Matayo 26:67 - Baibuli Ekibono kya Katonda 2014

⁶⁷ Baamufuudha mu maiso, baamudaazadaaza inho, baamukuba empi,

Matayo 26:67 ပူးပေါင်းရင်းမြစ်များ

1 Bakyabazinga 22:24

Agho omulanzi Zedekia mutabane wa Kenaana, yaaseeta ye Mikaia, yaamukuba oluyi ku itama era yaamubuuza ati: “Omwoyo gwa Musengwa Katonda gwanviireku gutya, memale gwogere n'iwe?”

Isaia 50:6

Nataagho omugongo gwange baakuba, naataagho amatama bankuunhuula ekirevu, era naaloba kukyukira mbali, nga bali kunfuudha mu maiso okunswaza.

Isaia 52:14

Abantu kamaala baamwewuunhia inho, okumubona ng'ayonooneibwa emboneka ye okusinga omuntu owundi yeenayeena bwe yaali ayonooneibwaku. Yali afuusefuuse nga takaafaanana bantu.

Isaia 53:3

Abantu baamunhooma era baamulekulira agho. Enaku yaamuluma nga ghazira ayenda kumulingaku. Atyo bwe yanhoomebwa, twaloba kumutaamu kanhagansi naire.

Yeremia 20:2

yaalagira bangeme bankube, era bamale bansibire mu nkoligo. Enkoligo eyo yali kumpi n'omulyango ogw'eitale ogw'eisinzizo ogwetebwa Omulyango gwa Benjamini.

Okulira 3:30

Era omuntu oyo atafangayo ku mikuzi emeka gy'akubiibwa, oba ku bivumo ki by'avumiibwa.

Okulira 3:45

Ife watufuula ng'ebisoodo omuntu bye yeeyeya mu bigere n'aleka agho.

Mika 5:1

Abantu ab'e Yerusalemu mwesoloze mukole eigye! Batuzingiiza! Bakubye omufuzi wa Isiraeli ku itama n'olwigo.

Okubala 12:14

Aye Musengwa Katonda yaamwiramu ati: “Nguli ise n'abaire ng'amufuudhie amatanta mu maiso, ti yandibaire na buswavu kumala nnaku musanvu? Kale leka asibirwe kuliya okw'ekifo abantu ghe baasimba weema dhaibwe okumala enaku musanvu, memale bamale bamwingize kabiri.”

Matayo 26:68

nga bwe bamukoba bati: “Kurisito, teeba, naani akukubye?”

Matayo 27:30

Baamufuudhaku amatanta, baatoola olugada baamukonta mu mutwe.

Matayo 5:39

Aye nze mbakoba nti: Mutatakanianga mubi era ole bw'akukubanga ku itama ery'omukono omusaadha omugaluliranga n'erindi.

Mariko 10:34

bamukiine, baamufuudheku amatanta, baamudaazedaaze era bamwite. Aye nga ghabise enaku isatu alizuukira.”

Mariko 14:65

Ng'olwo abandi batoolera kumufuudhaku, baamughemba mu maiso, baamukuba, eno nga bwe bamukoba bati: “Teeba akukubye.” N'abakuumi baamusangaaza na gafunsi.

Mariko 15:19

Baamukonta mu mutwe n'olugada, baamufuudhaku, baakuba amakiryaivu baamusinza.

Yoanne 18:22

Yesu bwe yakoba ebyo, omukuumi mulala ku baali beemereire agho yaamukuba oluyi ng'akoba ati: “Otyo bw'oiramu Omukulu wa Bakabona.”

Yoanne 19:3

Baatoolera okwidhanga bwe bamukoba bati: “Ghangaala, Kyabazinga w'Abayudaaya!” Era bwebamukuba empi.

1 Ab'e Korintho 4:13

Bwe batwogeraku obubi, ife tuboogeraku bukalamu. Twafuuka era tuli ng'oti n'ebikaba eby'ensi eno mu buli kintu tuli ng'oti iseedha buseedha.

Amateeka Agokubiri 25:9

namwandu wa muganda we oyo aidha kwidhanga gh'ali mu maiso g'abakulembeze, amutoolemu engaito mu kigere ekindi, amufuudhe n'amatanta mu maiso ng'amukoba ati, ‘Omusaadha aloba okuzaalira muganda we omusika, atyo bw'abisibwa.’

Abaheburayi 12:2

ng'amaiso tugataire ku Yesu eyatoolereza era atuukiriza okwikiriza kwaife. Oyo olw'eisanhu lye yali asuubira, yagumira omusalaba, yaaloba kutya kuswala. Mperaano atyaime ku luuyi olw'omukono omusaadha olw'ekityamo kya Katonda.