Matayo 24:6 - Baibuli Ekibono kya Katonda 2014

⁶ Muliwulira entalo ghano ni ghale, mwekuume, mutatabulwa ebyo biri n'okubaagho, aye ng'enkomerero ekaali.

Matayo 24:6 ပူးပေါင်းရင်းမြစ်များ

Zabbuli 112:7

Amawulire amabi tigamutiisa, omwoyo gwe mugumu nga yeesiga Musengwa Katonda.

Isaia 12:2

Bona, Musengwa Katonda n'omulokozi wange; ndidha kumwesiganga nga ghazira kye ntya. Musengwa Katonda oyo n'amaani gange, oyo n'olwembo lwange, era n'omulokozi wange.

Isaia 7:4

Omukobe oti, ‘Guma obe mwikaikamu, otatya era otawaamu maani. Obusungu obubitirivu obwa Rezini, n'obw'Abasiria, n'obwa Peka mutabane wa Remalia, buli ng'oti mwosi bwosi oguva ku buti obubiri obunioka.

Yeremia 47:6

Mulirira amaziga muti, ‘Wo empiima ya Musengwa Katonda iwe! Olirekera li okuja ng'osaagha? Irayo mu kiruutu kyo osigale omwo owuumule!’

Ezekieli 21:28

“Iwe omuntu, langa okobere abantu bino, nze Musengwa Katonda, bye ndi kukoba Abammoni, abavuma Abaisiraeli. Bakobere oti: ‘Bona empiima, empiima yiiyo bagisowoireyo okutirimbula era baagizigula emyanse ng'oti lukuba.

Matayo 2:3

Olwawulira bino, kyabazinga Herode ni Yerusalemu yoonayoona baatabulwa.

Matayo 24:14

Era n'Amawulire Amalungi ag'Obwakyabazinga galirangirirwa mu nsi yoonayoona, ng'amazima ag'okudhulirwa amaghanga goonagoona agho ni ng'enkomerero etuuka.

Matayo 26:54

Aye ng'olwo kabiri Ebyaghandiikibwa bituukirira bitya, ebikoba biti kiri n'okuba kityo?”

Luka 21:19

Mu kuguma kwaimwe mwe muliwoneza obulamu bwaimwe.”

Luka 21:9

Ate bwe muwulira ku ntalo ni ku bwegugungo timudhugumiranga, kuba ebintu ebyo biri n'okusooka okubaagho, aye tikitegeeza kiti mangu ago enkomerero eriba ng'etuuka.”

Luka 22:37

Ka mbakobere kiri n'okutuukirira ku nze ekyaghandiikibwa kiti, ‘Yabalirwa mu bamenhi ab'amateeka’ kuba ebyo ebingemaku biri n'enkomerero yaabyo.”

Yoanne 14:1

Yesu yaabakoba ati: “Mutabanga beeraliikirivu mu myoyo gyaimwe. Mwikirize Katonda, zeena mundhikirize.

Yoanne 14:27

“Mbalekeire emiraala, emiraala gyange gyene gye mbaghaire ate tigibaghaire ng'ensi bw'egigaba. Muteeraliikirira mu myoyo gyaimwe waire okutya.

2 Ab'e Thessalonika 2:2

mulobe kuwubisibwa mangu mutyo mu birowoozo byaimwe, oba okutabulwa muti oba katyo olunaku lwa Musengwa lutuuse kuba musobola okuba nga mulowooza muti oba katyo twakikoba mu kulanga, oba mu kulamba oba mu mbaluwa.

Okwolekebwa 6:4

Yaavaayo embalaasi eyindi, nga myufu. Eyali ali kugivuga, ng'agheereibwa okuleeta entalo ku nsi, abantu baitagane. Era baamugha empiima endeeyiriri.