby'e Galilaaya byonabyona.

Mariko 1:32

Endhuba bwe yagwa nga ni kanzimyenzimye agemye, baaleetanga gh'ali abalwaire aba buli nsambo nga n'abagemeibwa emizimu bali omwo.

Mariko 2:3

Agho ghaidhagho abaaleeta omugogomu nga bamusitwire bana.

Mariko 2:4

Aye tibaaghanga kumutuusa aghaali Yesu olw'eikuukuubira ery'abantu. Baaghenha ekituli mu kasulya, gheene Yesu ghe yali, baisiza agho endiri omugogomu kwe yali alambaire.

Mariko 2:9

Kiki ekisinga bwangu, okukoba omugogomu ono nti, ‘Ebibi byo bisoniyiibwa’, oba nti, ‘Situka ogeme endiri yo otambule’?

Luka 2:2

Okubalibwa kuno okwasooka, kwaligho nga Kwirinio n'afuga Siria.

Luka 4:14

Agho Yesu mu maani ga Mwoyo Mutukuvu yairayo e Galilaaya, era kyawulikika mu biketezo byonabyona ebyetooloire agho.

Luka 4:38

Agho Yesu yaasituka yaava mu sinagoga, yangira mu ndhu ya Simoni. Yaayagaana mukoirume wa Simoni ng'ali n'omusuudha omungi, era baamusaba amuwonie.

Luka 5:15

Aye ebimufaaku byayongera kusansaana, era abantu kamaala beesoloza okumuwulirisa n'okuwonezebwa ebibaluma.

Luka 5:24

Aye ka mumanhe muti Omwana w'Omuntu ali n'obukumu ku nsi okusonigha ebibi.” Agho yaakoba omugogomu ati: “Nkoba iwe, situka ogeme endiri yo oje ewaimwe.”

Luka 7:17

Ekibono kino ekigema ku Yesu kyabuna mu Buyudaaya mwonamwona ni mu biketezo byonabyona ebiriinaine wo.

Yoanne 10:21

Aye abandi baakoba bati: “Ebibono bino, ti bya muntu aliku muzimu mubi. Omuzimu gusobola gutya okuzibula amaiso ag'abatulu?”

Ebikolwa by'Abatume 10:38

Katonda yayugha ku Yesu ow'e Nazarethi Mwoyo Mutukuvu n'amaani. Yaatambulanga woonawoona, yaajanga ng'akola ebikolwa ebirungi, ng'awonia boonaboona abadaazibwadaazibwa Sitaani, kuba Katonda yali naye.

Ebikolwa by'Abatume 15:23

Baabagha embaluwa ekoba eti: “Ife aboluganda, Abatume n'abakulembeze b'abaikiriza, tubalamwisa imwe aboluganda abamaghanga agandi ab'omu Antiokia ni Siria ni Kilikia.

Ebikolwa by'Abatume 15:41

Yaabita mu Siria ni mu Kilikia ng'agumya Ebikunsu eby'Abaikiriza mu Kurisito.

Ebikolwa by'Abatume 28:9

Kino bwe kyakolebwa, abantu abandi abalwaire abaali ku kizinga ekyo, boona baasomboka baawonezebwa.

Ebikolwa by'Abatume 8:7

Kuba emizimu emibi gyava ku bantu kamaala nga gyasiikanira ghaigulu, era abagongobavu n'abalema kamaala baawonezebwa.

Yoshua 6:27

“Kale Musengwa Katonda yaabanga ku luuyi lwa Yoshua mu byonabyona bye yakolanga, era Yoshua oyo yaamanhikana mu nsi yoonayoona.”