Matayo 3:3 - Baibuli Ekibono kya Katonda 2014

³ Ono, omulanzi Isaia ye yayogeraku bwe yakoba ati: “Ghaligho amamiro g'oyo alangirira mu irungu ati: ‘Mutegeke Musengwa gh'anaabita, era mutereeze obugira bwe.’ ”

Matayo 3:3 ပူးပေါင်းရင်းမြစ်များ

Isaia 40:3

Ghaligho amamiro g'oyo alangirira ati: “Mutegeke Musengwa Katonda gh'anaabita mu nsi enkalukalu, mutereeze oluguudo lwa Katonda waife mu irungu.

Malaki 3:1

Agho Musengwa Katonda Afuga Amagye yaabairamu ati: “Bona eno, ndituma omukwenda wange yantegekera engira mwe ndibita. Olwo Musengwa Katonda ye muli kwagala alibazinduukiriza nga timwetegeike, yaidha mu isinzizo lye. Era omukwenda oyo ye mwegomba okubona, aliidha yaalangirira endagaano yange.”

Mariko 1:3

Nti era eriyo n'eiroboozi ery'oyo alangirira mu irungu ati: “Mutegeke engira ya Musengwa, mutereeze gh'anaabita.”

Luka 1:17

Alyembereramu Musengwa mu mwoyo n'amaani ng'oti n'Eliya bye yali nabyo, emyoyo gya badhaadha agiitukize mu baidhukulu, abadheemu abaize mu magezi ag'abatuufu, ateeregho atyo Musengwa abantu abeetegefu.”

Luka 1:76

N'iwe Omwana, olyetebwa mulanzi w'oyo Ali Ghaigulu Yeene; kuba olyembereramu Musengwa waamutegekera engira dhe

Yoanne 1:23

Yaakozesa ebibono bya Isaia Omulanzi, yaakoba ati: “Ninze eiroboozi ly'oyo alangiriza mu irungu ati, ‘Mutereeze engira ya Musengwa.’ ”