Matayo 3:2 - Baibuli Ekibono kya Katonda 2014

² yaakoba ati: “Mwenenie kuba Obwakyabazinga obw'omu igulu buseese.”

Matayo 3:2 ပူးပေါင်းရင်းမြစ်များ

1 Bakyabazinga 8:47

aye ni bamala beerowooza nga bali eyo mu nsi ye baatwalibwa ng'abanhage, ni beenenia era ni bakweghemba bati, ‘Twayonoona, twadaaliima era twakola ebibi’, wuliranga okusaba kwaibwe.

Yobu 39:12

Ogisuubira okukuleetera by'okungwire, yaabibunga mu kifo aghakubirwa emere ey'empeke?”

Yobu 42:6

Kale ni neemenhie era neenenia naatyama mu nkungu ni mu ivu.”

Ezekieli 33:11

Bakobe oti nze Musengwa Katonda nga bwendi omulamu, tinhumirwa kubona mwonooni ng'afiire. Aye nhenda akyuke aleke ebibi bye, abe mulamu. Imwe abantu b'eighanga Isiraeli, mukyuke. Mukyuke muve mu mpisa dhaimwe embi. Lwaki mwenda okufa?

Danieli 2:44

Mu biseera eby'abafuzi abo, Katonda ow'eigulu alitaagho obwakyabazinga nga ghazira kisobola kubuzikiriza, era ng'ezira ighanga lisobola kubaghangula. Aye bulimaniangula obwakyabazinga obundi bwonabwona bwabusaaniagho, bwene bwabaagho ebyanda n'ebyanda.

Matayo 10:7

Bwe muja mubakobenga muti, ‘Obwakyabazinga obw'omu igulu buseese.’

Matayo 11:20

Agho Yesu yaatoolera okuvumirira ebibuga mwe yali akoleire ebyewuunhio kamaala, ni biroba okwenenia.

Matayo 12:41

Ab'e Nineve, mu kusalirwa omusango, balisituka baalumiriza abantu ab'oluse luno kuba beenenia Yona bwe yalangirira okwenenia ate nga ghano ghaligho n'asinga Yona.

Matayo 13:11

Yaabairamu ati: “Kuba imwe mwagheebwa okumanha ebyama eby'Obwakyabazinga obw'omu igulu, aye abo tibagheebwanga.

Matayo 13:24

Kabiri yaabakobera olufumo olundi ng'akoba ati: “Obwakyabazinga obw'omu igulu bufaanana ng'omuntu eyasiga ensigo enungi mu nimiro ye.

Matayo 13:31

Yaabakobera olufumo olundi ati: “Obwakyabazinga obw'omu igulu bufaanana ng'oti n'akamuuma ka kaladaali, omuntu ke yatoola n'asiga mu nimiro ye.

Matayo 13:33

Yaabakobera olufumo olundi ati: “Obwakyabazinga obw'omu igulu bufaanana ng'oti n'ekizimbulukusa, omukazi kye yatoola n'atabika mu biibo ebisatu eby'engaano, okutuusa byonabyona bwe byazimbuluka.”

Matayo 13:47

“Era Obwakyabazinga obw'omu igulu bufaanana ng'akatimba akategebwa mu nhandha kaasoloza buli kika kya kyanhandha.

Matayo 13:52

Yaabakoba ati: “Kale ni kiisi Munamateeka ayega mu by'Obwakyabazinga obw'omu igulu afaanana ng'oti n'omuntu mwenemu, atoola mu iterekero lye ebiyaaka n'ebikaire.”

Matayo 18:23

Obwakyabazinga obw'omu igulu kyebuva bufaananizibwa ku kyabazinga eyayenda okugondhoola n'abagheereza be ebigema ku bintu bye, bye baali nabyo.

Matayo 20:1

“Kuba Obwakyabazinga obw'omu igulu bufaanana ng'oti ni mwene ghaka eyawuuna okuta abakozi mu isamba lye ery'emizabbibu.

Matayo 22:2

“Obwakyabazinga obw'omu igulu bufaananizibwa ng'oti ni kyabazinga eyategekera mutabane embaga ey'obufumbo.

Matayo 23:13

“Mukagwireku Abanamateeka n'Abafarisaayo abakuusa imwe, kuba mwigaliragho abantu Obwakyabazinga obw'omu igulu kuba imwe beene timungira waire okuganha abenda okwingira.” [

Matayo 25:1

“Agho ni, Obwakyabazinga obw'omu igulu bulifaanana ng'abaghala eikumi abaagema amataala gaibwe ni baja okusangaalira eyali abayiiza.

Matayo 25:14

“Kuba kiriba oti n'omuntu eyali aja mu lugendo n'ayeta abagheereza be n'abagemya ebintu bye.

Matayo 4:17

Okuva olwo Yesu yainhama okwegeresa n'okukoba ati: “Mwenenie kuba Obwakyabazinga obw'omu igulu buseese.”

Matayo 4:23

Agho Yesu yeezungulula Galilaaya yoonayoona, ng'ayegeresa mu sinagoga dhaibwe, era ng'abakobera Amawulire Amalungi ag'Obwakyabazinga yaawonia buli bulwaire na buli bugodhe mu bantu.

Matayo 5:10

Ba nkabi abakirigibwa olw'obutuufu, kuba Obwakyabazinga obw'omu igulu bwaibwe.

Matayo 5:3

“Ba nkabi abaavu mu mwoyo, kuba Obwakyabazinga obw'omu igulu bwaibwe.

Matayo 6:10

Obwakyabazinga bwo bwidhe. By'oyenda bikolebwe mu nsi nga bwe bikolebwa mu igulu.

