Matayo 28:9 - Baibuli Ekibono kya Katonda 2014

⁹ Tibwalwa Yesu yaabaagaana yaabakoba ati: “Miraala!” Baaseeta baamugema ku bigere, baamusinza.

Matayo 28:9 ပူးပေါင်းရင်းမြစ်များ

Isaia 64:5

Osangaalira abo abasanhukira okukola ebituufu, ni baidhukira okwebisa nga bw'oyenda. Iwe watusungughalira, aye ife tweyongera bweyongere kukola bibi. Era kuva ira nga tuli mu kukola bibi okwo. Aye oba tulibiwona?

Matayo 14:33

Era abaali mu lyato baamusinza nga bakoba bati: “Bwenebwene, oli Mwana wa Katonda!”

Matayo 23:7

okulamusibwa mu biya, n'abantu okubeeta bati, ‘Mwegeresa.’

Matayo 28:10

Yesu yaabakoba ati: “Mutatya aye muje mukobere baganda bange, baje e Galilaaya eyo ye balimbonera.”

Matayo 28:17

Bwe baamubona, baamusinza aye abandi tibaakakasa.

Matayo 28:8

Baafuluma mangu mu magombe nga batya, ate n'eisanhu lingi baalumuka okukobera Abeegeresebwa be.

Luka 1:28

Malaika yaidha y'ali yaamukoba ati: “Emiraala gibe n'iwe, oli wa nkabi, Musengwa ali n'iwe!”

Luka 24:52

Baamusinza, baira mu Yerusalemu n'eisanhu lingi inho,

Luka 7:38

Yaayemerera einhuma gh'ebigere bye yaalira. Era yaaboza ebigere bya Yesu n'amaziga ge, yaabisiimuuza enviiri dhe, yaabinhwegera, yaabisiiga obuwoowo.

Yoanne 12:3

Maria yaatoola akadoome ak'omuzigo ogw'omughendo ogw'ekika kya narudo yaagusiiga ku bigere bya Yesu, era bwe yamala yaabisiimuuza enviiri dhe. Enhumba yaidhula akawoowo.

Yoanne 20:19

Eigulo ly'olunaku lwene olwo, olwiririra Sabbato, endhigi dhaali nga nsibe Abeegeresebwa ghe baali beesololeiza kuba baali bali kutya Abayudaaya. Yesu yaidha yaabeemereramu ghagati yaabakoba ati: “Emiraala gibe n'imwe.”

Yoanne 20:28

Thomasi yaamwiramu ati: “Musengwa wange era Katonda wange!”

2 Ab'e Korintho 13:11

Ekisembayo aboluganda: Tukaali! Mufube okuba abatuukiriire, mujiire ku kugalaga kwange, mwisanie, mube n'emiraala, ni Katonda mwene kugonza era mwene miraala anaabanga n'imwe.

Okwolekebwa 3:9

“Kale abo abeesoloza okusinza Sitaani, abeeyeta Abayudaaya ate nga ti Bayudaaya, aye nga baguya, ndibaleeta mu maiso go, baakuba amakiryaivu gha bigere byo, bamanhe bati nkugonza.