Matayo 24:31 - Baibuli Ekibono kya Katonda 2014

³¹ Eigwala ery'amaani bwe lirifuuwa, alituma bamalaika be baasoloza abalonde be okuva mu mpewo eina, okuva eigulu ye liva okutuusa ye likoma.

Matayo 24:31 ပူးပေါင်းရင်းမြစ်များ

Zabbuli 22:27

Okuva ku ndhuyi dhoonadhoona edh'ensi amaghanga galiidhukira Musengwa Katonda. Galikyuka gaira y'ali; ebika byonabyona birimusinza;

Zabbuli 67:7

Katonda atughaire enkabi; ensi yoonayoona k'emutye okuva y'eva okutuuka y'ekanga.

Zabbuli 81:3

Mufuuwe eigwala ku Kibinuko eky'Okuboneka kw'Omwezi, ni ku lunaku lwe gutyaime ku ntebe.

Okuvaayo 19:16

Olunaku olwokusatu ku nkyo ghaabaagho okutyabuka n'okumyansa okw'olukuba, n'ekire ekigemu kyaidha ku lusozi, era ghaabaagho n'okuvuga okw'endeka okw'amaani einho. Abantu boonaboona, nga bali mu weema dhaibwe, baatya inho baadhugumira.

Isaia 11:12

Musengwa Katonda alighanikira amaghanga bendera, yaagamanhisa nga bw'ali kusoloza abantu abaabingibwa mu Isiraeli ni mu Buyudaaya, abatoole eyo ye baabasansaaniza mu ndhuyi eina edh'ensi.

Isaia 13:5

Bava mu maghanga ag'eghala ere ensi y'ekanga. Musengwa Katonda ali kwidha n'obusungu okuzikiriza ensi yoonayoona.

Isaia 27:13

Ku lunaku olwo, eigwala lirivuga n'amaani, okweta Abaisiraeli boonaboona abaliba mu Assiria ni mu Misiri, baidha baasinza Musengwa Katonda ku lusozi olutukuvu mu Yerusalemu.

Isaia 42:10

Mwembere Musengwa Katonda olwembo oluyaaka. Ensi yoonayoona leka emusaake! Enhandha leka ewolome n'ebirimu byonabyona olw'eisanhu N'ebiketezo eby'oku nhandha leka byembe n'ababibaaku boonaboona.

Isaia 43:6

Ndiragira oluuyi olw'omukono omugooda olw'e buvandhuba lwabalekula, naalagira n'oluuyi olw'omukono omusaadha olw'e buvandhuba lwaloba kubaloberaku. Olwo mwaleeta batabane bange okuva eyo eghala, era mwaleeta ni baghala bange okuva eyo mu nsi dhoonadhoona.

Isaia 45:22

Imwe abantu b'ensi yoonayoona okuva y'eva okutuuka y'ekanga, mukyuke mwire ye ndi mbalokole, kuba ninze Katonda zenka, ezirayo wundi.

Isaia 49:18

Linga ere ku ndhuyi dhoonadhoona obone. Baabo bali kwesoloza okwidha y'oli. Nze Musengwa Katonda nkoba nti nga bwendi omulamu, abantu bo abo baidha kukuleeteranga okwesiima, ng'oti n'ebyamadholobera bwe bireetera omugole abivaire okwesiima.

Isaia 60:4

Weezunguluze amaiso obone, abantu boonaboona nga bwe bali kwesololeza aghalala nga baidha y'oli. Batabane bo baliva eghala eyo baidha; ni baghala bo balibabbeeda baabaleeta y'oli.

Danieli 7:2

Yakoba ati: Mu kubonekerwa kwange kwe nafuna obwire, naja okulinga nti nga mbona empewo ng'eri kuva ghaigulu ku ndhuyi dhoonadhoona, yaasiikuula enhandha enkologho.

Zekaria 14:5

Muliwona nga mubitira mu kiiko ekyo ekirigabaniamu olusozi aghabiri. Mulirumuka nga badhaadha baimwe bwe baakola ku lule musisi lwe yabita mu biseera bya kyabazinga Uzzia ow'e Buyudaaya. Agho Musengwa Katonda waife aliidha ng'ali ghalala n'abatukuvu boonaboona.

Zekaria 2:6

Musengwa Katonda akoba ati: “Imwe bantu bange! Musitukiremu mulumuke, muve mu nsi eyo eri ku luuyi olw'omukono omugooda olw'e buvandhuba, ye nabasansaaniza ku ndhuyi dhoonadhoona ng'oti n'empewo ey'oku igulu.

Zekaria 6:5

Yandhiramu ati: “Ebyo biri kuja ku ndhuyi eina edhiri ghansi gh'eigulu, era byakamala okuva ghale mu maiso ga Musengwa Katonda ow'ensi yoonayoona.”

Zekaria 9:10

Musengwa Katonda akoba ati: “Nditoola mu Isiraeli ebigaali eby'omu lutalo, naatoola ni mu Yerusalemu embalaasi. Obulaso obukozesebwa mu lutalo bulizikirizibwa. Kyabazinga oyo alireetagho emiraala mu maghanga. Alifuga ekiketezo ekiva ku nhandha okutuuka ku nhandha, n'okuva ku mwiga Eufurate okutuusa ensi y'ekanga.”

