Matayo 24:9 - Baibuli Ekibono kya Katonda 2014

⁹ “Mu biseera ebyo balibagema baabaghaayo okudaazibwadaazibwa, n'okwitibwa. Abamaghanga agandi boonaboona balibakyagha nga babalanga nze.

Matayo 24:9 ပူးပေါင်းရင်းမြစ်များ

Ensambo 29:27

Ababi bakyagha abatuufu, n'abatuufu baakyagha ababi.

Danieli 11:33

Abakulembeze abagezi mu ighanga balyegeresa abantu kamaala baaba bategeevu, waire nga ghalibitagho ekiseera ng'abandi ku bakulembeze abo baitibwa mu ntalo, abandi baayokebwa omuliro baafa, abandi baatwalibwa mu bunhage, n'abandi baanhagibwaku ebyaibwe.

Matayo 22:6

Abaasigalagho baagema abagheereza baababisa bubi era baabaita.

Matayo 23:34

Kale ndidha kubatumira abalanzi, n'abasaadha abagezi n'abeegeresa abandi mulibaita, mwabakomerera ku misalaba, abandi mulibakuba enkoba mu sinagoga dhaimwe, era mwabakiriga mu buli kibuga.

Luka 11:49

Ni mu Magezi ga Katonda kikoba kiti, ‘Abandi balibakiriga n'abandi balibaita.’

Luka 21:12

Aye ng'ebyo byonabyona bikaali kubaagho, balibagema baabadaazadaaza, baabaghaayo mu mikono gya ab'obuyinza mu sinagoga ni mu makomera, baabaseeghayo ye bakyabazinga ni y'abafuzi abandi, ku lwange.

Yoanne 15:18

“Oba nga ensi ebakyagha, muteerabira nga ninze ensi ye yasooka okukyagha.

Yoanne 15:21

Aye balibakola bino byonabyona ku lwange, kuba tibaidhi oyo eyantuma.

Yoanne 16:2

Balibabinga mu sinagoga. Ate ekiseera kirituuka oyo abaita lw'alirowooza ati okukola ekyo aba ali kukola mulimo gwa Katonda.

Ebikolwa by'Abatume 28:22

Aye twandyenze okumanha iwe ky'odhuuba ku kikunsu ekyo, kuba twidhi nga kiisi ghantu woonawoona, bakitakania.”

Ebikolwa by'Abatume 7:59

Bwe baali nga bamukuba amabaale, Sitefano yaasaba ati: “Musengwa Yesu, twala omwoyo gwange.”

1 Petero 4:16

Aye ole bw'adaazibwadaazibwa olw'okuba Omukurisito, alobenga kuwulira nsoni mu liina lya Kurisito, aye aghenga bwa Katonda kitiisa.

Okwolekebwa 2:10

Otatya ebyo ebizibu ebiri okumpi okukutuukaku. Bona, Sitaani aidha kusuula abandi ku imwe mu ikomera okubaleba, era mulidaagadaaga okumala enaku ikumi. Weekalangulire mu kwikiriza okutuusa okufa, ndikugha obulamu ng'ekirabo eky'obughanguzi.

Okwolekebwa 2:13

Ndidhi y'oba eyo eri ekityamo kya Sitaani. Weekalanguliire ku nze. Era waasigala ng'ondhikiriza ni mu kiseera Antipa omudhulizi wange omwesigwa mwe yaitirwa eyo ewaimwe Sitaani y'aba.

Okwolekebwa 7:14

Naamwiramu nti: “Isebo, niiwe oidhi.” Yankoba ati: “Abo n'abaabita mu kudaazibwadaazibwa okunene ni baamula ebivaalo byaibwe n'omusaayi ogw'Entaama Ento, ni bifuuka ebyeru.