Matayo 26:53 - Baibuli Ekibono kya Katonda 2014

⁵³ Olowooza oti tisobola kusaba Lata wange n'ampeereza magye ga bamalaika gaswika ikumi n'abiri buti buti?

Matayo 26:53 ပူးပေါင်းရင်းမြစ်များ

2 Bakyabazinga 6:17

Agho Elisha yeeghemba Musengwa Katonda ng'akoba ati: “Wo Musengwa Katonda, nkweghemba oigule amaiso ge aghange okubona.” Musengwa Katonda yaigula amaiso g'omugheereza oyo. Yaja okulinga ati, ng'abona olusozi nga lwidhwire embalaasi n'ebigaali eby'omu lutalo ebiri kwaka omuliro, nga byezungulwire Elisha.

Danieli 7:10

Ghamberi ghe nga ghali kuvaagho omuliro ogw'amaani ng'oti n'amaadhi bwe gawolomboka mu mwiga. Abantu enkumi n'enkumi nga bali kumugheereza, n'abantu emitwalo n'emitwalo baayemerera agho mu maiso ge. Okusala emisango kwatoolera, n'ebitabo byawumbululwa.

Matayo 25:31

“Omwana w'Omuntu bw'aliidha mu kitiisa kye eky'Obwakyabazinga ng'ali ni bamalaika boonaboona, alityama ku kityamo kye eky'ekitiisa.

Matayo 4:11

Agho Sitaani yaamuleka, era bamalaika baidha baamugheereza.

Mariko 5:15

Era baatuuka aghaali Yesu baalingirira omuntu eyaliku eigye eiramba ery'emizimu, ng'atyaime, avaire, era ng'ategeera bukalamu, baatya!

Mariko 5:9

Agho Yesu yaamubuuza ati: “Eriina lyo niiwe ani?” Yaamukoba ati: “Ninze Igye, kuba tuli kamaala.”

Luka 8:30

Yesu yaamubuuza ati: “Eriina lyo niiwe ani?” Yaakoba ati: “Ninze ‘Igye,’” kuba emizimu emibi kamaala egyamuliku.

Yoanne 10:18

Ezira abuntoolaku, ninze mwene mbughaayo ku lwange. Ndi n'obukumu okubughaayo ate kabiri naaba n'obukumu okubweiriza. Ekyo Lata n'eyandagira okukikola.”

Yoanne 18:36

Yesu yaamwiramu ati: “Obwakyabazinga bwange ti bwa mu nsi muno. Nguli obwakyabazinga bwange bubaire bwa mu nsi muno, abasaadha bange baakalwaine naaloba kugheebwayo mu mikono gya Bayudaaya. Aye obwakyabazinga bwange ti bwa mu nsi muno.”

2 Ab'e Thessalonika 1:7

era ife ghalala n'imwe abadaagadaaga alitugha okwesiima. Kino alikikola, Yesu lw'aliva mu igulu ni yeeyoleka ni bamalaika be abakola eby'amaani.

Yuda 1:14

Abantu bano Enoka ow'omu luse olwomusanvu okuva ku Adamu, be yayogeraku ng'alanga ati: “Bona, Musengwa aliidha n'olukunkumuli olw'abatuukirivu,