Matayo 4:23 - Baibuli Ekibono kya Katonda 2014

²³ Agho Yesu yeezungulula Galilaaya yoonayoona, ng'ayegeresa mu sinagoga dhaibwe, era ng'abakobera Amawulire Amalungi ag'Obwakyabazinga yaawonia buli bulwaire na buli bugodhe mu bantu.

Matayo 4:23 ပူးပေါင်းရင်းမြစ်များ

Zabbuli 103:3

N'oyo asonigha okwonoona kwange kwonakwona, yaawonia endwaire dhange dhoonadhoona.

Zabbuli 74:8

Baagenderera okututyama ku mitwe batughangulire irala, era baidha mu nsi yaife baayokya ebifo ebitukuvu byonabyona mwe tusinziza Katonda.

Matayo 11:5

Abatulu babona, abalema batambula, abali n'endwaire ey'ebigenge balongooka, abaasemba amatu bawulira, abafu bazuukizibwa, n'abaavu bakoberwa Amawulire Amalungi.

Matayo 12:9

Olwava agho, Yesu yaaja yangira mu sinagoga yaibwe.

Matayo 13:19

Yeenayeena awulira ekibono eky'Obwakyabazinga n'atakitegeera, ali ng'oti n'ensigo eyagwa ku ngira omubi aidha yaswankula ekyo ekisigiibwa mu mwoyo gwe.

Matayo 13:54

yaatuuka mu kibuga eky'ewaibwe yaayegeresa mu sinagoga yaibwe, era baayasaamirira inho baakoba bati: “Ono amagezi agaaga agho agatoola gha, era aghanga atya okukola ebyewuunhio by'akola?

Matayo 14:14

Yesu bwe yava mu lyato yaabona olukunkumuli olw'abantu yaabagemerwa ekisa era yaawonia abalwaire baibwe.

Matayo 24:14

Era n'Amawulire Amalungi ag'Obwakyabazinga galirangirirwa mu nsi yoonayoona, ng'amazima ag'okudhulirwa amaghanga goonagoona agho ni ng'enkomerero etuuka.

Matayo 3:2

yaakoba ati: “Mwenenie kuba Obwakyabazinga obw'omu igulu buseese.”

Matayo 9:35

Agho Yesu yaaja ng'abita mu bibuga byonabyona ni mu byalo, nga bw'ayegeresa mu sinagoga dhaibwe era nga bw'abakobera Amawulire Amalungi ag'Obwakyabazinga yaawonia kiisi bulwaire na bugodhe.

Mariko 1:14

Agho Yoanne ng'amaze okugemwa, Yesu yaaja e Galilaaya yaalangirira Amawulire Amalungi agava ewa Katonda.

Mariko 1:21

Baatuuka e Kaperinaumu era Yesu tiyalwa, ku lwa Sabbato yangira mu sinagoga yaayegeresa.

Mariko 1:39

Atyo ni, Yesu yaatambula mu Galilaaya mwonamwona ng'ayegeresa mu sinagoga dhaibwe era n'abaaliku emizimu ng'abawonia.

Mariko 3:10

Olw'okuba yawonianga ebirwaire ebya buli nsambo baamwenhigirizangaku baamugemaku.

Mariko 6:2

Olwa Sabbato bwe lwatuuka, yaatoolera okwegeresa, mu sinagoga. Abantu kamaala abaamuwulira beewuunhia baakoba bati: “Ono bino abitoola gha? Magezi ga kika ki agaamugheebwa, n'ebyewuunhio ebyaga agho n'asobola okubikola!

Mariko 6:6

Era yeewuunhia inho obutaikiriza bwaibwe. Yaabitabita mu byalo ebiriinaine agho ng'ayegeresa.

Luka 10:9

Muwonie abalwaire abali mu kibuga omwo, mubakobere muti obwakyabazinga bwa Katonda buseese.

Luka 13:10

Bwe yali ali kwegeresa mu sinagoga ndala, ku Sabbato,

Luka 16:16

“Amateeka n'abalanzi byaligho okutuuka ku Yoanne okuva n'olwo Obwakyabazinga bwa Katonda bwayegeresebwa nga n'Amawulire Amalungi, era buli muntu agezaaku okubungiramu n'amaani.

