Matayo 26:63 - Baibuli Ekibono kya Katonda 2014

⁶³ Aye Yesu yaasirika busirike. Agho Omukulu wa Bakabona yaamukoba ati: “Mu ga Katonda omulamu, tukobere oba nga niiwe Kurisito Omwana wa Katonda.”

Matayo 26:63 ပူးပေါင်းရင်းမြစ်များ

1 Bakyabazinga 22:16

Aye Ahabu yaamukoba ati: “Nakukoba nti bw'obanga ng'oli kwogera ninze mu liina lya Musengwa Katonda, ogwaine oyogere mazima gonka. Oyenda nkwiraganemu ekintu ekyo mikuzi emeka?”

2 Ebyomubyanda 18:15

Aye Ahabu yaamukoba ati: “Nakukoba nti bw'obanga ng'oli kwogera ninze mu liina lya Musengwa Katonda, ogwaine oyogere mazima gonka. Oyenda nkwiraganemu ekintu ekyo mikuzi emeka?”

Zabbuli 42:2

Ng'omuntu ali n'endiwo bw'aba, zeena ntyo bwe nhenda einho okuba iwe Katonda wange gh'oli, Katonda iwe omulamu. Ndituukaku li mu maiso go ni nkubona?

Ensambo 29:24

Omuntu akolagana n'omwibi akyagha obulamu obubwe mwene, era ni bwe bamulayiza takwekula mazima.

Isaia 53:7

Baamudaazadaaza era baamukiriga, aye yaaba mugonvu yaakigumira, yaaloba waire okubumbula omunwa. Yaaba ng'oti n'entaama ye batwala okwita, era ng'oti n'entaama ye basalaku ebiviiri, n'etaliraku naire. Tiyabumbula munwa naire.

Danieli 3:16

Shaduraka, Meshaki ni Abedinego baamwiramu bati: “Isebantu kyabazinga, tikitwetaagisa na kwewozaaku ku nsonga eyo.

Abalevi 5:1

Omuntu bw'anaalayizibwanga okugha obudhulizi ku musango, aye n'atakoba kye yabona oba kye yawulira, anaabonerezebwanga.

Matayo 16:16

Simoni Petero yaamwiramu ati: “Niiwe Kurisito Omwana wa Katonda omulamu.”

Matayo 26:62

Omukulu wa Bakabona yaasituka, yaamukoba ati: “Bano bye bali kukuseegha, ozira ky'oiramu?”

Matayo 27:12

Aye Bakabona Abakulu n'abakulu ab'ebika bwe baamuseegha azira kye yairamu.

Matayo 27:14

Yaaloba kumwiramu waire kibono kirala, era omufuzi oyo yeewuunhia ekibitiriire.

Matayo 27:40

nga bakoba bati: “Iwe omenha eisinzizo, ate n'olizimba mu nnaku eisatu! Oba ng'oli Mwana wa Katonda weewonie, va ku musalaba oike.”

Matayo 27:43

Yeesiga Katonda. Mperaano amuwonie, oba nga amwenda kuba yakobanga ati Mwana wa Katonda.”

Matayo 27:54

Agho omukulu w'ekikunsu eky'abaisirukale n'abo abaali naye nga bakuuma Yesu bwe baabona musisi n'ebintu engeri ye byabaamu, baatya ekibitiriire, baakoba bati: “Bwenebwene, ono abaire Mwana wa Katonda!”

Matayo 4:3

Omukemi yaaseeta, yaamukoba ati: “Oba oli Mwana wa Katonda koba amabaale gano gafuuke emigaati.”

Mariko 14:61

Aye yaasirika, era azira kye yairamu. Kabiri Omukulu wa Bakabona n'okumubuuza yaamukoba ati: “Niiwe Kurisito Omwana w'oyo Katonda asaakibwa?”

Yoanne 1:34

Ebyo nabibona era nkakasa nti oyo n'Omwana wa Katonda.”

Yoanne 1:49

Nathanaeli yairamu ati: “Mwegeresa, niiwe Omwana wa Katonda! Niiwe Kyabazinga wa Isiraeli!”

Yoanne 10:24

Abayudaaya baidha beesololeza agho okumwezungulula, baamubuuza bati: “Olikomya li okutuwubania? Tukobere amazima niiwe Kurisito?”

Yoanne 10:30

Nze ni Lata tuli muntu mulala.”

Yoanne 10:36

memale mukoba mutya nze Lata ye yatukuza n'antuma mu nsi muti nvumye Katonda kuba nkobye nti ndi Mwana wa Katonda?

Yoanne 18:37

Pilato yaamukoba ati: “Ekikoba oli kyabazinga?” Yesu yaamwiramu ati: “Okyogeire, ndi kyabazinga. Kino kye nazaalirwa, era ekyandeeta mu nsi ni kino: okumanhisa amazima. Oyo yeenayeena ow'amazima, awulira eiroboozi lyange.”

Yoanne 19:7

Abayudaaya baamwiramu bati: “Ife tuli n'eiteeka era olw'eiteeka eryo agwaine okufa kuba yeefuula okuba Omwana wa Katonda.”

Yoanne 19:9

Era yangira kabiri mu kisaagaati yaabuuza Yesu ati: “Oli wa gha?” Aye Yesu yaaloba okumwiramu.

Yoanne 20:31

Aye bino byaghandiikibwa ku lwaimwe, mwikirize nga Yesu ni Kurisito, Omwana wa Katonda, era olw'okwikiriza okwo, mufune obulamu mu liina lye.

Yoanne 6:69

Twidhi era twikiriza nga niiwe Omutukuvu wa Katonda.”

Yoanne 8:25

Baamubuuza bati: “Niiwe ani?” Yesu yaabairamu ati: “Kye mbaire mbakoberanga okuviira irala ku ntoolo.

2 Ab'e Korintho 1:19

Kuba Yesu Kurisito Omwana wa Katonda, Siluvano, Timotheo, ninze ye twabakobera, tiyali “Yii” ni “Busa”, aye oyo buliidho ni “Yii.” wa Katonda.

1 Petero 2:23

Bwe yavumibwa, mwene tiyavuma. Bwe yadaazibwadaazibwa, tiyeesoomera abo abaamudaazadaaza. Aye yata obwesige mu Katonda oyo asala omusango nga tasaliriza.

1 Samueli 14:24

Agho Abaisiraeli baaba bubi ku lunaku olwo, kuba Saulo yabalayiza ng'akoba ati: “Omuntu yeenayeena anaalya ng'eigulo likaali era nga nkaali kumala kwesasuuliza ku bazigu bange, akolimirwe.” Kale ghaabulagho akomba ku kamere waire omulala.

1 Samueli 14:26

Baabona ng'omudheenene guli kutoonha, aye ghaabulagho akana okugukombaku, kuba baatya ekikolimo.

1 Samueli 14:28

Aye ghaabaagho omuntu eyamukoba ati: “Lata wo asikiriire abantu n'ekikolimo ng'akoba ati, ‘Omuntu yeenayeena anaalya emere olwaleero luno, akolimirwe.’ ” Abantu boonaboona baali nga bawoiremu amaani.