Matayo 25:34 - Baibuli Ekibono kya Katonda 2014

³⁴ Agho Kyabazinga alikoba abo abaliba ku luuyi olw'omukono gwe omusaadha ati, ‘Mwidhe imwe Lata wange be yagha enkabi, mube mu Bwakyabazinga obwabategekerwa okuva ensi lwe yatondebwa.

Matayo 25:34 ပူးပေါင်းရင်းမြစ်များ

Zabbuli 2:6

ati: “Kyabazinga wange ye nalonda, namuta ku lusozi lwange olutukuvu Sioni.”

Ensambo 11:17

Omuntu ow'ekisa akifunamu omuganhulo, aye akola eby'obukambwe yeerumya mwene.

Isaia 33:22

Musengwa Katonda mwene n'aliba omulamuzi waife, yaaba kyabazinga waife atufuga, era yaaba omulokozi waife.

Isaia 6:5

Naakoba nti: “Nkagwireku era nfiire nze, kuba kiisi kye ndhogera tiikirongoofu, era n'abantu be ndimu bye boogera tiibirongoofu. Aye ate nze mwene mboine Kyabazinga Musengwa Katonda Afuga Amagye.”

Isaia 9:7

Obufuzi bwe bwidha kweyongeranga aghazira kukoma emiraala mu bwakyabazinga bwe gyeyongerenga aghazira kusalaku. Alifuga ng'omusika wa Daudi, obuyinza bwe nga bujiira ku kukola mazima na butuufu, okuva mpegaano n'okutuusa ebyanda n'ebyanda. Musengwa Katonda Afuga Amagye aidha kutuukiriza ekyo.

Danieli 9:25

Agho ni kimanhe era okitegeere ng'okuva ku kiseera ekiragiro eky'okuzimba Yerusalemu obuyaaka lwe kirigheebwa, okutuuka ku kwidha kw'omukulembeze omulonde wa Katonda, ghaja kubitagho emyaka nsanvu emikuzi musanvu. Olwo ghabeegho emyaka nkaaga n'ebiri emikuzi musanvu, egy'okuzimbiramu Yerusalemu obuyaaka, n'enguudo dhaakyo, n'ekimante ekigumu okukyezunguluza. Aye ekiseera ekyo kiriba kya bizibu.

Zefania 3:15

Musengwa Katonda atoiregho ekibonerezo kyaimwe, abinze abazigu baimwe boonaboona. Musengwa Katonda oyo kyabazinga wa Isiraeli ali mu imwe buti, ghazira kye mukaatya.

Matayo 13:35

Kino ni kyatuukiriza omulanzi kye yakoba ati: “Ndyogeranga mu nfumo, ndyatula ebitaatulwanga okuva ku kwinhama okw'ensi.”

Matayo 19:29

Era yeenayeena aleka enhumba, oba baganda be, oba baanhina, oba ise, oba inhina, oba abaana, oba ebibandha, ku lwange aliirizibwagho emikuzi kikumi, era yaafuna n'obulamu obutawaagho.

Matayo 20:23

Yaabakoba ati: “N'agh'agho, ekikopo kyange mulikinhwaku, aye eky'okutyama ku mukono gwange omusaadha ni ku mugooda, kino ti kyange okukibagha, aye kirigheebwa abo Lata wange be yakitegekera.”

Matayo 21:5

“Mukobe abantu b'e Sioni muti: Mubone, Kyabazinga waimwe ali kwidha ye muli. Muwombeefu era ali kwidhira ku ndogoyi, atyaime ku ndogoyi ento.”

Matayo 25:21

Musengwa we yaamukoba ati, ‘Weekaza, omugheereza omulungi era omwesigwa obaire mwesigwa mu bitono, ndidha kukugemya ebingi ingira mu isanhu lya Musengwa wo.’

Matayo 25:23

Musengwa we yaamukoba ati, ‘Weekaza, omugheereza omulungi era omwesigwa obaire mwesigwa mu bitono, ndidha kukugemya ebingi ingira mu isanhu lya musengwa wo.’

Matayo 25:40

“Agho Kyabazinga alibairamu ati, ‘Bwenebwene ka mbakobere buli kye mwakolera omulala ati ku baganda bange bano abato, mwakikolera nze.’

Matayo 25:41

“Agho, alikoba abo abaliba ku mugooda ati, ‘Munve mu maiso imwe abalaame, muje mu muliro ogutazikira ogwategekerwa Sitaani ni bamalaika be!