Matayo 6:33

Kale ni musookenga kunoonia Bwakyabazinga bwa Katonda n'obutuufu bwe, era byonabyona biribongerwaku.

Mariko 1:15

Era ng'akoba ati: “Obwire butuuse, Obwakyabazinga bwa Katonda buseese, mwenenie era mwikirize Amawulire Amalungi.”

Mariko 1:4

Ng'olwo ni Yoanne Omubatiza aboneka mu irungu ng'alangirira abantu beenenie, babatizibwe, memale basoniyibwe ebibi.

Mariko 6:12

Kale baaja nga balangirira okwenenia.

Luka 1:16

Abaana ba Isiraeli kamaala alibaiza ye Musengwa Katonda waibwe.

Luka 11:20

Aye oba nga emizimu emibi ngibinga na bukumu bwa Katonda, agho ni Obwakyabazinga bwa Katonda butuuse mu imwe.

Luka 13:3

Busa, ka mbakobere imwe mwena bwe muteenenia, muja kuzikirira mutyo.

Luka 13:5

Busa, ka mbakobere: Mwena bwe muteenenia muja kuzikirira mutyo mwenamwena.”

Luka 15:10

Kale ka mbakobere: Ebaayo okusagamba mu bamalaika ba Katonda olw'omwonooni omulala eyeenenia.”

Luka 15:7

Ka mbakobere ni mu igulu okusagamba kuba kutyo, olw'omwonooni omulala eyeenenia, okusinga olw'abantu abatuufu ekyenda n'omwenda abateetaaga kwenenia.

Luka 16:30

Omukombe yaakoba ati, ‘Aburahamu lata, aye bweghabaagho ava e magombe n'aja ye bali, baidha kwenenia.’

Luka 21:31

Mu nsambo n'endala bwe mubonanga ng'ebintu ebyo bitooleire okubaagho, mumanhanga ng'Obwakyabazinga bwa Katonda buli kumpi.

Luka 24:47

era nti okwenenia n'okusoniyibwa ebibi, biri n'okukoberwa amaghanga goonagoona mu liina lye, okuviira irala ni mu Yerusalemu.

Luka 6:20

Yesu yaalingirira Abeegeresebwa be yaakoba ati: “Muli ba nkabi abaavu, kuba Obwakyabazinga bwa Katonda bwaimwe.

Luka 9:2

Yaabatuma okulangirira Obwakyabazinga bwa Katonda n'okuwonia abalwaire.

Ebikolwa by'Abatume 11:18

Bwe baawulira ebyo, baawola baagha Katonda ekitiisa nga bakoba bati: “Agho ni Katonda aghaire n'abamaghanga agandi, okwenenia bafune obulamu.”

Ebikolwa by'Abatume 17:30

Katonda tiyafanga ku ebyo abantu bye baakolanga olw'obutamanha bwaibwe, aye mperaano alagira abantu boonaboona ghe bali, beenenie

Ebikolwa by'Abatume 2:38

Petero yaabakoba ati: “Mwenenie, buli muntu abatizibwe mu liina lya Yesu Kurisito, ebibi byaimwe bisoniyibwe, era mwidha kufuna ekirabo kya Mwoyo Mutukuvu

Ebikolwa by'Abatume 20:21

Naalabulanga Abayudaaya n'Abagureki bakyuke okuva mu bibi byaibwe baire ye Katonda era baikirize Musengwa Yesu Kurisito.

Ebikolwa by'Abatume 26:20

Aye natoolera n'ab'omu Damasiko, n'ab'omu Yerusalemu, n'ab'omu Buyudaaya yoonayoona, era n'ab'omu maghanga agandi, naabakobera beenenie, bakyuke baire ye Katonda, bakole ebikolwa ebyoleka nga beeneniiza.

Ebikolwa by'Abatume 3:19

Kale mwenenie, mukyuke memale ebibi byaimwe bisoniyibwe.

2 Ab'e Korintho 7:10

kuba okulumwa nga Katonda bw'ayenda, kuvaamu okwenenia omuva okulokolebwa, era tikubaamu kweidhusa. Aye okulumwa okw'ensi kuvaamu kufa.

Ab'e Kolosai 1:13

Yatutoola mu bufuge obw'ekizikiiza yaatwiza mu Bwakyabazinga obw'Omwana we omugonzi.

2 Timotheo 2:25

era agalagira abamutakania aghazira ikabyo, kuba tomanha Katonda bw'abagha kwenenia ni beiraku ni bamanha mazima.

Abaheburayi 6:1

Kale ni ka tuleke ebyo bye twasookeraku okwega ebigema ku Kurisito, tuje mu maiso n'ebikulu. Titugwaine kabiri kwiramu kutaagho musingi buyaaka nga tubeegeresa okusooka okulekayo ebyo ebiziramu muganhulo bye mwakolanga, memale mutoolere okwikiriza Katonda.

2 Petero 3:9

Musengwa talwisaagho kutuukiriza kye yasuubiza ng'oti n'abandi bwe balowooza. Aye abaguminkiriza kuba tayenda naire muntu mulala ati kuzikirizibwa. Ayenda abantu boonaboona beenenie, bave mu bibi byaibwe.

Okwolekebwa 2:21

Namugha ekiseera okwenenia aye yaloba okuleka obudankaanu bwe.

Okwolekebwa 2:5

Kale idhukira bwe wangonzanga ng'okaali kugwa, weenenie, okole bye wakolanga mu mainhama. Aye bw'oteenenie, ndidha kwidha y'oli, ntoolegho ekikondo kyo eky'entaala mu kifo kyayo.