Matayo 27:25 - Baibuli Ekibono kya Katonda 2014

²⁵ Abantu boonaboona baakoba bati: “Omusaayi gwe gube ku ife ni ku baana baife.”

Matayo 27:25 ပူးပေါင်းရင်းမြစ်များ

2 Samueli 1:16

Daudi yaakoba Omuamaleki oyo ati: “Niiwe mwene oweereeteire okufa, kuba omunwa gwo gwene n'ogughaire obudhulizi obukulumiriiza, ng'okoba oti, ‘Naita omuntu wa Musengwa Katonda eyasiigibwa omuzigo.’ ”

1 Bakyabazinga 2:32

Musengwa Katonda aidha kumubonereza ng'amulanga ebikolwa bye eby'ekitemo, kuba yaita abasaadha babiri nga lata wange Daudi taidhi. Abasaadha abo baali batuufu era nga bali n'ebisaanizo okumusinga, era nga ni bano: Abuneri mutabane wa Neri era omuduumizi w'eigye lya Isiraeli, ni Amasa mutabane wa Yetheri era omuduumizi w'eigye lya Buyudaaya.

Okuvaayo 20:5

Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n'abaana baibwe, n'abaidhukulu, okutuukira irala ku luse olwokusatu n'olwokuna.

Okubala 35:33

Kale ni mutayonoonanga nsi ye mubaamu, kuba obutemo bwonoona ensi. Era ezira ky'oghanga kukola okufunisa ensi ekisonigho olw'obutemo obwo obugikoleirwamu, okutoolaku okwita oyo eyatemula.

Matayo 21:44

Yeenayeena agwa ku ibaale lino amenhekamenheka, aye eibaale lino ye ligwaku limumaniangula.]”

Ebikolwa by'Abatume 18:6

Bwe baamutakania ni bamuvuma, yaakunkumula ebivaalo bye yaakoba ati: “Bwe mulizikirira ogwo musango gwaimwe. Nze nziraku musango. Okuva ni buti ndidha kuja y'abamaghanga agandi.”

Ebikolwa by'Abatume 5:28

“Twabasikirira obuteegeresa bibono bya musaadha oyo, aye mperaano mubone kye mukoze! Mwegereisa mu Yerusalemu mwonamwona era mwenda na kututaaku musango gwa kwita musaadha oyo.”

Ebikolwa by'Abatume 7:52

Mulanzi ki badhaadha baimwe ye bataakiriga? Baita abo abaalanga okwidha kw'omugheereza we omutuufu, imwe ye mwalyamu olukwe ni mumwita.

Amateeka Agokubiri 19:10

Mwidha kukolanga mutyo, olwo abantu abaziraku musango balobenga kwitibwa, era mwena mulobenga kuvunaanibwa lwa kwita bantu baziraku musango, mu nsi yaimwe Musengwa Katonda waimwe y'ali kubagha.

Amateeka Agokubiri 19:13

Mutamusaasiranga naire, aye mutoolengagho ekibi eky'okwita abantu abaziraku musango mu Isiraeli, memale mughange okubanga abalamu.”

Yoshua 2:19

Omuntu yeenayeena alifuluma okuva mu ndhu yo n'aitirwa eyo mu nguudo edh'ekibuga, omusango guliba gugwe ti gwaife, aye ye baligemaku ng'ali mu ndhu yo muno, ogwo omusango guliba gwaife.