Matayo 27:37

Agho nga ghaigulu gh'omutwe gwe baataagho ensonga ye baamulanga ng'eghandiikiibwa eti: ONO NI YESU KYABAZINGA OW'ABAYUDAAYA.

Matayo 3:2

yaakoba ati: “Mwenenie kuba Obwakyabazinga obw'omu igulu buseese.”

Matayo 5:19

Kale oyo yeenayeena alimenha ekirala ku biragiro bino ebitonioli, era n'ayegeresa atyo abantu, alyetebwa asembayo mu Bwakyabazinga obw'omu igulu aye oyo abigema era n'abyegeresa, alyetebwa wa kitiisa mu Bwakyabazinga obw'omu igulu.

Mariko 10:17

Yesu olwagwa mu ngira ati, ghaabaagho eyamulumuukirira yaakuba amakiryaivu, yaamubuuza ati: “Mwegeresa omulungi, nkole ki okufuna obulamu obutawaagho?”

Mariko 10:40

Aye eky'okutyama ku mukono gwange omusaadha oba ku mugooda ti ninze nkibagha, era ky'abo be kyategekerwa.”

Luka 11:28

Aye Yesu yaakoba ati: “Abasinga okuba ab'enkabi n'abo abawulira ekibono kya Katonda ni bakigema.”

Luka 11:50

Kyova ab'oluse luno balibuuzibwa omusaayi ogw'abalanzi boonaboona gwe baafuka okuva ku kwinhama okw'ensi,

Luka 12:32

“Mutatya imwe waire nga muli bwa byayo bitono biti, kuba Lata waimwe kyamusanhusa okubagha Obwakyabazinga.

Luka 19:38

Baakoba bati: “Wa nkabi kyabazinga oyo aidha mu liina lya Musengwa! Emiraala gibe mu igulu n'ekitiisa kibe eyo ghaigulu yeene.”

Yoanne 1:49

Nathanaeli yairamu ati: “Mwegeresa, niiwe Omwana wa Katonda! Niiwe Kyabazinga wa Isiraeli!”

Yoanne 12:13

Baagema ensaga edh'emiti eminaazi baaja okumusangaaza, era baaleekaana bati: “Hosanna, wa nkabi oyo aidha mu liina lya Musengwa! Era wa nkabi Kyabazinga wa Isiraeli.”

Yoanne 17:24

Lata, kye neegomba n'okuba n'abo be wampa ghe ndi, babone ekitiisa kyange kye wampa, kuba wangonza nga n'ensi ekaali kutondebwa.

Yoanne 19:15

Bale baayasiikana bati: “Twala ere! Twala ere! Mukomerere ku musalaba!” Pilato yaabakoba ati: “Mwenda nkomerere kyabazinga waimwe ku musalaba?” Bakabona Abakulu baamwiramu bati: “Ife tuzira kyabazinga, okutoolaku Kaisari.”

Ebikolwa by'Abatume 15:18

Musengwa atyo bw'akoba eyakola ebintu bino ni bimanhibwa okuva eira n'eira.’

Ebikolwa by'Abatume 3:26

Agho ni, Katonda bwe yalonda Omwana we, yasooka kumutuma ye imwe abaghe enkabi nga buli mulala akyuka yaaleka ebibi bye.”

Ab'e Roma 8:17

Nga bwe tuli abaana be, tulifuna ebirungi bye yasuubiza abantu be, era tuligabanira ghalala ni Kurisito ebyo Katonda bye yamuterekera. Kuba bwe tudaagiradaagira aghalala ni Kurisito, tulifunira ghalala naye ekitiisa.

1 Ab'e Korintho 15:50

Aboluganda, kye nkoba ni kino omubiri obubiri n'omusaayi obusaayi tibisobola kugheebwa mugabo mu Bwakyabazinga bwa Katonda, n'ekifa tikighanga kugheebwa butafa.

1 Ab'e Korintho 2:9

Aye nga bwe kyaghandiikibwa: “Katonda kye yategekera abo abamugonza, ghazira muntu yaali akiboineku waire okukiwuliraku, oba eyaali alowooziizaaku nga kisobola okubaagho.”

1 Ab'e Korintho 6:9

Timwidhi ng'abakozi b'ebibi tibalingira mu Bwakyabazinga bwa Katonda? Mulobe kwerimba ghazira badankaanu, waire abasinza ebitali Katonda, waire abenzi, waire abatamiivu, waire abasaadha abadankaana ni basaadha banaibwe, oba abakazi abadankaana ni bakazi banaibwe, abalingira mu Bwakyabazinga bwa Katonda.

