Matayo 26:70 - Baibuli Ekibono kya Katonda 2014

⁷⁰ Aye yeegaana mu maiso ga boonaboona ati: “Tiidhi ky'okoba.”

Matayo 26:70 ပူးပေါင်းရင်းမြစ်များ

Ensambo 28:26

Omuntu eyeesiga ebyo mwene by'alowooza aba musiru, aye ole ajiira ku kwegeresa okw'abagezi akabi tikalimutuukaku.

Ensambo 29:23

Okwekuluntaza okw'omuntu kumuleetera okugwa, aye obuwombeefu bw'omuntu bumuteesaamu ekinhagansi.

Ensambo 29:25

Omuntu ali n'okutya aba mu kabi, aye ole eyeesiga Musengwa Katonda, Katonda oyo amuwonia ebizibu.

Isaia 57:11

Musengwa Katonda akoba ati: “Bwenebwene bakatonda ki abo be mutya einho mutyo, ni mutuuka n'okuunimba nze era ni muneerabirira irala? Obwo mulekeire agho okuntya, lwa kuba nasirika busirike okumala ekiseera ekinene kityo?

Yeremia 17:9

“Naani asobola okutegeera omwoyo gw'omuntu? Ezira kirimbalimba nga gwene; mubi inho ebitaloodheka.

Matayo 26:51

Aye mulala ku abo abaali ni Yesu yaasowolayo empiima ye, yaatema omwiru w'Omukulu wa Bakabona yaamukutulaku kutu.

Matayo 26:56

Aye bino byonabyona bibairegho okutuukiriza ebyo ebyaghandiikibwa abalanzi.” Agho Abeegeresebwa boonaboona baamuleka baalumuka.

Matayo 26:58

Petero yaamunonereza ng'aleseeghooku akata, okutuukira irala mu kisaagaati eky'Omukulu wa Bakabona yangira yaatyama n'abakuumi, abone ebinairirira.

Matayo 26:69

Agho Petero bwe yali ng'atyaime agho ku luya mu kisaagaati, omughala yaaseeta gh'ali, yaakoba ati: “Iwe weena obaire ni Yesu Omugalilaaya.”

Matayo 26:71

Bwe yali afuluma ku luya omughala owundi yaamubona era yaakoba abaali beemereire agho ati: “Ono abaire ni Yesu ow'e Nazarethi.”

Luka 22:57

Aye Petero yeegaana ati: “Mukazi iwe, nze timwidhi.”

Ab'e Roma 11:20

Kino kituufu. Dhaawogolwaku olw'obutaikiriza bwadho era iwe kwikiriza n'okukubeesiisaagho. Kale oteesuuta, weekuume.

1 Ab'e Korintho 10:12

Kale buli adhuuba ng'ali n'okwikiriza okugumu yeegendereze alobe kugwa.

Okwolekebwa 21:8

Aye abo abati, n'abataikiriza, n'abadankaanu, n'abatemo, n'abenzi, n'abalogo, n'abasinza ebitali Katonda, n'abaguya boonaboona, ekifo kyaibwe kiriba mu nhandha ey'omuliro n'obunhota bwa salufa: okwo n'okufa okwokubiri.”