Matayo 4:10 - Baibuli Ekibono kya Katonda 2014

¹⁰ Agho Yesu yaamukoba ati: “Sitaani ja ere! Kuba kyaghandiikibwa kiti, ‘Osinzanga Musengwa Katonda wo, era ni yenka y'ogheerezanga.’ ”

Matayo 4:10 ပူးပေါင်းရင်းမြစ်များ

1 Ebyomubyanda 21:1

Agho Sitaani yaasituka okuleeta akabi ku Isiraeli, yaasendasenda Daudi okubala Abaisiraeli.

Yobu 1:12

Musengwa Katonda yaakoba Sitaani ati: “Kale, byonabyona by'ali nabyo biri mu buyinza bwo. Aye mwene otamukolaku kabi.” Agho Sitaani yaava mu maiso ga Musengwa Katonda.

Yobu 1:6

Olunaku lwali lulala, abakwenda ab'omu igulu baidha okweyandhula mu maiso ga Musengwa Katonda. Ni Sitaani yeena yaidhiramu.

Yobu 2:1

Kabiri olunaku olundi, abakwenda ab'omu igulu baidha okweyandhula mu maiso ga Musengwa Katonda. Ni Sitaani yeena yaidhiramu okweyandhula mu maiso ga Musengwa Katonda.

Zabbuli 109:6

Wo Katonda wange, omuzigu wange musimbe mu maiso ag'omulamuzi omubi asaliriza, era owundi ku bazigu be beene n'abe amulumirize.

Okuvaayo 23:25

Nze Musengwa Katonda wo, ninze y'obenga osinze, era nze ndidha kukughanga enkabi mu mere ni mu maadhi, era ntoolegho obulwaire obubadaaza.

Isaia 30:22

Olwo mulitoola ebifaananie byaimwe ebibaadhe bye mwalimbyaku feeza, n'ebyo bye mwakola mu zaabu, mwabisuula ere ng'ebintu ebitali birongoofu, nga mukoba muti: “Muje ere, era timwiranga!”

Matayo 16:23

Aye Yesu yaakyuka yaakoba Petero ati: “Nva mu maiso Sitaani, oli kitimuguunha mu ngira yange kuba ebya Katonda tobitegeera, otegeera bya bantu.”

Mariko 1:13

Eyo Yesu yaamalayo enaku amakumi ana (40), Sitaani yaamukema. Yaabanga ghalala n'ensolo edh'omu nsiko, aye bamalaika nga bamugheereza.

Luka 10:18

Yesu yaabakoba ati: “Nabona Sitaani ng'agwa okuva mu igulu oti lukuba.

Luka 11:18

Kale ni oba Sitaani yeekutwiremu atyo, obwakyabazinga bwe bunaayemereragho butya? Kuba niimwe omukobye muti emizimu ngibinga ku bwa Beelezebulu.

Luka 13:16

Kale tikigwaine omukazi ono mwidhukulu wa Aburahamu, Sitaani y'abaire asibye okumala emyaka eikumi n'omunaana, kusibululwa mu busibe obwo waire ku lwa Sabbato?”

Luka 22:3

Agho Sitaani yangira mu Yuda ayetebwa Isikarioti eyali omulala ku abo Eikumi n'Ababiri.

Luka 22:31

“Simoni, Simoni, oli kuwulira? Sitaani aikiriziibwa okubaleba, ayawule abalungi n'ababi ng'oti n'omuntu asensa engaano mu biwusu.

Luka 4:8

Yesu yairamu ati: “Kyaghandiikibwa kiti, ‘Osinzanga Musengwa Katonda wo, era ni yenka y'ogheerezanga.’ ”

Yoanne 13:27

Yuda bwe yamala ati okufuna ekitole ekyo, Sitaani yamungiramu. Yesu yaamukoba ati: “Ky'oja okukola kikole mangu!”

Ebikolwa by'Abatume 26:18

Olibazibula amaiso, bagaluke okuva mu nzikiiza baire mu butangaavu, era bave mu buyinza bwa Sitaani baire ye Katonda, basoniyibwe ebibi byaibwe era bafune omugabo n'abo abatukuzibwa olw'okundhikiriza.’

Ebikolwa by'Abatume 5:3

Aye Petero yaakoba ati: “Lwaki oganhie Sitaani okukufuga waasubagha Mwoyo Mutukuvu, waasigaza ekitundu ku by'otunze mu kibandha kyo?

1 Ab'e Korintho 5:5

omusaadha oyo mumugheeyo mu maani ga Sitaani omubiri gwe guzikirizibwe, memale omwoyo gwe gulokolebwe ku lunaku lwa Musengwa waife Yesu.

1 Ab'e Korintho 7:5

Ole atalobanga mwine, okutoolaku nga musoose kwisania mwataagho ekiseera eky'okusabiramu Katonda. Aye ekiseera ekyo nga kiwoireku mwirengamu nga buliidho, kuba Sitaani asobola okubasendasenda mwaloba kwekuuma.

2 Ab'e Korintho 11:14

Era ekyo tikyewuunhisa, kuba ni Sitaani yeefuula okuba malaika ow'obutangaavu.

2 Ab'e Korintho 12:7

Aye olw'okundobera okwekudumbaza olw'okuba nafuna okwolekebwa okutali kwa buliidho, nafumitibwa eiwa mu mubiri erikola ng'omukwenda wa Sitaani okunkubanga, olwo ndobenga kwekudumbaza.

2 Ab'e Korintho 2:11

Olwo Sitaani alobe kutuzingiza, kuba twidhi entegeka ye yoonayoona.

Amateeka Agokubiri 10:20

Mutyenga Musengwa Katonda waimwe, era yenka ye mube musinzenga. Mubenga beesigwa y'ali, era eriina lye lyonka, lye mube mulayirenga.

Yakobo 4:7

Kale ni mugondere Katonda, aye Sitaani mumutakanie, aidha kubalumuka.

Yoshua 24:14

“Mpegaano ni mutyenga Musengwa Katonda era mumugheerezenga n'omwoyo mulala nga muli beesigwa. Musuule ere bakatonda badhaadha baimwe be baagheerezanga nga bakaali eruuyi ere ng'osomoike omwiga era ni bwe baali nga bakaali e Misiri, mugheereze Musengwa Katonda yenka.

1 Petero 5:9

Mutamuganha era mwekalangulire mu kwikiriza kwaimwe, nga mwidhi bukalamu nga baganda baimwe mu nsi yoonayoona bali kudaazibwadaazibwa mu nsambo n'endala eyo.

1 Samueli 7:3

Agho Samueli yaakoba Abaisiraeli boonaboona ati: “Oba nga mwenda okukyuka okwira ku Musengwa Katonda n'omwoyo gwaimwe gwonagwona, mutoolegho emisambwa egy'amaghanga agandi gyonagyona era mutoolegho n'ebifaananie eby'omusambwa omukazi Ashitarothi. Mwegheereyo irala eri Musengwa Katonda, yenka ye mube mugheereze. Aidha kubawonia Abafilisiti.”