Matayo 4:2 - Baibuli Ekibono kya Katonda 2014

² Bwe yamala okusiiba enaku amakumi ana (40), omusana n'obwire, endhala yaamuluma.

Matayo 4:2 ပူးပေါင်းရင်းမြစ်များ

1 Bakyabazinga 19:8

Eliya yaasituka yaalya era yaanhwa. Eby'okulya ebyo byamugha amaani, yaatambula enaku amakumi ana (40) omusana n'obwire, yaatuuka ku Sinai olusozi lwa Katonda.

Okuvaayo 24:18

Musa yaaniina ku lusozi ghaigulu, yangira mu kire era yaaba okwo okumala enaku amakumi ana omusana n'obwire.

Okuvaayo 34:28

Kale Musa yaaghandiika ebibono eby'endagaano, amateeka eikumi, ku bibaadho eby'amabaale. Yaaba eyo ni Musengwa Katonda okumala enaku amakumi ana omusana n'obwire, era nga talya mere waire okunhwa amaadhi.

Matayo 21:18

Ku nkyo Yesu bwe yali ali kwira mu kibuga, endhala yaamuluma.

Matayo 25:35

Kuba nali muyala mwampa eky'okulya endiwo yaanuma mwampa eky'okunhwa nali nga timundidhi mwansangaalira.

Matayo 25:42

Kuba nali ng'endhala enuma timwampa kya kulya, nali nfa endiwo, timwampa kya kunhwa.

Mariko 11:12

Olunaku olwairirira, bwe baali bava e Bethania, Yesu endhala yaamuluma.

Luka 4:2

yaamala enaku amakumi ana (40) Sitaani ng'amukema. Mu nnaku edho tiyalya ku kantu koonakoona, era bwe dhaawaaku endhala yaamuluma.

Yoanne 4:6

Agho n'aghaali ensulo eyali emanhiibwa nga ensulo ya Yakobo. Kale Yesu eyali akooye n'olugendo yaatyama agho ku nsulo. Esaawa dhaali nga mukaaga.

Amateeka Agokubiri 18:18

Ndidha kubasindikira omulanzi okuva mu ighanga lyaibwe, ali ng'oti niiwe. Ndidha kumukobera eby'okwogera, olwo abakoberenga byonabyona bye ndimulagira.

Amateeka Agokubiri 9:18

Neeyala ku itaka nga neefundiike mu maiso ga Musengwa Katonda, nga bwe nali mmaze okukola mu kusooka. Naamala enaku amakumi ana, omusana n'obwire, nga tirya mere waire okunhwa amaadhi. Kuba mwali nga mukoze ekibi mwasungughaza Musengwa Katonda.

Amateeka Agokubiri 9:25

“Kale neeyala ku itaka nga neefundiike mu maiso ga Musengwa Katonda okumala enaku edho amakumi ana, omusana n'obwire, kuba Musengwa Katonda yali ankobye ati aja kubazikiriza.

Amateeka Agokubiri 9:9

Nze naniina olusozi okugheebwa ebibaadho eby'amabaale ebyaghandiikibwaku endagaano Musengwa Katonda ye yakola n'imwe. Naasigalayo okumala enaku amakumi ana, omusana n'obwire, nga tirya mere waire okunhwa amaadhi.