Matayo 26:5 - Baibuli Ekibono kya Katonda 2014

⁵ Aye Bakabona baakoba bati: “Tutakikola ku lunaku lukulu, tomanha bantu bwe bakola keegugungo.”

Matayo 26:5 ပူးပေါင်းရင်းမြစ်များ

Zabbuli 76:10

Iwe oleetera obusungu obw'abantu okukusaaka obusaake, abo abaliwonagho mu ntalo balikusinza ku nnaku dho edh'ebibinuko.

Ensambo 19:21

Omuntu ategeka by'anaakola mu mwoyo gwe, aye Musengwa Katonda ky'asalagho n'ekibaagho.

Ensambo 21:30

Amagezi, n'okutegeera era n'okugalagirwa, byonabyona tibisobola kutakania Musengwa Katonda ni bimusinga.

Isaia 46:10

Nalangirira okuviira irala mu mainhama ebyo ebyali eby'okwidha ku nkomerero; okuviira irala mu biseera eby'eira naayoleka ebyo ebyali n'okubaagho. Naakoba nti, ‘Ndituukiriza bye ntegeike, era naakola byonabyona bye nhenda.’

Okulira 3:37

Naani asobola okulagira ekintu ni kibaagho okutoolaku nga Musengwa n'asazeegho kibeegho?

Matayo 14:5

Aye waire yeegomba okumwita, yatya abantu abaali bamutwala nga mulanzi.

Matayo 21:26

Ate bwe tukoba tuti, ‘Kwava mu bantu,’ tuba twereeteire omutawaana ogw'abantu, kuba boonaboona bakiidhi nga Yoanne yali mulanzi mwene.”

Matayo 27:24

Pilato bwe yabona nga byonabyona bya bwereere, okudhagalala nga n'okuligho, yaatoola amaadhi yaanaaba mu ngalo mu maiso ag'eikuukuubira ng'akoba ati: “Nze nzira musango ku kuyugha omusaayi ogw'omuntu ono niimwe beene abalibona.”

Mariko 14:12

Ku lunaku olusooka mu dh'emigaati egitazimbulukusiibwa, lwe baitirangaku entaama ento ey'Ekibinuko eky'Okwidhukiriraku Okubitizibwa, Abeegeresebwa be baamukoba bati: “Oyenda tuje tukutegekere gha y'onaaliira Ekibinuko eky'Okubitizibwa?”

Mariko 14:2

Aye baakoba bati: “Tutakikola ku lunaku lukulu, tomanha abantu bwe bataagho keegugungo.”

Mariko 14:27

Agho Yesu yaabakoba ati: “Imwe mwenamwena mwidha kuneegaana kuba kyaghandiikibwa kiti, ‘Ndiita omwayi, n'entaama dhaasansaana.’

Luka 20:6

Ate bwe tunaakoba tuti kwava mu bantu, abantu boonaboona baidha kutukuba amabaale, kuba bakikakasa mu myoyo gyaibwe bati Yoanne yali mulanzi.”

Luka 22:7

Agho olunaku olw'Ekibinuko eky'Emigaati Egitazimbulukusiibwa lwatuuka, kwe baitiranga entaama ento ey'Ekibinuko eky'Okwidhukiriraku Okubitizibwa.

Yoanne 18:28

Obwire nga bwakakya, baatoola Yesu mu ndhu ya Kayafa baamutwala mu kisaagaati ky'omufuzi Omuroma ekyetebwa Puraetorio. Aye beene tibangira mu kisaagaati ekisalirwamu emisango olw'obutenda kwereetaku mbiidhabiidha, basobole okulya ku Kibinuko eky'Okwidhukiriraku Okubitizibwa.

Ebikolwa by'Abatume 19:29

Era ekibuga kyaidhula akeegugungo. Ekiyindi ky'abantu kyeyuna mu kifo kye bazaanhirangamu emizaanho, nga kighaluza Gayo ni Arisitaruko ab'e Makedonia ababiri ku abo abaatambulanga ni Paulo.

Ebikolwa by'Abatume 21:38

Ti niiwe Omumisiri ole eyaleeta akatabanguko mu nnaku edho, n'akulembera abantu abatemo enkumi eina mu irungu?”

Ebikolwa by'Abatume 4:28

Baakola, ebyo bye watereeza mu maani go n'amagezi go nga biri n'okubaagho.