Matayo 27:4 - Baibuli Ekibono kya Katonda 2014

⁴ Yaabakoba ati: “Nayona okughaayo omusaayi ogw'omuntu azira musango.” Aye baamukoba bati: “Ebyo bibyo ife tibitugemaaku.”

Matayo 27:4 ပူးပေါင်းရင်းမြစ်များ

1 Bakyabazinga 21:27

Ahabu bwe yawulira ebibono ebyo, yaakanulamu ebivaalo bye olw'enaku, yaavaala ekutiya. Yaaloba okulya emere, yaasulanga mu kutiya, era yaatambulanga nga munhiinkaavu ate nga mweraliikirivu.

2 Bakyabazinga 24:4

n'olw'abantu abaziraku musango Manasse oyo be yaita kuba yaidhuza Yerusalemu omusaayi gw'abantu be yaitira obwereere. Musengwa Katonda nga taghanga kusonigha Manasse oyo olw'ekyo.

Yobu 13:4

Aye imwe mwogera bya buguya okughemba ku mazima muli ng'oti n'abayigha abatasobola kuwonia muntu.

Yobu 16:2

“Mpuliire ebintu kamaala ebiri ng'oti n'ebyo. Kale okunsaasira kwaimwe, nnaku ndhereere.

Zabbuli 94:21

Beeteesa okulumba abantu abalungi, baasalira abantu ogw'okufa abaziraku musango.

Okuvaayo 12:31

Era obwire bwene obwo kyabazinga yaayetesa Musa ni Aaroni yaabakoba ati: “Musituke muje, muve mu bantu bange. Mwenamwena Abaisiraeli muje musinze Musengwa Katonda nga bwe mwakoba.

Okuvaayo 9:27

Agho kyabazinga yaayetesa Musa ni Aaroni yaabakoba ati: “Ku mukuzi guno, ndhikiriiza gunsinze, Musengwa Katonda mutuufu aye nze n'abantu bange niife abakyamu.

Ensambo 12:8

Omuntu ali n'amagezi abantu bamwogeraku bukalamu, aye ole ali n'ebirowoozo ebyakyama bamunhooma.

Yeremia 26:15

Aye mukimanhe bukalamu nti bwe mundhita, imwe n'abantu b'omu kibuga kino munaaba mwereeseeku ekibi eky'okwita omuntu aziraku musango, kuba Musengwa Katonda mwene n'eyantuma okwidha okubalabula.”

Yona 1:14

Agho baasaba Musengwa Katonda bati: “Tukweghembye Musengwa Katonda, otatuzikiriza ng'otulanga okwita musaadha ono. Niiwe mwene oleese kiwunga ono nga mwene bw'oyenze.”

Matayo 27:19

Mperaano, Pilato bwe yali ng'atyaime ku kityamo kye eky'obulamuzi, mukazi we yaamutumira obukwenda nga bukoba buti: “Omuntu oyo azira musango otaba ni ky'omukola kuba ebintu by'oyo kamaala byandaaziiza mu kirooto.”

Matayo 27:54

Agho omukulu w'ekikunsu eky'abaisirukale n'abo abaali naye nga bakuuma Yesu bwe baabona musisi n'ebintu engeri ye byabaamu, baatya ekibitiriire, baakoba bati: “Bwenebwene, ono abaire Mwana wa Katonda!”

Luka 23:22

Omukuzi ogwokusatu yaabakoba ati: “Kibi ki kye yakola? Nze tiboine musango gumugwaniza kufa ndidha kumukangaivula memale mmulekule.”

Luka 23:41

Ife tuli kusasulwa olw'ebyo bye twakola, aye mwene azira kibi kye yaali akoze.”

Luka 23:47

Omukulu ow'ekikunsu eky'abaisirukale bwe yabona ebibairegho, yaasaaka Katonda era yaakoba ati: “Bwenebwene omuntu ono tabaire na musango!”

Yoanne 19:7

Abayudaaya baamwiramu bati: “Ife tuli n'eiteeka era olw'eiteeka eryo agwaine okufa kuba yeefuula okuba Omwana wa Katonda.”

Ebikolwa by'Abatume 13:28

Waire tibaazuula nsonga emwisa, baasaba Pilato okwita Yesu.

Ab'e Roma 3:19

Twidhi nga buli kyonakyona ekiri mu Mateeka kigema ku abo abafugibwa Amateeka, ghalobe kubaagho eyeewolereza, era abantu ab'omu nsi boonaboona Katonda abasalire omusango.

1 Timotheo 4:2

Bino bisansaanizibwa abantu abaguya, abaafa emyoyo ng'oti n'egyasiriizibwa ekyuma ekyengereire.

Tito 1:16

Bakoba mbu baidhi Katonda, aye mu bikolwa byaibwe bamwegaana. Katonda oyo abeenhinhala bwenhinhale, era beene bamudheemera, baabulaku ekikalamu kye basobola okukola.

Abaheburayi 7:26

Kyali kituufu tube n'Omukulu wa Bakabona ali atyo omutukuvu, aziraku musango, aziraku kimyamya, eyayawulwa okuva ku babi, era Katonda ye yagulumiza mu igulu.

1 Petero 1:19

Kyali omusaayi gwa Kurisito ogw'omughendo einho, ali ng'oti n'entaama ento eziraku kamogo waire kimyamya.

1 Yoanne 3:12

Tulobe kuba oti ni Kaini eyali owa Sitaani n'atemula muganda we. Ye lwaki yamutemula? Lwa kuba mwene bye yakolanga byalinga bibi ate nga ebya muganda we byali bituufu.

Okwolekebwa 11:10

Abantu ab'oku nsi balisagamba baasangaala era baagheerezagania ebirabo olw'okufa kw'abalanzi abo bombi; kuba abo baaleetera abantu ab'oku nsi okudaagadaaga einho.

1 Samueli 15:24

Saulo yairamu ati: “Nayonoona naadheemera ebiragiro bya Musengwa Katonda, era naaloba kujiira ku ebyo bye wansikirira, kuba natya abantu, naajiira ku bye bankoba.

1 Samueli 15:30

Agho Saulo yaakoba ati: “Nayonoona, mala gantaamuuku ku kanhagansi mperaano mu maiso g'abakulembeze ab'abantu bange n'ag'Abaisiraeli boonaboona, oireyo ninze nsobole okusinza Musengwa Katonda wo.”

1 Samueli 19:5

Yata obulamu bwe aghabi, yaaja yaita Omufilisiti ole, olwo Musengwa Katonda yaatuusa Isiraeli ku bughanguzi obw'amaani. Era ekyo bwe wakibona wasagamba. Kale lwaki oyenda okukola akabi ku muntu aziraku musango, ng'oita Daudi aghazira nsonga?”