Matayo 24:49 - Baibuli Ekibono kya Katonda 2014

⁴⁹ era n'atoolera okukuba bagheereza baine, n'okulya n'okunhwa n'abatamiivu,

Matayo 24:49 ပူးပေါင်းရင်းမြစ်များ

Ensambo 23:20

Weesambenga abantu abanhwa einho omwenge, n'abo abeesokera emere embitirivu

Isaia 56:12

Bakobagana bati, ‘Mwidhe tufuneyo ku mwenge ogw'emizabbibu tunhweku. Ka twerenge ebitamiiza, n'olwaidho lwona lwidha kuba ng'oti n'olwaleero, era n'okulusingaku.’ ”

Isaia 66:5

Imwe abafuba einho okugondera Musengwa Katonda by'alagira ni mubikola, muwulire Musengwa Katonda oyo ky'akoba: “Olw'okuba muli beesigwa ye ndi, abandi ku bantu baimwe beene babakyagha era baababingagania, nga babayeeyereza bati, ‘Musengwa Katonda leka abawonie ayolese nga bw'ali ow'ekitiisa, tuboneku nga bwe musagamba.’ Aye beene n'abaliswazibwa.

Ezekieli 34:3

Munhwa amata n'omuzigo, mwavaala ebivaalo ebikolebwa mu buviiri bwadho, mwaita edhipiitiibwa ensavu mwadhirya, aye nga timulabirira ntaama edho naire.

Mika 3:5

Abalanzi abaguya badaaliimya abantu nga basuubiza miraala oyo abagha eky'okulya, ate baalanga okwidha kw'olutalo eri oyo azira ky'abaghaire.

Matayo 18:28

“Aye omugheereza oyo bwe yali afuluma yaayagaana mugheereza mwine ye yali abandha dinari kikumi. Yaamugema, yaamugwa mu mamiro nga bw'amukoba ati, ‘Nsasula eibandha lyange.’

Matayo 24:48

Aye omugheereza bw'aba mubi n'akoba mule mu mwoyo gwe ati Musengwa we taidha kwira mangu,

Matayo 24:50

Musengwa w'omugheereza aliidha mu kiseera ky'atamusuubiriramu, ku saawa gy'ataidhi.

Matayo 7:15

“Mwekuume abalanzi abaguya, abo abaidha ye muli nga beefuula bawolu oti ntaama, ate nga munda n'emisege emiswankuzi.

Yoanne 2:10

yaamukoba ati: “Omuntu yeenayeena asooka kugabula omwenge ogw'emizabbibu ogw'endiko, abantu bwe bamala okunhwa ni baghezaamu memale yaabagha dhuule. Aye kabiri iwe omwenge ogw'emizabbibu ogw'endiko gw'otereike okutuusa ni ye buli eno!”

Ab'e Roma 16:18

kuba abantu abakola ebintu oti n'ebyo tibagheereza Musengwa waife Kurisito aye bakolerera nda dhaibwe. Bakozesa ebibono ebinhoonha era ebisaakiriza, baaguya abantu abazira kabi.

2 Ab'e Korintho 11:20

Muguminkiriza omuntu bw'abatwala okuba abairu, oba bw'abanhaga, oba bw'abatega, oba bwe yeekudumbaza, oba bw'abakuba mu maiso.

Ab'e Filippi 3:19

Ekirisembayo eky'abantu abo kuliba kuzikirira, kuba katonda ye basinza, n'enda dhaibwe. Beesaaka olw'ebyo ebyandibaswaziiza era balowooza bya ku nsi kuno byonka.

1 Petero 5:3

Mulobenga kwebisa oti bafuzi mu byayo omwo, aye mubenga kya kuboneraku.

Yuda 1:12

Abantu bano bwe baba ku mbaga dhaimwe edh'okugonzania baswaza inho. Baidhirira kulya, na kunhwa, na kwefaaku bonka nga bazira na nsoni. Bali ng'oti bire ebitavaamu maadhi, ebija n'empewo. Bali ng'oti miti egitabaaku bibala mu kiseera eky'ekyengera. Bali ng'oti miti egyakuukulwagho n'emizi era ni gikalira irala.

Okwolekebwa 13:7

Era kyaikirizibwa okutanula olutalo ku batuukirivu era n'okubaghangula, era kyagheebwa obuyinza ku bika byonabyona, ni ku nse dhoonadhoona, ni ku nnimi dhoonadhoona ni ku maghanga goonagoona.

Okwolekebwa 16:6

Olw'okuba abantu baayugha omusaayi okw'abatuukirivu bo n'ogw'abalanzi, weena ky'oviire obagha omusaayi okunhwa. Ekyo kye bagwaine!”

Okwolekebwa 17:6

Naabona ng'omukazi atamiire omusaayi gw'abatuukirivu, n'ogw'abo abaitibwa olw'okudhulira Yesu. Bwe namubona, neewuunhia inho!

1 Samueli 2:29

Lwaki timwisa kitiisa mu misengo gyange n'ebigheebwayo byange bye nalagira abantu bange okumpa? Iwe Eli, lwaki ogha batabane bo ekitiisa ekinene okusinga ky'ompa nze, ni mugeedhera ku bisinga obulungi, mu ebyo abantu bange Abaisiraeli bye baghaayo?