Matayo 27:29 - Baibuli Ekibono kya Katonda 2014

²⁹ Baaluka engule ey'amawa baagimuta ku mutwe, baamugemya n'olugada mu mukono omusaadha. Agho ni baakuba amakiryaivu mu maiso ge baamukiina nga bakoba bati: “Ghangaala Kyabazinga ow'Abayudaaya!”

Matayo 27:29 ပူးပေါင်းရင်းမြစ်များ

Zabbuli 69:7

Ku lulwo abantu banvuma, era tikaayala na mu bantu.

Isaia 49:7

Musengwa Katonda Omutukuvu era Omununuzi wa Isiraeli, yeeyongera yaayogera n'omugheereza w'abafuzi oyo abantu ye banhooma einho, n'amaghanga ye gakyagha. Yaamukoba ati: “Bakyabazinga balikubona ng'osibwirwa, baasituka baakutaamu ekinhagansi, n'abakungu boona balikubona baakukubira amakiryaivu; kuba Musengwa Katonda omwesigwa era Omutukuvu wa Isiraeli n'eyakulonda.”

Isaia 53:3

Abantu baamunhooma era baamulekulira agho. Enaku yaamuluma nga ghazira ayenda kumulingaku. Atyo bwe yanhoomebwa, twaloba kumutaamu kanhagansi naire.

Yeremia 20:7

Wo Musengwa Katonda waanimba era naalimbibwa. Onsinga amaani era ompangwire. Nafuuka nseko dha balamu, buli muntu ankongoola buli kaakyeire.

Matayo 20:19

Era balimughaayo mu bamaghanga agandi, baamukiina, baamukuba enkoba, baamukomerera ni ku musalaba aye ku lunaku olwokusatu alizuukira.”

Matayo 26:49

Era mangu ago olwatuuka ghe Yesu ng'amukoba ati: “Ba miraala Mwegeresa!” Ng'amugwa mu kifuba.

Matayo 27:37

Agho nga ghaigulu gh'omutwe gwe baataagho ensonga ye baamulanga ng'eghandiikiibwa eti: ONO NI YESU KYABAZINGA OW'ABAYUDAAYA.

Mariko 15:17

Baamuvaaza olugoye olwa nakasooma, baazingazinga amawa baakola engule baagimuvaaza.

Mariko 15:18

Agho baatoolera okumusaaka bati: “Ghangaala, kyabazinga ow'Abayudaaya!”