Ab'e Galatia 5:21

okweyendeza eby'abandi, okutamiira, okwemalira mu bibinuko, n'ebindi ebiri ng'oti n'ebyo. Mbalabula ng'oti bwe nabalabulaku eira, nti abantu abakola ebintu ebyo tibaliba na mugabo mu Bwakyabazinga bwa Katonda.

Ab'Efeso 5:5

Mumanhire irala kino muti omwenzi, omudankaanu, oba ali n'okwegomba okubi, azira mugabo mu Bwakyabazinga bwa Kurisito era obwa Katonda; kuba okwegomba okubi kwona kuba kusinza bitali Katonda.

1 Ab'e Thessalonika 2:12

okuba mu bulamu Katonda bw'asiima, oyo abeeta okwingira mu Bwakyabazinga bwe era mu kitiisa kye.

2 Timotheo 2:12

Bwe tuguma tulifugira ghalala naye; bwe tumwegaana yeena alitwegaana.

2 Timotheo 4:8

Era mperaano Katonda ambiikiire eyo obutuufu ng'ekirabo eky'obughanguzi, Musengwa era omulamuzi omutuufu ky'alimpa ku Lunaku lule. Taligha nze zenka aye aligha abo boonaboona abeesunga okwira kwe.

Abaheburayi 1:14

Kale bamalaika ti n'emyoyo egigheereza Katonda, gy'atuma olw'abo ab'okulokolebwa?

Abaheburayi 11:16

Aye mperaano kyali nti baali bali kwegomba obutaka obusinga obukalamu n'obwo obw'omu igulu. Kale Katonda kyava tagemwa nsoni kwetebwa Katonda waibwe, kuba yabategekera ekibuga.

Abaheburayi 4:3

Ife abaikiriza niife abatuuka aghali okuwuumula, nga bwe yakoba ati: “Nasungughala era neefuugha nti, ‘Tiribaganha kutuuka ghe nali nja kubagheera kuwuumula.’ ” Yakoba kino waire ng'emirimo gye gyali nga gyawa, bwe yamala okutonda ensi.

Abaheburayi 9:26

Kuba nguli kyali kityo, Kurisito yandibaire ng'ali n'okudaagadaaga emikuzi kamaala kasookanga ensi etondebwe. Aye mu byanda bino ebisembayo yaboneka omukuzi mulala guti nga gumala, atoolegho ekibi olw'okweghaayo mwene.

Yakobo 2:5

Aboluganda abagonzi, muwulire kino: Katonda yalonda abaavu ab'oku nsi kuno okuba abakombe mu kwikiriza, era n'okuba mu Bwakyabazinga bwe yasuubiza abo abamugonza.

1 Petero 1:9

Ekiva mu kwikiriza kwaimwe, n'okulokolwa okw'emyoyo gyaimwe.

1 Petero 3:9

Timwesasuuzanga nga mukoleibwa ekibi, oba okuvuma nga muvumiibwa, aye mubasabirenga bwa nkabi kuba kino Katonda kye yabeetera, olwo mufune enkabi.

Okwolekebwa 13:8

Abantu ab'oku nsi abo abataaghandiikibwa mu kitabo kya bulamu ng'ensi ekaali kutondebwa, balisinza ekisolo ekyo. Ekitabo ekyo kya Ntaama Nto ere eyaitibwa.

Okwolekebwa 17:8

Ekisolo ky'oboine kyaligho, aye mperaano tikikaaligho. Aye kiidha kuniinaniina okuva mu lwina olutakoma, kije kizikirizibwe. Abantu abali ku nsi, beene maina agataaghandiikibwa mu kitabo eky'obulamu, okuva ensi lwe yatondebwa, balyewuunhia bwe balibona ng'ekisolo ekyaligho, mperaano tikikaaligho, ate nga kiriidha.

Okwolekebwa 19:16

Ku kivaalo kye ni ku kiteege kye nga kughandiikiibwaku eriina liti: “Kyabazinga wa bakyabazinga era Musengwa w'abasengwa.”

Okwolekebwa 21:7

Oyo aghangula, alifuna ebyo. Nze ndiba Katonda we, mwene yaaba mwana wange.

Okwolekebwa 5:10

Wabafuula obwakyabazinga era waabafuula bakabona ba Katonda waife ab'okufuga ku nsi.”