Matayo 4:15 - Baibuli Ekibono kya Katonda 2014

¹⁵ “Ekiketezo kya Zebuluni n'ekya Nafutali, ku ngira ey'oku nhandha ng'osomoike Yorudani. Galilaaya ey'abamaghanga agandi!

Matayo 4:15 ပူးပေါင်းရင်းမြစ်များ

1 Bakyabazinga 9:11

kyabazinga Solomoni oyo yaagha kyabazinga Hiramu ebibuga amakumi abiri mu kiketezo ky'e Galilaaya. Hiramu oyo, kyabazinga w'e Tiro, n'eyaleeteranga Solomoni ebintu byonabyona bye yeetaaganga okuzimbisa: emivule, emiti emisipuressi, ni zaabu.

2 Bakyabazinga 15:29

Mu biseera Peka bye yafugiramu Isiraeli, ghaabaagho kyabazinga Tigulathi Pileseri ow'e Assiria yaidha yaagema ebibuga Iyoni, ni Abeli Bethi Maaka, ni Yanoa, ni Kedeshi, ni Hazori, n'ebiketezo eby'e Gileadi, n'eby'e Galilaaya, n'eby'e Nafutali. Era yaatwala n'abantu mu Assiria nga banhage.

Isaia 9:1

Bazira ngeri ye baliwonamu lunaku lwa kabi olwo. Ebika bya Zebuluni n'ebya Nafutali eira byanhoomebwanga, aye ye bwidha ekiketezo ekyo kiriba kya kitiisa, okuviira irala ku Nhandha Eyaghagati okuja okutuuka e buvandhuba ng'osomoike Yorudani, n'okutuukira irala e Galilaaya abamaghanga agandi ye baba.

Matayo 4:13

Yaava e Nazarethi, yaaja yaaba e Kaperinaumu eky'oku nhandha, mu biketezo eby'e Zebuluni ni Nafutali

Matayo 4:14

okutuukiriza omulanzi Isaia kye yakoba, ati:

Matayo 4:25

Ebiyindi by'abantu byava mu Galilaaya, ni mu Dekapoli, ni mu Yerusalemu, ni mu Buyudaaya, n'okusomoka Yorudani, byamunonereza.

Luka 24:27

Agho yaatoolera okubainhonhola Ebyaghandiikibwa, ebyo byonabyona ebimugemaku, eby'abalanzi boonaboona okuviira irala ku Musa.

Yoshua 20:7

Kale e bugwandhuba wa Yorudani baalondayo Kedeshi eky'e Galilaaya, mu kiketezo eky'ensozi ekya Nafutali ate mu kiketezo eky'ensozi ekya Efuraimu baalondayo Shekemu. Mu kiketezo eky'ensozi ekya Yuda baalondayo Kiriathi Araba, ekyo nga ni Heburoni.

Yoshua 21:32

Era baafuna ebibuga bisatu okuva ku kiketezo eky'Abanafutali, nga ni bino: Kedeshi eky'omu Galilaaya era ekindi ku byalondebwa okulumukirangamu ole aise omuntu nga tagendereire, ni Hammothi Dori, ni Karitanu, n'ebiketezo ebibyezungulwire omuli eisubi ery'okwayirangamu.