Luka 20:1

Lwali lulala Yesu bwe yali ng'ali kwegeresa abantu mu isinzizo nga bw'abakobera Amawulire Amalungi, Bakabona Abakulu, Abanamateeka, n'abakulu ab'ebika beesoloza.

Luka 4:14

Agho Yesu mu maani ga Mwoyo Mutukuvu yairayo e Galilaaya, era kyawulikika mu biketezo byonabyona ebyetooloire agho.

Luka 5:17

Lwali lulala, Yesu yali ayegeresa, era ng'ali n'amaani ga Musengwa ag'okuwonia. Abafarisaayo n'Abanamateeka abaali baviire mu buli kyalo: abaava e Galilaaya, mu Buyudaaya, ni mu Yerusalemu nga batyaime agho.

Luka 6:17

Agho yaikirira nabo, yaayemerera ku museetwe ghalala n'eikuukuubira ery'Abeegeresebwa be, n'olukunkumuli olw'abantu abaava mu Buyudaaya bwonabwona, ni mu Yerusalemu, ni mu biketezo eby'oku nhandha ebiriinaine Tiro ni Sidoni,

Luka 6:6

Ku lwa Sabbato olundi, Yesu yangira mu sinagoga okwegeresa. Omwo mwalimu omuntu ng'omukono gwe omusaadha gwaniala.

Luka 7:21

Mu kiseera kyene ekyo, Yesu yaawonia abantu kamaala endwaire, ni kawumpuli, n'emizimu emibi, n'abatulu kamaala yaabagha okubona.

Luka 7:22

Agho yaabairamu yaabakoba ati: “Muje mukobere Yoanne bye muboine ni bye muwuliire: abatulu bairamu kubona, abalema batambula, ab'endwaire ey'ebigenge balongooka, abaasemba amatu bawulira, abafu bazuukizibwa, n'abaavu bakoberwa Amawulire Amalungi

Luka 8:1

Olwatuuka, nga ghabiseegho entangama, Yesu yaaja ng'abita mu bibuga ni mu byalo bw'alangirira era bw'akobera abantu Amawulire Amalungi ag'Obwakyabazinga bwa Katonda, nga n'Eikumi n'Ababiri bali naye.

Luka 9:11

Abantu kamaala baategeera era baamunonereza yaabasangaalira, yaabakobera ku Bwakyabazinga bwa Katonda era yaawonia abaali benda okuwonezebwa.

Luka 9:60

Agho yaamukoba ati: “Leka abafu baziike abafu baibwe, aye iwe ja olangirire Obwakyabazinga bwa Katonda.”

Yoanne 18:20

Yesu yaamwiramu ati: “Buliidho nayogeranga nga boonaboona babona. Mbairenga nga ndhegereseza mu sinagoga ni mu isinzizo, Abayudaaya boonaboona mwe beesololezanga. Ghazira kye nayogera mu ngiso.

Yoanne 6:59

Yayogera bino ng'ali kwegeresa mu sinagoga e Kaperinaumu.

Yoanne 7:1

Ebyo bwe byawa Yesu yaasigala mu Galilaaya nga tayenda kutambulira mu Buyudaaya, kuba Abayudaaya baali banoonia kumwita.

Ebikolwa by'Abatume 10:38

Katonda yayugha ku Yesu ow'e Nazarethi Mwoyo Mutukuvu n'amaani. Yaatambulanga woonawoona, yaajanga ng'akola ebikolwa ebirungi, ng'awonia boonaboona abadaazibwadaazibwa Sitaani, kuba Katonda yali naye.

Ebikolwa by'Abatume 18:4

Ku buli Sabbato Paulo yatakananga n'Abayudaaya n'Abagureki nga agezaaku okubaikirizisa.

Ebikolwa by'Abatume 20:25

Mperaano nze ndidhi nga imwe mwenamwena be nabitangamu nga mbakobera Obwakyabazinga bwa Katonda, timukairayo kumbona.

Ebikolwa by'Abatume 28:31

Yaabakoberanga eby'Obwakyabazinga bwa Katonda era yaabeegeresanga ebigema ku Musengwa Yesu Kurisito nga ghazira amulobera.

Ab'e Roma 10:15

Era balikoberwa batya, nga ghazira batumiibwa? Nga bwe kyaghandiikibwa kiti: “Okwidha kw'abo abaleeta Amawulire Amalungi nga kusangaaza!”