Matayo 25:36 - Baibuli Ekibono kya Katonda 2014

³⁶ Nali nga mbita madu mwampa eky'okuvaala, nali mulwaire mwangenza, naaba mu ikomera mwaidha mwambona.’

Matayo 25:36 ပူးပေါင်းရင်းမြစ်များ

Isaia 58:7

Abo abali endhala mubaghenga ku mere yaimwe, n'abaavu abazira maka mubaingizenga mu maka gaimwe. Abo ababita amadu mubaghenga eby'okuvaala, era mutalobanga kuyamba bantu babaliku luganda.

Ezekieli 18:16

era nga ghazira muntu yeenayeena y'akolaku kibi. Nga tatwala musingo gwa muntu yamwewolaku, waire okunhaga ekintu ku muntu yeenayeena. Aye ng'agha abayala eby'okulya, n'abali amadu yaabagha eby'okuvaala.

Ezekieli 18:7

Atafufunkiriza muntu yeenayeena, era atanhaga kintu kyonakyona ku muntu. Airiza eyamwewolaku omusingo gwe, n'agha omuyala eky'okulya, era n'agha ali amadu eky'okuvaala.

Ezekieli 34:4

Enafu timudhirabirira kudhiizaamu maani, endwaire timudhiwonia, edhimenheike timudhisibaku kintu ni dhiyunga, edhitambulatambula eyo dhityo timudhiiza mu kisibo, n'edhibula timudhinoonia. Aye mudhitwala bya ntaka na bukambwe.

Matayo 25:37

“Agho abatuufu balimwiramu bati, ‘Musengwa twakubona li ng'endhala ekuluma ni tukugha eky'okulya, oba nga endiwo ekuluma ni tukugha eky'okunhwa?

Matayo 25:43

Bwe nali timanhiibwa ye muli timwansangaalira, bwe nali amadu timwampa kya kuvaala, bwe nali omulwaire, ni bwe nali mu ikomera ti mwaidha kumbona.’

Luka 3:11

Yaabairamu ati: “Ali n'ebivaalo ebibiri agheeku azira, n'oyo ali n'emere yeena akole n'ekirala.”

Ebikolwa by'Abatume 20:35

Nabooleka mu ebyo byonabyona bye nakola nti tuteekwa okufaabiikana okuyamba abanafu nga twidhukira ebibono bya Musengwa Yesu eyakoba ati, ‘Okugaba kwesiimisa okusinga okugheebwa.’ ”

Abaheburayi 10:34

Mwalumirwa ghalala n'abasibe era bwe mwanhagibwaku ebyaimwe mwaguminkiriza n'eisanhu, nga mwidhi muti muli n'ekibisinga obukalamu era eky'olubeerera.

Abaheburayi 13:3

Mwidhukirenga abasibe nga muli ng'oti mwena muli basibe ghalala nabo. Era mwidhukirenga abo abadaazibwadaazibwa, kuba era mwena mukaali mu mubiri.

Yakobo 1:27

Okwikiriza okutuufu era okuziramu buguya mu maiso ga Katonda Lata ni kuno: okulabirira bamulekwa, ni banamwandu, n'okwekuuma obutoonoonebwa nsi eno.