Matayo 24:39 - Baibuli Ekibono kya Katonda 2014

³⁹ Aye tibaamanha okutuusa amaadhi ag'omwidhuzo bwe gaidha ni gabasaaniagho. Kale atyo n'Omwana w'Omuntu bw'aliidha.

Matayo 24:39 ပူးပေါင်းရင်းမြစ်များ

Amainhama 7:23

Musengwa Katonda yazikiriza ebintu ebiramu byonabyona ku nsi abantu, ensolo, ebyo ebyeghaluliza ku itaka, n'enhonhi. Noa n'abo abaali naye mu lyato, ni bonka abaawonagho.

Ensambo 23:35

Agho waakoba oti: “Bankonse aye tibaanoziiza! Bankubye aye tiwuliire bulumi. Oba nnaasituka li nfuneyo ogundi nhweku kabiri?”

Ensambo 24:12

Osobola okwewuuguusa oti: “Bona eno, ekyo nze tikimanhangaku naire.” Aye Katonda abona ebigendererwa eby'omuntu era yaabimanha. Oyo n'akuuma obulamu bwo, era abona buli kintu. Era aja kusasula buli muntu, ng'ajiira ku bikolwa bye.

Ensambo 29:7

Omuntu akola ebituufu amanha omwavu by'agwaniire okukolerwa, aye omukozi w'ebibi tabifaaku naire.

Isaia 42:25

Kale kyeyava n'atumaliraku obusungu bwe, era n'atusindikira entalo. Yatutumbukizaaku obusungu bwe ng'oti muliro bwayaka mu Isiraeli mwonamwona, aye twaloba kumanha birigho, bwatwokya aye era twaloba kubaagho ni kye twegamu naire!

Matayo 16:27

Omwana w'Omuntu aja kwidha mu kitiisa kya Ise, ni bamalaika be, era buli muntu amughe ekimugwana ng'ajiira ku bikolwa bye.

Matayo 24:3

Bwe yali ng'atyaime ku Lusozi olw'Emiti Emyoliva, Abeegeresebwa baidha y'ali mu kyama, baakoba bati: “Tukobere ebyo biribaagho li, era kiki ekiriba akamanhiso ak'okwidha kwo, n'okufundikira okw'ebyanda?”

Matayo 24:30

Agho akamanhiso ak'Omwana w'Omuntu kaliboneka mu igulu era abantu boonaboona ab'oku nsi balikuba empungu, nga babona Omwana w'Omuntu aidhira mu bire eby'omu igulu n'amaani, n'ekitiisa ekinene.

Matayo 24:37

Nga bwe kyali mu biseera bya Noa, ni mu kwidha kw'Omwana w'Omuntu bwe kiriba.

Matayo 24:40

Agho abaliba ababiri mu nimiro, omulala alitwalibwa owundi yaalekebwa.

Luka 19:44

Balikusaaniagho iwe n'abantu bo abakulimu era tibalireka ibaale ku liinaalyo kuba tiwamanha lunaku lwa kukukyalira.”

Yoanne 3:20

Buli akola ebibi akyagha ekimuliikirira, era taidha ya kimuliikirira olw'okutya ati ebikolwa bye bighanga okumanhibwa.

Ebikolwa by'Abatume 13:41

‘Mubone eno imwe abanhoomi, mwewuunhie era muzikirire! Kuba nkola omulimo mu biseera byaimwe, omulimo gwe mutaliikiriza, waire nga ghaligho agubainhonhola.’”

Ab'e Roma 1:28

Olw'okuba baaloba okumanha Katonda, kyova Katonda yabaleka ni badankaana mu myoyo, ni bakola ebitasaana.

2 Petero 3:5

Beewuuguusa bwewuuguuse aye nga baidhi ng'eira Katonda yayogera bwogere kibono eigulu n'ensi byabaagho. Ensi yakolebwa ng'eva mu maadhi era yakolebwa na maadhi.

Abalamuzi 20:34

Abasaadha omutwalo mulamba abaalondebwa n'obwegendereza mu Isiraeli yoonayoona, baalumba Gibea, era okulwana kwaba kwa maani inho. Aye Ababenjamini baali nga tibategeire ng'akabi kabali kumpi.