Matayo 26:64 - Baibuli Ekibono kya Katonda 2014

⁶⁴ Yesu yaamukoba ati: “Niiwe okyogeire. Aye ka mbakobere: okuva ni buti, mwidha kubona Omwana w'Omuntu ng'atyaime ku luuyi olw'omukono omusaadha ogw'ow'obukumu, era ng'aidhira mu bire eby'eigulu.”

Matayo 26:64 ပူးပေါင်းရင်းမြစ်များ

Zabbuli 110:1

Musengwa Katonda yakoba musengwa wange ati: “Tyama ghano ku luuyi lw'omukono gwange omusaadha, okutuusa lwe ndita abazigu bo ghansi gh'ebigere byo.”

Isaia 19:1

Buno n'obukwenda obugema ku Misiri. Bona, Musengwa Katonda atyaime ku kire ekirumuka embiro, ali kukivuga ng'aja e Misiri. Ebisinzibwa ebitali Katonda eby'e Misiri bija kudhugumira mu maiso ge, n'Abamisiri emyoyo gija kubatekemuka.

Danieli 7:13

Mu kubonekerwa okw'omu bwire obwo, naja okulinga nti nga mbona afaanana ng'oti mwana wa muntu, ng'ali kwidhira mu bire. Era yaaja y'Oyo eyaligho okuva eira n'eira, baamwandhulayo.

Matayo 16:27

Omwana w'Omuntu aja kwidha mu kitiisa kya Ise, ni bamalaika be, era buli muntu amughe ekimugwana ng'ajiira ku bikolwa bye.

Matayo 16:28

Bwenebwene ka mbakobere ghaligho abandi ku beemereire ghano abataja kukomba ku kufa okutuusa nga baboine Omwana w'Omuntu ng'aidha nga Kyabazinga.”

Matayo 22:44

‘Musengwa yakoba Musengwa wange ati: Tyama ku mukono gwange omusaadha, okutuusa bwe ndita abazigu bo ghansi gh'ebigere byo’

Matayo 24:30

Agho akamanhiso ak'Omwana w'Omuntu kaliboneka mu igulu era abantu boonaboona ab'oku nsi balikuba empungu, nga babona Omwana w'Omuntu aidhira mu bire eby'omu igulu n'amaani, n'ekitiisa ekinene.

Matayo 25:31

“Omwana w'Omuntu bw'aliidha mu kitiisa kye eky'Obwakyabazinga ng'ali ni bamalaika boonaboona, alityama ku kityamo kye eky'ekitiisa.

Matayo 26:25

Yuda, eyamulyamu olukwe, yaakoba ati: “Mwegeresa, otakoba oti ninze?” Yaamukoba ati: “Niiwe okyogeire.”

Matayo 27:11

Agho Yesu yaayemerera mu maiso ag'omufuzi, Pilato era Pilato yaamubuuza ati: “Niiwe kyabazinga ow'Abayudaaya?” Yesu yaakoba ati: “Niiwe okyogeire.”

Matayo 28:18

Yesu yaaseeta yaayogera nabo ati: “Nagheebwa obuyinza bwonabwona mu igulu ni mu nsi.

Matayo 8:20

Yesu yaamukoba ati: “Ebibe biri n'ebiina, n'enhonhi edh'omu ibbanga dhiri n'ebisu, aye Omwana ow'Omuntu azira gh'aisa mutwe.”

Mariko 14:62

Agho Yesu yaakoba ati: “Ninze. Era mulibona Omwana w'Omuntu ng'atyaime ku mukono omusaadha ogw'ow'obukumu, era ng'aidhira mu bire eby'eigulu.”

Luka 21:27

Agho ng'abantu babona Omwana ow'Omuntu ng'aidhira mu kire n'amaani n'ekitiisa ekingi.

Luka 22:69

Aye okuva ni mperaano Omwana w'Omuntu aidha kuba ng'atyaime ku mukono omusaadha ogw'amaani ogwa Katonda.”

Luka 22:70

Boonaboona baamukoba bati: “Ekikoba niiwe Omwana wa Katonda?” Yaabakoba ati: “Niimwe abakyogeire.”

Yoanne 18:37

Pilato yaamukoba ati: “Ekikoba oli kyabazinga?” Yesu yaamwiramu ati: “Okyogeire, ndi kyabazinga. Kino kye nazaalirwa, era ekyandeeta mu nsi ni kino: okumanhisa amazima. Oyo yeenayeena ow'amazima, awulira eiroboozi lyange.”

Ebikolwa by'Abatume 1:11

era baakoba bati: “Abasaadha Abagalilaaya, lwaki mwemereire mwalingirira eigulu? Yesu ono abatooleibwaku n'atwalibwa mu igulu, atyo era bw'aliira nga bwe mumuboine ng'aja mu igulu.”

Ab'e Roma 14:10

Kale iwe lwaki onenia mwino? Twenatwena Katonda n'aja okutusalira omusango.

1 Ab'e Thessalonika 4:16

Musengwa mwene aliika ng'ava mu igulu, ekiragiro kyawulirwa mu iroboozi ery'amaani, isebamalaika yaayeta era endeka ya Katonda yaavuga. Abo abaafa nga baikiriza mu Kurisito n'abalisooka okuzuukira,

Abaheburayi 1:3

Mu oyo ekitiisa kya Katonda mwe kibonekera, era mu oyo mwe tubonera irala Katonda nga bw'afaanana. Era oyo n'agemereire ebintu byonabyona n'ekibono kye eky'amaani. Bwe yamala okuwonia abantu ebibi byaibwe, yaatyama mu igulu ku luuyi olw'omukono omusaadha ogw'oyo asinga boonaboona obukumu.

Abaheburayi 12:2

ng'amaiso tugataire ku Yesu eyatoolereza era atuukiriza okwikiriza kwaife. Oyo olw'eisanhu lye yali asuubira, yagumira omusalaba, yaaloba kutya kuswala. Mperaano atyaime ku luuyi olw'omukono omusaadha olw'ekityamo kya Katonda.

Okwolekebwa 1:7

Bona, wuuyo aliidhira ku bireri! Abantu boonaboona balimubona, era n'abo abaamufumita balimubona. Abantu boonaboona ku nsi baligegenga ku lulwe. N'ekyo. Amiina.

Okwolekebwa 20:11

Agho naabona ekityamo eky'obwakyabazinga ekikologho, nga kyeru, era nga kiriku akityaimeku. Eigulu n'ensi byabulagho mu maiso ge obutairayo kubonekaku.