Matayo 3:6 - Baibuli Ekibono kya Katonda 2014

⁶ era yaababatiza mu mwiga Yorudani nga bwe baatula ebibi byaibwe.

Matayo 3:6 ပူးပေါင်းရင်းမြစ်များ

Ezera 10:1

Ezera bweyali ng'ali kusaba bw'ayatula ebibi, eno nga bw'alira amaziga ng'akubye amakiryaivu gha mberi gh'eisinzizo lya Katonda, eikuukuubira ery'Abaisiraeli abasaadha n'abakazi n'abaana abato, lyesololeza gh'ali. Boonaboona nga bali kulira inho amaziga.

Zabbuli 32:5

Agho naayatula y'oli ebibi bye nakolanga, era naaloba kukugisa mikuzi gye nayonoonanga. Naakoba nti: “Nteekwa okwatula okwonoona kwange ye Musengwa Katonda.” Agho weena wansonigha omusango ogw'ebibi bye nakola.

Ensambo 28:13

Ole akweka ebibi bye, ebintu tibiidha kumujiiranga bukalamu, aye ole abyatula era n'atabiiramu, Katonda alimusaasira.

Ezekieli 36:25

Ndi bamansiraku amaadhi amalungi, gaabanaazaaku obwonoonefu bwaimwe bwonabwona n'okusinza ebitali nze Katonda.

Danieli 9:4

Naasaba Musengwa Katonda wange oyo nga ndhatula ebibi eby'abantu bange. Naakoba nti: “Musengwa Katonda wange, oli mukologho era ow'entiisa. Iwe okuuma endagaano yo era waagonza obutalekera abo abakugonza ni bagema ebiragiro byo.

Abalevi 16:21

Anaatanga emikono gye gyombi ku mutwe gw'embuzi eyo enamu, yaalaamiriza ng'ayatula ebyonoono n'ebibi eby'Abaisiraeli n'obudheemu bwonabwona yaabisindika ku mutwe gwayo, olwo yaagisindiikiriza mu irungu ng'etwalibwa omuntu eyategekebwa okukola ekyo.

Abalevi 26:40

“Aye baidhukulu baimwe bwe balyatula ebibi byaibwe n'ebibi bya badhaadha baibwe abaakola empwitu ni bandheemera,

Okubala 5:7

Aidha kwatulanga ekibi kye ky'akoze, aghengayo omutango omwidhuvu olw'ekibi ekyo, era ateerengaku n'ekitundu kirala kirala ku buli bitundu bitaanu eby'omutango ogwo, abighe oyo yaiziizaaku omusango.

Matayo 3:11

“Bwenebwene nze mbabatiza na maadhi okulaga okwenenia kwaimwe, aye anvaaku einhuma n'asinga nze obukumu, oyo ye ntagwanira na kuba mu kifo kye alibatiza mu Mwoyo Mutukuvu ni mu muliro.

Mariko 1:5

Abantu beesombanga okuva mu kiketezo eky'e Buyudaaya yoonayoona n'ab'omu Yerusalemu boonaboona baaja ye Yoanne, yaababatiza mu mwiga Yorudani, nga bwe baatula ebibi byaibwe.

Luka 1:16

Abaana ba Isiraeli kamaala alibaiza ye Musengwa Katonda waibwe.

Luka 3:16

Yoanne yaabakoba ati: “Bwenebwene nze mbabatiza na maadhi, aye ansinga obukumu aidha, ye ntagwaniire waire okusibulula obusibiro obw'engaito dhe. Oyo alibabatiza na Mwoyo Mutukuvu era na muliro.

Ebikolwa by'Abatume 1:5

“Yoanne yabatizanga na maadhi aye mu nnaku edhitali dha ghala, mulibatizibwa na Mwoyo Mutukuvu.”

Ebikolwa by'Abatume 11:16

Agho ni naidhukira ekibono kya Musengwa bwe yakoba ati, ‘Yoanne yabatizanga na maadhi aye imwe mulibatizibwa na Mwoyo Mutukuvu.’

Ebikolwa by'Abatume 19:18

Abantu kamaala abaali nga buti bafuuse abaikiriza, baidha beenenia ebibi byaibwe ng'abantu boonaboona babona.

Ebikolwa by'Abatume 22:16

Kale mperaano olinda ki? Situka obatizibwe onaazibweku ebibi byo ng'osinza Katonda.’

1 Ab'e Korintho 10:2

Boonaboona mu kire, era ni mu nhandha baabatizibwa mu kwisa ekirala ni Musa.

Ab'e Kolosai 2:12

Mu kubatizibwa mwaziikibwa ghalala naye, era mwazuukizibwa ghalala naye, olw'okwikiriza kwaimwe kwe muli nakwo mu maani ga Katonda eyamuzuukiza okuva mu bafu.

Abaheburayi 6:2

Era nga tubeegeresa ebigema ku kubatizibwa okwa buli nsambo, n'ebigema ku kuteebwaku emikono, n'ebigema ku kuzuukira okw'abafu era n'ebigema ku kusalirwa omusango ogutawaagho.

Abaheburayi 9:10

Bino byakomanga ku bya ku ngulu ebigema ku kulya, ni ku kunhwa, ni ku bulombolombo obw'okwetukuza, ebyali eby'okubaagho okutuusa ku kiseera eky'okwiza ebintu byonabyona obuyaaka.

Yakobo 5:16

Kale ni buli muntu akoberenga baine ebibi bye mwene, era musabiraganenga, muwonezebwe. Okusaba okw'omutuukirivu kuli n'amaani mangi.

Yoshua 7:19

Yoshua kyeyava naakoba Akyani ati: “Mwana wange, yogera amazima mu maiso ga Musengwa Katonda, Katonda wa Isiraeli weenenie. Nkobera kye wakola otakingisa.”

1 Petero 3:21

Amaadhi ago gafaanana n'okubatizibwa okubalokola buti. Okubatizibwa okwo, ti n'okunaazaaku eiko ku mubiri, aye n'okweghemba Katonda atughe omwoyo omunaabuufu olw'okuzuukira kwa Yesu Kurisito.

1 Yoanne 1:9

Aye bwe twatula ebibi byaife, oyo omwesigwa era ow'amazima atusonigha ebibi byaife era yaatunaazaaku byonabyona ebitali bituufu.