Matayo 28:20 - Baibuli Ekibono kya Katonda 2014

²⁰ nga mubeegeresa okugema byonabyona bye nabalagira, era mwidhukire nga nze ndi n'imwe enaku dhoonadhoona okutuusa ku nkomerero ey'ensi.”

Matayo 28:20 ပူးပေါင်းရင်းမြစ်များ

Amainhama 39:21

Aye Musengwa Katonda yaabanga ni Yosefu oyo, yaamwoleka nga bw'amugonza obutalekera, yaaleetera omukuumi w'eikomera okumugemerwanga ekivunika.

1 Bakyabazinga 1:36

Benaia mutabane wa Yehoiada yairamu ati: “Amiina. Era, musengwa wange kyabazinga, neeghemba Musengwa Katonda wo akikakase.

1 Ebyomubyanda 16:36

Musengwa Katonda, Katonda wa Isiraeli asaakibwe! Asaakibwe buti, era asaakibwenga ebyanda n'ebyanda. Agho abantu boonaboona bakoba bati: “Amiina!” Era baasaaka Musengwa Katonda.

Zabbuli 46:11

Musengwa Katonda afuga amagye ali n'ife; Katonda wa Yakobo n'omukuumi waife.

Zabbuli 46:7

Musengwa Katonda Afuga Amagye ali n'ife; Katonda wa Yakobo n'omukuumi waife.

Zabbuli 72:19

Eriina lye ery'ekitiisa lisaakibwenga ebyanda n'ebyanda. Ekitiisa kye kiidhule ensi yoonayoona! Amiina era Amiina.

Okuvaayo 3:12

Agho Katonda yaamusuubiza ati: “Ndidha kubanga n'iwe, era kano kalikubeera akamanhiso, okwoleka nga ninze nkutumye: bw'olimala okutoola abantu abo mu Misiri, mulinsinziza ku lusozi luno.”

Okuvaayo 8:27

Tuteekwa kuja mu irungu nga tutambula olugendo olumala enaku eisatu memale tugheereyo eyo emisengo ye Musengwa Katonda waife, nga mwene bw'alitulagira.”

Isaia 41:10

Otatya, kuba nze ndi ghalala n'iwe. Oteeraliikirira, kuba nze ninze Katonda wo. Ndidha kukuyamba nkughe amaani, era nkulwanirire nkuleetere okughangula.

Yeremia 26:2

Musengwa Katonda yankoba ati: “Yemerera mu luya olw'eisinzizo, olangirire ebyo byonabyona bye nkulagira okukobera abantu abaidha okusinza, nga bava mu bibuga bya Buyudaaya. Ghatabaagho ky'olekayo naire ekirala kiti.

Ezekieli 46:10

Kyabazinga aidha kwingiriranga ghalala n'abantu nga bali kwingira. Era aidha kufulumiranga ghalala nabo nga bali kufuluma.

Matayo 1:23

“Bona, omughala omwegha aja kutoola enda azaale omwana wa bulenzi, era eriina balimweta Emmanueli”, ekitegeeza kiti: “Katonda ali n'ife.”

Matayo 13:49

Kityo bwe kiriba ku nkomerero ey'ensi: Bamalaika baliidha baayawula ababi mu balungi

Matayo 18:20

kuba ababiri oba abasatu ghe beesololeza mu liina lyange, zeena mbaagho agho ghagati waibwe.”

Matayo 24:3

Bwe yali ng'atyaime ku Lusozi olw'Emiti Emyoliva, Abeegeresebwa baidha y'ali mu kyama, baakoba bati: “Tukobere ebyo biribaagho li, era kiki ekiriba akamanhiso ak'okwidha kwo, n'okufundikira okw'ebyanda?”

Matayo 6:13

Totutwala mu kulebwa, aye tulokole mu bubi.’

Mariko 16:20

Ate Abeegeresebwa baaja baayegeresa buli ghantu Musengwa ng'ali nabo. Ebibono byaibwe ng'abikakasa n'ebyewuunhio bye yabakozanga.] [Mangu ago baakobera Petero ni be yali nabo, byonabyona malaika bye yabalagira. Era ebyo olwawa, Yesu mwene yaabatuma okuja okulangirira Amawulire Amatukuvu agatawaagho ag'obulokozi woonawoona okuva e buvandhuba okutuuka e bugwandhuba.]

Ebikolwa by'Abatume 2:42

Beekalangulira mu kwegeresebwa kw'Abatume, ni mu kwisa ekirala, mu kumegula omugaati, ni mu kusaba.

Ebikolwa by'Abatume 20:27

Ghazira kye nabagisa, nabakobera Katonda by'abendeza.

1 Ab'e Korintho 11:2

Mukola bukalamu kuba buliidho mundidhukira, era mwagema butiribiri ebyo bye nabeegeresa.

1 Ab'e Korintho 11:23

Okwegeresebwa kwe nafuna okuva ye Musengwa zeena kwe nabagha. Obwire Musengwa Yesu bwe baamugheerayo, yagema omugaati,

1 Ab'e Korintho 14:37

Omuntu yeenayeena bwe yeetwala okuba omulanzi, era n'okuba ng'ali n'ekirabo Mwoyo ky'agha, amanhe nga bye ndi kubaghandiikira, kiragiro kya Musengwa.

Amateeka Agokubiri 12:32

“Mufubenga okutuukiriza buli kye mbalagira. Mutabangaku kye mwongeraku, waire kye mukendeezaaku.

Amateeka Agokubiri 5:32

Musa yaayongera okukoba ati: “Mwegenderezenga nga mukola nga Musengwa Katonda waimwe bweyabalagira, aghazira kudaaliimira eno oba ere.

Ab'e Kolosai 1:28

Oyo, ife ye tukobera buli muntu. Tulabula era twegeresa buli muntu mu magezi goonagoona tughange okuleeta buli muntu ewa Katonda ng'atuukiriire mu Kurisito.

2 Timotheo 4:17

Aye Musengwa yali ninze, era yampa amaani naakobera mu bwidhuvu abamaghanga agandi ekibono kya Katonda, baakiwulira. Olwo yamponia okunsalira ogw'okufa.

Yoshua 1:5

Ndidha kubanga n'iwe buliidho nga bwe nabanga ni Musa. Tija kukulekulira agho naire. Ezira muntu aja kukughangula, enaku dhoonadhoona dh'olimala ng'oli mulamu ku nsi.

2 Petero 3:2

Nhenda okubaidhusa ebibono abalanzi abatukuvu bye baayogera eira, n'ekiragiro kya Musengwa era Omulokozi ekyabagheebwa Abatume.

Okwolekebwa 1:18

ate era omulamu. Nali nfiire, aye mperaano ndi mulamu ebyanda n'ebyanda, era nfuga okufa n'amagombe.

Okwolekebwa 22:14

Ba nkabi abo abaamula ebivaalo byaibwe. Baligheebwa obukumu okulya ebibala eby'omuti ogw'obulamu, era n'okwingira mu kibuga nga babita mu miryango.