Zekaria 9:14

Agho Musengwa Katonda alibonekera ghaigulu gh'abantu be, era yaalasa obusaale bwe bwaja ng'oti kumyansa kwa lukuba. Musengwa Katonda oyo alifuuwa eigwala, memale yaakumbira mu mpewo eyeezungulula n'amaani, eva ku luuyi olw'omukono omusaadha olw'e buvandhuba.

Matayo 13:41

Omwana w'Omuntu alituma bamalaika be baasunsula mu Bwakyabazinga bwe ebyo byonabyona ebireetera abantu okwonoona, era n'abakola ebibi

Matayo 24:22

Nguli enaku edho tidhaakendeezebwaku, ghazira muntu yandiwonie. Aye ku lw'abalonde enaku edho dhirikendeezebwaku.

Matayo 24:24

kuba ghaliidhagho abantu abeeyeta Kurisito n'abeeyeta abalanzi, era baakola obumanhiso obw'amaani n'ebyewuunhio, nga benda okuwubania n'abalonde, bwe kiba kisoboka.

Matayo 24:32

“Mwegere ku lufumo olw'omuti omutiini. Ensaga bwe dhiira obuto mumanha muti endoboozi eri kumpi.

Matayo 25:31

“Omwana w'Omuntu bw'aliidha mu kitiisa kye eky'Obwakyabazinga ng'ali ni bamalaika boonaboona, alityama ku kityamo kye eky'ekitiisa.

Matayo 28:18

Yesu yaaseeta yaayogera nabo ati: “Nagheebwa obuyinza bwonabwona mu igulu ni mu nsi.

Mariko 13:27

Agho ng'atuma bamalaika nga basoloza abalonde be okuva mu mpewo eina, okuva ensi y'ekoma okutuuka eigulu ye likoma.

Luka 24:47

era nti okwenenia n'okusoniyibwa ebibi, biri n'okukoberwa amaghanga goonagoona mu liina lye, okuviira irala ni mu Yerusalemu.

Yoanne 11:52

Ate nga tiikufiiririra ighanga kyonka aye n'okusoloza aghalala abantu ba Katonda abaali beeswireswire.

Ab'e Roma 10:18

Aye mbuuza: Kituufu tibaawulira bukwenda? Bwenebwene baabuwulira, ng'ebyaghandiikibwa bwe bikoba biti: “Amamiro gaibwe gaatuuka mu nsi yoonayoona. Ebibono byaibwe byawulirwa ensi y'ekoma.”

1 Ab'e Korintho 15:52

mu kaseera akatonioli ng'oti kutemya na kuzibula. Endeka bw'erivuga n'abafu balizuukizibwa nga tibakairayo kufa kabiri, olwo ife twafuuka bufuuke.

Ab'Efeso 1:10

Entegeka eyo aligituukiriza ng'ekiseera kyayo kituuse, ng'ayimba ghalala mu Kurisito ebintu byonabyona ebiri mu igulu n'ebiri mu nsi.

Amateeka Agokubiri 30:4

Ni bwe muliba nga musansaaniire mu nsonda dh'ensi edh'eghala, Musengwa Katonda waimwe alibasolozaayo,

Amateeka Agokubiri 4:32

Musa yaayongera okukoba Abaisiraeli ati: “Mwekebeedhe ebyaligho mu byanda eby'eira, okuviira irala einhuma ere, bukyanga Katonda atonda abantu ku nsi. Mwekebeedhe ensi yoonayoona. Ekintu ekikologho ng'oti ni kino kyali kibaireghooku, era ghaligho eyaali akiwuliireku?

1 Ab'e Thessalonika 4:16

Musengwa mwene aliika ng'ava mu igulu, ekiragiro kyawulirwa mu iroboozi ery'amaani, isebamalaika yaayeta era endeka ya Katonda yaavuga. Abo abaafa nga baikiriza mu Kurisito n'abalisooka okuzuukira,

2 Ab'e Thessalonika 2:1

Mperaano, aboluganda, ka tubakobere ku bigema ku kwira kwa Musengwa waife Yesu Kurisito, ni ku ky'okusololezebwa gh'ali. Tubakubiriza,

Abaheburayi 12:19

oba ya kuvuga kwa ndeka, oba ya iroboozi eryavaamu ebibono ebyaleetera abaabiwulira okusaba balobe kweyongera kubiwulira.

Okwolekebwa 1:20

Gano n'amakulu amagise ag'emuunienie omusanvu dh'oboine mu mukono gwange omusaadha, n'ebikondo eby'entaala omusanvu ebya zaabu: Emuunienie omusanvu, ni bamalaika ab'Ebikunsu eby'Abaikiriza mu Kurisito omusanvu, ate ebikondo eby'entaala omusanvu, n'Ebikunsu eby'Abaikiriza mu Kurisito omusanvu.

Okwolekebwa 11:15

Agho malaika owomusanvu yaafuuwa eigwala lye. Ghaabaagho amamiro mu igulu nga gakoba gati: “Obwakyabazinga obw'ensi bufuuse bwa Musengwa waife era bwa Kurisito: aidha kufuganga ebyanda n'ebyanda.”

Okwolekebwa 7:1

Ebyo bwe byawa, naabona bamalaika bana, nga beemereire ku nsonda eina edh'ensi, nga bagemereire empewo eina edh'ensi dhirobe kufuuwa ku nsi, ni ku nhandha, waire ku muti gwonagwona.

Okwolekebwa 8:2

Agho naabona bamalaika omusanvu abeemerera mu maiso ga Katonda, era baagheebwa amagwala musanvu.