Matayo 26:24 - Baibuli Ekibono kya Katonda 2014

²⁴ Kale Omwana w'Omuntu aja kufa nga bwe kyamughandiikibwaku, aye akagwireku oyo anaaghaayo Omwana w'Omuntu! Omuntu oyo kyandimubeereire kikalamu nguli tiyazaalibwa.”

Matayo 26:24 ပူးပေါင်းရင်းမြစ်များ

Amainhama 3:15

Ndidha kutaagho enzigu ghagati wo n'omukazi, ni ghagati gh'eizaire lyo n'eizaire ery'omukazi. Eizaire ery'omukazi eryo liidha kukubanga omutwe ligutentene, era weena oidha kulimoodhanga ebigere.”

Zabbuli 55:15

Abazigu bange mbendeza kufa kikutuko, baaziikibwa nga balamu. Amaka gaibwe gaidhwire abakozi b'ebibi, ebiidhwire mu myoyo gyaibwe.

Zabbuli 55:23

Aye iwe Katonda wange, abantu abo abatemo era abaguya, oidha kubasindika mu magombe gaibwe nga bakaali na kutuuka ghagati gha nnaku dha bulamu bwaibwe. Aye nze ndidha kukwesiganga buliidho.

Danieli 9:26

Ng'emyaka enkaaga n'ebiri emikuzi omusanvu gibiseegho, omukulembeze omulonde wa Katonda aja kwitibwa, aye ng'aziraku musango. Ghalibaagho omufuzi ow'amaani aliidha n'eigye lye, yaazikiriza ekibuga n'eisinzizo. Enkomerero ye eriba ng'oti maadhi ga mwiga ogubanze. Era ghalibaagho olutalo n'okuzikirizibwa.

Zekaria 12:10

“Era ndita mu baidhukulu ba Daudi ni mu bantu ab'omu Yerusalemu abandi boonaboona, omwoyo omusaasizi era ogwenda einho okusinza. Kale bwe baliringa ku ole ye baafumita, balimulira ng'oti n'omuntu alira omwana we y'abaire naye yenka ati. Baliwowoola ng'oti n'omuntu alira omwana we omuberi.

Zekaria 13:7

Musengwa Katonda Afuga Amagye akoba ati: “Iwe empiima yange situkiramu, ja olumbe omwayi wange andhayira entaama. Ita omwayi oyo entaama dhisansaane. Nze mwene ndirumba abantu bange.

Matayo 18:7

Ensi ekagwireku olw'ebisendasenda abantu okwonoona! Kituufu ebisendasenda okwona tibiroba kubaagho, aye oyo abireeta akagwireku!

Matayo 26:31

Agho Yesu yaabakoba ati: “Imwe mwenamwena, obwire bwaleero, mwidha kuneegaana kuba kyaghandiikibwa kiti, ‘Ndiita omwayi, n'entaama edh'omu kisibo dhaasansaana.’

Matayo 26:54

Aye ng'olwo kabiri Ebyaghandiikibwa bituukirira bitya, ebikoba biti kiri n'okuba kityo?”

Matayo 26:56

Aye bino byonabyona bibairegho okutuukiriza ebyo ebyaghandiikibwa abalanzi.” Agho Abeegeresebwa boonaboona baamuleka baalumuka.

Mariko 14:21

Kale Omwana w'Omuntu aja kufa nga bwe kyamughandiikibwaku aye ng'akagwireku anaaghaayo Omwana w'Omuntu! Kyandibaire kikalamu nguli omuntu oyo tiyazaalibwa!”

Mariko 9:12

Yaabairamu ati: “Kituufu Eliya asooka okwidha okutereeza byonabyona era nga bwe kyaghandiikibwa ku Mwana w'Omuntu, wa kudaazibwadaazibwa ebintu kamaala n'okutwalibwa ng'ekitagasa.

Luka 22:22

Kuba Omwana w'Omuntu aja kuva ku nsi nga bwe kyategekebwa, aye akagwireku oyo amulyamu olukwe!”

Luka 24:46

yaabakoba ati: “Kiti bwe kyaghandiikibwa nti Kurisito ali n'okudaagadaaga era ku lunaku olwokusatu azuukire okuva mu bafu,

Yoanne 17:12

“Bwe nali nga ndi nabo, nali nga mbakuuma nga nkozesa obukumu bw'eriina lyo lye wampa. Nabakuuma era ghazira yaghaba okutoolaku oyo eyali ow'okuzikirira, Ebyaghandiikibwa bisobole okutuukirira.

Yoanne 19:24

Abaisirukale baakoba bati: “Tutagikanula aye tugikubeku akalulu tubone anaaba mwene yo.” Era baisania. Kino kyabaagho era okutuukiriza Ebyaghandiikibwa ebikoba biti: “Baagabana ebivaalo byange, era baakuba akalulu ku kidhuuba kyange.” Era ekyo abaisirukale kye baakola.

Yoanne 19:28

Ebyo bwe byawa, Yesu ng'akiidhi bukalamu ng'ebintu byonabyona biwoire, era olw'okwenda okutuukiriza Ebyaghandiikibwa yaakoba ati: “Mpulira endiwo.”

Ebikolwa by'Abatume 2:23

Ono yabagheebwa nga Katonda amaze okukiteesa n'okukimanha, era imwe mwakozesa ababi okumwita nga bamukomerera ku musalaba.

Ebikolwa by'Abatume 28:23

Baamulaga olunaku era ku olwo baidha kamaala mu ndhu mwe yasulanga. Era okuva enkyo okutuusa eigulo yaabainhonholanga era ng'abakobera eby'Obwakyabazinga bwa Katonda. Yaafubanga okubaikirizisa Yesu nga adhuliza eby'omu Mateeka ga Musa n'ebyaghandiikibwa abalanzi.

Ebikolwa by'Abatume 4:28

Baakola, ebyo bye watereeza mu maani go n'amagezi go nga biri n'okubaagho.

1 Ab'e Korintho 15:3

Nabagha ekibono ekisinga bukulu, zeena kye nagheebwa, ekikoba kiti Kurisito yafa olw'ebibi byaife nga bwekiri mu Byaghandiikibwa.