Matayo 26:3 - Baibuli Ekibono kya Katonda 2014

³ Agho Bakabona Abakulu n'abakulu ab'ebika beesololeza mu kisaagaati kya Kayafa Omukulu wa Bakabona,

Matayo 26:3 ပူးပေါင်းရင်းမြစ်များ

Zabbuli 56:6

Beekolamu obukuukuulu mu ngiso, baanondoola mu buli kye nkola, nga banoonia akaghagaanhia okundhita.

Yeremia 11:19

Aye nali ng'oti n'entaama ento empolu ye bali kutwala okwita. Nali tiidhi nga ninze ye baali bali kutegekera okukola akabi, nga bakoba bati: “Ka tutemegho omuti nga gukaali mulamu bulungi. Ka tumwite aveegho ghalobe kubaagho amwidhukira naire.”

Yeremia 17:27

Aye bateekwa okungonderanga n'okukuumanga olunaku lwa Sabbato nga lutukuvu. Batabbeedanga kintu kyonakyona ni bakibisa mu miryango gya Yerusalemu ku lunaku olwo. Aye bwe balikola ekyo kye mbalobeire, nja kukunaania omuliro ku miryango egyo. Omuliro ogwo gulyokya ebisaagaati bya bakyabazinga eby'omu Yerusalemu, era tighalibaagho muntu asobola kuguzikiza.”

Matayo 26:69

Agho Petero bwe yali ng'atyaime agho ku luya mu kisaagaati, omughala yaaseeta gh'ali, yaakoba ati: “Iwe weena obaire ni Yesu Omugalilaaya.”

Matayo 27:27

Agho abaisirukale ab'omufuzi oyo baatwala Yesu munda mu kisaagaati ekyetebwa Puraetorio, era eigye lyonalyona lyesololeza gh'ali.

Mariko 14:54

Petero yaavanga einhuma aye ng'aliku ghala, okutuukira irala mu luya lw'Omukulu wa Bakabona, era yaatyama n'abakuumi yaayota omuliro.

Mariko 14:66

Petero bwe yali ng'akaali agho ghansi mu luya, omughala mulala ku bagheereza b'Omukulu wa Bakabona, yaidha.

Mariko 15:16

Agho abaisirukale baamutwala munda mu kisaagaati, mu Puraetorio, era baasololezaamu banaibwe ab'ekikunsu ekyo.

Luka 22:55

Ghaaligho omuliro ogwali gukumiibwa mu luya ghagati era nga ghaligho abantu ku muliro agho, Petero yeena yaaja yaabatyamamu.

Luka 3:2

era Bakabona Abakulu baali nga ni Anna ni Kayafa. Mu kiseera ekyo ekibono kya Katonda kyatuuka ku Yoanne mutabane wa Zekaria eyo mu irungu.

Yoanne 11:57

Mperaano, Bakabona Abakulu n'Abafarisaayo, baali bamaze okugha ebiragiro bati, bweghabaagho omuntu yeenayeena amanha Yesu gh'ali, aja yaabamanhisa, baaja baamugema.

Yoanne 18:24

Agho Anna yaamugheereza ye Kayafa Omukulu wa Bakabona era ng'akaali musibe.

Yoanne 18:28

Obwire nga bwakakya, baatoola Yesu mu ndhu ya Kayafa baamutwala mu kisaagaati ky'omufuzi Omuroma ekyetebwa Puraetorio. Aye beene tibangira mu kisaagaati ekisalirwamu emisango olw'obutenda kwereetaku mbiidhabiidha, basobole okulya ku Kibinuko eky'Okwidhukiriraku Okubitizibwa.