Matayo 27:23 - Baibuli Ekibono kya Katonda 2014

²³ Aye yaabakoba ati: “Lwaki, yakola kibi ki?” Aye bale baakaalaama bukaalaame nga bakoba bati: “Akomererwe ku musalaba.”

Matayo 27:23 ပူးပေါင်းရင်းမြစ်များ

Ensambo 16:30

Ole akunhiira eriiso aba ategeka kukola bikyamu, ate ole akusonkezaaku omunwa aba ategeka kukukola kabi.

Matayo 27:22

Pilato yaabakoba ati: “Memale olwo Yesu ayetebwa Kurisito mmukole ki?” Boonaboona baakoba bati: “Mukomerere ku musalaba.”

Matayo 27:24

Pilato bwe yabona nga byonabyona bya bwereere, okudhagalala nga n'okuligho, yaatoola amaadhi yaanaaba mu ngalo mu maiso ag'eikuukuubira ng'akoba ati: “Nze nzira musango ku kuyugha omusaayi ogw'omuntu ono niimwe beene abalibona.”

Luka 23:4

Pilato yaakoba Bakabona Abakulu n'eikuukuubira ery'abantu ati: “Nze tibona musango ku muntu ono.”

Ebikolwa by'Abatume 13:28

Waire tibaazuula nsonga emwisa, baasaba Pilato okwita Yesu.

Ebikolwa by'Abatume 23:10

Okusoola bwe kweyongera okuba okw'amaani, omukulu ow'abaisirukale yaatya ati Paulo baidha kumukutulamu. Agho ni n'okulagira abaisirukale baje batooleyo Paulo mu bantu lwa maani, bamutwale mu nkambi.

Ebikolwa by'Abatume 7:57

Aye bale baayasiikana nga basembye amatu gaibwe, boonaboona baamunhaagaana.