Matayo 3:5 - Baibuli Ekibono kya Katonda 2014

⁵ Abantu okuva e Yerusalemu ni mu Buyudaaya mwonamwona, ni mu biketezo ebiriinaine omwiga Yorudani boonaboona baaja y'ali

Matayo 3:5 ပူးပေါင်းရင်းမြစ်များ

Matayo 2:1

Agho Yesu bwe yazaalibwa e Bethelehemu mu Buyudaaya, mu byanda bya kyabazinga Herode, ghaabaagho abakugu mu by'emuunienie abaava e buvandhuba baatuuka mu Yerusalemu.

Matayo 4:25

Ebiyindi by'abantu byava mu Galilaaya, ni mu Dekapoli, ni mu Yerusalemu, ni mu Buyudaaya, n'okusomoka Yorudani, byamunonereza.

Mariko 1:5

Abantu beesombanga okuva mu kiketezo eky'e Buyudaaya yoonayoona n'ab'omu Yerusalemu boonaboona baaja ye Yoanne, yaababatiza mu mwiga Yorudani, nga bwe baatula ebibi byaibwe.

Luka 16:16

“Amateeka n'abalanzi byaligho okutuuka ku Yoanne okuva n'olwo Obwakyabazinga bwa Katonda bwayegeresebwa nga n'Amawulire Amalungi, era buli muntu agezaaku okubungiramu n'amaani.

Luka 3:3

Yoanne yaaja woonawoona mu biketezo ebyetooloire Yorudani, yaalangirira okubatizibwa okw'okwenenia okusoniyibwa ebibi.

Luka 3:7

Abantu kamaala beesomba okwidha ye Yoanne okubatizibwa. Kyeyava n'abakoba ati: “Imwe eizaire ery'emisota, naani eyabalabula okulumuka ekibonerezo ekiri kwidha?

Yoanne 3:23

Yoanne yeena yali abatiriza mu Aenoni okumpi ni Salimu, kuba yaliyo amaadhi kyodo era ng'abantu baidha baabatizibwa.

Yoanne 5:35

Yoanne yali ng'oti itaala eryaka ni limulisa, aye okumulisa kwe kwabasangaazaaku kaseera buseera.