Matayo 25:35 - Baibuli Ekibono kya Katonda 2014

³⁵ Kuba nali muyala mwampa eky'okulya endiwo yaanuma mwampa eky'okunhwa nali nga timundidhi mwansangaalira.

Matayo 25:35 ပူးပေါင်းရင်းမြစ်များ

1 Bakyabazinga 17:11

Omukazi bweyali ng'ali kuja okugaleeta, Eliya yaamweta yaamukoba ati: “Nkweghembye ndeeteraayooku ni ku kamere.”

Yobu 31:32

Abatambuze nabasangaazanga, tyabalekanga kusula ku ngira.

Ensambo 14:21

Ole anhooma muntu mwine aba akoze kibi, aye wa nkabi oyo agemerwa omwavu ekivunika.

Ensambo 14:31

Omuntu atuntuza omwavu aba ali kuvuma Katonda eyamutonda, aye ole agemerwa omuntu ali mu bwetaavu ekivunika aba atya Katonda.

Ensambo 19:17

Agemerwa omwavu ekivunika aba ng'oti awoze Musengwa Katonda, era Musengwa Katonda oyo aja kumusasula olw'ekikolwa kye ekyo.

Ensambo 22:9

Wa nkabi oyo omugabi, kuba agha abaavu ku mere ye.

Ensambo 25:21

Omuzigu wo endhala bw'emulumanga omughanga eky'okulya, era bw'abanga endiwo omughanga eky'okunhwa.

Ezekieli 18:16

era nga ghazira muntu yeenayeena y'akolaku kibi. Nga tatwala musingo gwa muntu yamwewolaku, waire okunhaga ekintu ku muntu yeenayeena. Aye ng'agha abayala eby'okulya, n'abali amadu yaabagha eby'okuvaala.

Ezekieli 18:7

Atafufunkiriza muntu yeenayeena, era atanhaga kintu kyonakyona ku muntu. Airiza eyamwewolaku omusingo gwe, n'agha omuyala eky'okulya, era n'agha ali amadu eky'okuvaala.

Danieli 4:27

Agho ni, Isebantu kyabazinga, ganha amagezi ge nja okukugha: Lekera okukola ebibi okole ebituufu, era olekere okwonoona oyoleke okusaasira eri abo abanhigirizibwa. Oba katyo, olwo ebintu binaakujiiranga bukalamu.”

Mika 6:8

Busa, Musengwa Katonda yatukobera ekikalamu kye tube tukole, era ni kino: Ayenda tukolenga ebintu mu butuufu, twolekenga okugonza okutakoma, era tumusinzenga nga tuli bawombeefu.

Matayo 25:40

“Agho Kyabazinga alibairamu ati, ‘Bwenebwene ka mbakobere buli kye mwakolera omulala ati ku baganda bange bano abato, mwakikolera nze.’

Matayo 26:11

kuba abaavu muli nabo buliidho, aye nze timwidha kuba ninze buliidho.

Mariko 14:7

Abaavu muba nabo buliidho, era mughanga okubakolera obulungi buli lwe mwenze aye nze timwidha kuba ninze buliidho.

Luka 11:41

Ebiri munda mubigabirenga abaavu, era agho byonabyona lwe binaabanga ebirongoofu.

Yoanne 13:29

Abandi baali badhuuba bati engeri Yuda ye yali omugemi w'endyanga, Yesu yali ali kumukoba kuja kugula bye beetaaga ku kibinuko, oba kubaaku ni ky'agha abaavu.

Ebikolwa by'Abatume 10:31

Era yankoba ati, ‘Korunelio, Katonda awuliire okusaba kwo era aidhukiire n'okugaba kwo.

Ebikolwa by'Abatume 11:29

Aboluganda baasalagho kiisi muntu agheeyo nga bw'aghanga olw'okulumuukirira aboluganda abaali mu Buyudaaya.

Ebikolwa by'Abatume 16:15

Ono n'ab'omu ndhu ye bwe baamala okubatizibwa, yaatusaba ng'akoba ati: “Oba nga muboine nga ndhikiriza Musengwa bwenebwene, mwidhe mube ewange.” Yaatwikirizisa twaja.

Ebikolwa by'Abatume 4:32

Abo boonaboona abaali baikiriza, baali n'omutima n'omwoyo mulala. Era nga ghazira akoba ku ebyo bye yabanga nabyo ati kuliku ekikye ku bubwe. Aye nga byonabyona byaibwe ghalala.

Ab'e Roma 12:13

Mutoolenga ku byaimwe mughenga abantu ba Katonda. Musangaalirenga abageni.

Ab'e Roma 12:20

Kale ni omuzigu wo endhala bw'emulumanga mughenga eky'okulya, era bw'abanga endiwo mughenga eky'okunhwa; kuba bw'okola otyo olimuswaza.

Ab'e Roma 16:23

Gayo ansuza era nga mu ndhu ye, Ekikunsu eky'Abaikiriza mu Kurisito kyonakyona mwe kyesololeza, abalamwisa. Erasito omukuumi w'endyanga y'ekibuga n'owoluganda Kwaruto babalamwisa. [

Ab'Efeso 4:28

Abaire aiba akange agho, aye afube kukola ng'akozesa emikono gye asobole n'okugabiraku abaavu.

1 Timotheo 5:10

Namwandu oyo ateekwa okuba nga amanhiibwa olw'ebikolwa ebikalamu: nga yakuza bukalamu abaana be, nga yasangaaliranga abageni, nga yanaazanga ebigere eby'abantu ba Katonda, nga yayambanga abali mu buzibu, era nga yeeghaayo inho okukola obukalamu mu buli nsambo.

Filemoni 1:7

Muganda wange, okugonza kwo kundeeteire okusagamba einho era n'okwiramu amaani, kuba ku lulwo emyoyo gy'abatuukirivu, giize buyaaka.

Abaheburayi 13:16

Timwerabiranga kukola bukalamu n'okubeeragana kuba egyo n'emisengo Katonda gy'asiima.

Abaheburayi 6:10

Kuba Katonda ti n'omubi einho okusobola okwerabira omulimo gwe mwakola, n'okugonza kwe mwayoleka mu buyambi bwe mwagha, era bwe mukaagha abatuukirivu ni ye buli eno.

Yakobo 1:27

Okwikiriza okutuufu era okuziramu buguya mu maiso ga Katonda Lata ni kuno: okulabirira bamulekwa, ni banamwandu, n'okwekuuma obutoonoonebwa nsi eno.