Matayo 3:10 - Baibuli Ekibono kya Katonda 2014

¹⁰ Kwo n'okuba empasa eteereibwa ku kikolo eky'emiti kale buli muti ogutaania bibala bikalamu gwa kutemebwa gusuulibwe mu muliro.

Matayo 3:10 ပူးပေါင်းရင်းမြစ်များ

2 Samueli 23:7

Aye ole ayenda okugagemaku, akozesa ekyuma ekigumu einho era n'olunhago olw'eifumo, yaagookya n'omuliro gwagamaliragho irala.”

Zabbuli 1:3

Ali ng'oti n'omuti ogwasimbibwa ku mwiga, ogwama ebibala mu biseera byagwo, era oguli n'amakaba agataniala. Ghazira ky'akola ni kimufiiririra.

Zabbuli 140:10

Omuliro ogw'amanda ka gubamagalikeku gubasiriize, basuulibwe mu biina eyo ye batasobola kuva.

Zabbuli 92:12

Abatuufu baja kweyongeranga okuba obulungi ng'oti n'omuti omunaazi, era bakule ng'oti n'emivule egy'e Lebanoni.

Isaia 27:11

Ensaga dh'emiti gyamu bwe dhikala, abakazi badhikookola, baadhigherera ng'enku. Era ng'abantu abo bwe baziramu naire akategeera, Katonda eyabatonda talibasaasira waire okubagemerwa ekivunika.

Isaia 61:3

Era yantuma eri abo abali mu Sioni, mbavaaze engule ku mitwe gyaibwe mu kifo ky'eivu lye beebbaase. Era mbaleetere okusangaala mu kifo eky'okunakughala, mbaleetere n'olwembo olw'okusaaka mu kifo eky'okuba mu bughafu. Olwo babe ng'oti n'emiti emikologho Musengwa Katonda mwene gye yeesimbira; era bakolenga ebituufu ebireetera Musengwa Katonda oyo okugheebwa ekitiisa.

Yeremia 17:8

Ali ng'oti n'omuti ogwasimbibwa ku mwiga, ogukunkunia emizi gyagwo ni gituuka ku maadhi. Tigutya musana ni bwe gwaka okwaga gha, kuba amakaba gaagwo gasigala nga ti maniavu. Ghazira kigweraliikiriza oba amaadhi gagwa oba tigagwa, kuba buli kiseera gutaaku ebibala.”

Danieli 4:14

Malaika oyo yaayogera mu mamiro ag'amaani ati: ‘Temagho omuti ogwo, oguwaawuleku ensaga n'amakaba, era ogutooleku ebibala obisansaaniesansaanie. Olwo ensolo edhibairenga ghansi ghaagwo dhirumukegho, n'enhonhi edhibairenga ku nsaga dhaagwo dhije.

Malaki 4:1

Musengwa Katonda Afuga Amagye akoba ati: “Olunaku luli kwidha abo abeetwala okuba aba ghaigulu n'abakozi ab'ebibi, lwe baliya ng'oti isubi ikalu. Ku lunaku olwo baliya ensaga n'emizi, okutuuka okuweekereragho.

Matayo 21:19

Yaabona omuti omutiini ku ngira, yaaja ghe guli, aye tiyayagaanaku kantu okutoolaku amakaba gonka. Yaagukoba ati: “Otaanianga ebyanda n'ebyanda!” Era omuti omutiini gwakaliragho.

Matayo 7:19

Buli muti ogutaania bibala bikalamu gutemebwa era gwasuulibwa mu muliro.

Luka 23:31

Kuba, oba nga bakola bino ku muti omubisi, kiriba kitya ku mukalu?”

Luka 3:9

Kwo n'okuba empasa eteereibwa ku kikolo eky'emiti kale buli muti ogutaania bibala bikalamu gwa kutemebwa era gusuulibwe mu muliro.”

Yoanne 15:2

Kiisi lusaga oluli ku nze olutayama alukutulaku, ate kiisi lusaga olwama aluwoolera lwanhirira male lwayama inho.”

Yoanne 15:6

Oyo atasigala mu nze asuulibwa ere ng'oti n'olusaga bwe lusuulibwa ere ni lukala ensaga ng'oti n'edho dhisolozebwa dhaasuulibwa mu muliro dhaaya.

Abaheburayi 12:25

Mwekuume, mutalobanga kuwulira oyo ayogera kuba, oba abo abaaloba okuwulira oyo eyabalabula ng'ali ku nsi, tibaawona, ife bwe tuloba okuwulira oyo atulabula, ng'ali mu igulu tuliwonera gha!

Abaheburayi 6:8

Aye bwe likuza amawa n'eisubi, liba tirikaagasa era nga liri kumpi kulaamibwa na kuzikirizibwa na muliro.