Matayo 28:18 - Baibuli Ekibono kya Katonda 2014

¹⁸ Yesu yaaseeta yaayogera nabo ati: “Nagheebwa obuyinza bwonabwona mu igulu ni mu nsi.

Matayo 28:18 ပူးပေါင်းရင်းမြစ်များ

Zabbuli 89:19

Wabonekera abagheereza bo abeesigwa mu biseera eby'eira, waabakoba oti: “Ntaire omukono gwange ku mulwani ow'amaani okumubeera; ngulumiiza oyo ye nalonda mu bantu.

Zabbuli 89:27

Ndimufuula mutabane wange omuberi, kyabazinga omukologho asinga bakyabazinga boonaboona ab'oku nsi.

Ensambo 8:15

Ninze agha bakyabazinga okufuga, era naagha abafuzi okutaagho amateeka amakalamu.

Matayo 11:27

“Byonabyona Lata wange yabingemya, era ghazira aidhi Mwana okutoolaku Lata, waire aidhi Lata okutoolaku Mwana, n'oyo Mwana y'aba asiimye okumumanhisa.

Matayo 16:28

Bwenebwene ka mbakobere ghaligho abandi ku beemereire ghano abataja kukomba ku kufa okutuusa nga baboine Omwana w'Omuntu ng'aidha nga Kyabazinga.”

Matayo 26:64

Yesu yaamukoba ati: “Niiwe okyogeire. Aye ka mbakobere: okuva ni buti, mwidha kubona Omwana w'Omuntu ng'atyaime ku luuyi olw'omukono omusaadha ogw'ow'obukumu, era ng'aidhira mu bire eby'eigulu.”

Luka 10:22

“Ebintu byonabyona, Lata wange yabimpa era ghazira aidhi Mwana okutoolaku Lata, ate ghazira aidhi Lata okutoolaku Mwana n'oyo yeenayeena Mwana y'aba asiimye okumumanhisa.”

Yoanne 13:3

Yesu yali akiidhi nga Lata yata ebintu byonabyona mu buyinza bwe era yali akiidhi nga yava ye Katonda era ng'ali kuja ye Katonda.

Yoanne 17:2

Wamugha obukumu ku bantu boonaboona aghe obulamu obutawaagho abo boonaboona be wamugha.

Yoanne 3:31

Oyo ava ghaigulu n'asinga abantu boonaboona. Oyo ava ku nsi aba wa ku nsi era ayogera ku bya nsi, aye ava mu igulu, n'asinga boonaboona.

Yoanne 3:35

Lata w'Omwana amugonza era yata ebintu byonabyona mu buyinza bwe.

Ebikolwa by'Abatume 10:36

Katonda yagha abantu ba Isiraeli ekibono ng'abakobera Amawulire Amalungi agaleeta emiraala ng'abita mu Yesu Kurisito. Oyo ni Musengwa ow'abantu boonaboona.

Ebikolwa by'Abatume 2:36

“Kale ni, endhu ya Isiraeli yoonayoona emanhe aghazira kubuusabuusa, nga Katonda yafuula, Yesu oyo ye mwakomerera ku musalaba, Musengwa era Kurisito.”

Ab'e Roma 14:9

kuba Kurisito yafa era yaazuukira, olwo ni abe Musengwa w'abalamu era n'abafu.

1 Ab'e Korintho 15:27

Ebyaghandiikibwa bikoba biti: “Katonda yamugha okufuga ebintu byonabyona.” Aye kyeyoleka kyene ng'okukoba ati: “Ebintu byonabyona” tikitwalizaamu Katonda oyo eyagha Kurisito okufuga ebintu byonabyona.

Ab'e Kolosai 2:10

era imwe mwe mwagheerwa obulamu obwidhuvu. Kurisito oyo n'omukulu w'obufuzi era n'obukumu bwonabwona.

Abaheburayi 1:2

Aye mu nnaku dhino edhisembayo yaayogera n'ife ng'abita mu Mwana we, ye yataagho okuba mwene bintu byonabyona, era ye yabitamu okutonda ensi.

Abaheburayi 2:8

Ebintu byonabyona waabiisa mu bufuzi bwe.” Bwe yata ebintu byonabyona mu bufuzi bwe ghazira kintu ky'ataamugha kufuga. Aye mperaano tukaali kubona nga byonabyona bw'abifuga.

1 Petero 3:22

Kurisito oyo yaja mu igulu era atyaime ku luuyi olw'omukono omusaadha ogwa Katonda. Era afuga bamalaika, n'ab'obukumu, n'ab'amaani ab'omu igulu.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Okwolekebwa 17:14

Balirwanisa Entaama Ento aye eribaghangula ng'eri ghalala n'abo abaginonereza be yayeta, be yalondamu era abeesigwa; kuba Entaama Ento eyo ni Musengwa w'abasengwa era ni Kyabazinga wa bakyabazinga.”

Okwolekebwa 19:16

Ku kivaalo kye ni ku kiteege kye nga kughandiikiibwaku eriina liti: “Kyabazinga wa bakyabazinga era Musengwa w'abasengwa.”