Matayo 24:15 - Baibuli Ekibono kya Katonda 2014

¹⁵ “Kale bwe mubonanga Ekyenhinhalwa Ekizikiriza, ekyayogerwaku Danieli omulanzi, nga kiri mu kifo ekitukuvu, asoma bino ategeere.

Matayo 24:15 ပူးပေါင်းရင်းမြစ်များ

Yeremia 44:29

Nze Musengwa Katonda nja kubagha obukakafu obulaga nga ndibabonereza mu kifo kino, era obulaga ng'okuzikirira kwe nabeesoomera okubatuusaaku ndikutuukiriza.

Ezekieli 40:4

Omusaadha oyo yankoba ati: “Iwe omuntu, lingirira weekalirise bye nja okukwoleka, obitegere amatu, era obiteeku omwoyo kuba ekyo n'ekikuleeteisa ghano mbikwoleke. Bw'onaamala, byonabyona oidha kubikobera ab'eighanga Isiraeli.”

Danieli 1:6

Mu baisuka abaalondebwa n'omwali Danieli, Hanania, Mishaeli ni Azaria, ab'omu kika kya Yuda.

Danieli 11:31

Abaisirukale be balija baayonoona eisinzizo n'ebifo byalyo eby'okwewogomamu, baalireetera okuba nga ti irongoofu. Balirekeza abantu okughaayo ebigheebwayo ebyokebwa ebya buli lunaku, baataagho Ekyenhinhalwa Ekizikiriza.

Danieli 12:11

“Okuva abantu lwe balirekera okughaayo ebigheebwayo ebyokebwa ebya buli lunaku, ng'Ekyenhinhalwa Ekizikiriza kimaze okuteebwagho, ghalibaagho enaku lukumi na bibiri na kyenda (1,290).

Danieli 9:23

Bw'otooleire okusaba kwo, ghaligho Katonda ky'akwizeemu. Era ekyo kye ndidhie okukukobera, kuba oli mugonzi inho y'ali. Kale ni weetegereze nga nkwinhonhola, otegeere amakulu ag'okubonekerwa okwo.

Danieli 9:25

Agho ni kimanhe era okitegeere ng'okuva ku kiseera ekiragiro eky'okuzimba Yerusalemu obuyaaka lwe kirigheebwa, okutuuka ku kwidha kw'omukulembeze omulonde wa Katonda, ghaja kubitagho emyaka nsanvu emikuzi musanvu. Olwo ghabeegho emyaka nkaaga n'ebiri emikuzi musanvu, egy'okuzimbiramu Yerusalemu obuyaaka, n'enguudo dhaakyo, n'ekimante ekigumu okukyezunguluza. Aye ekiseera ekyo kiriba kya bizibu.

Danieli 9:27

Omufuzi oyo alikola endagaano ey'amaani n'abantu kamaala okumala emyaka musanvu, era ghagati gh'emyaka egyo alirekeza okughaayo emisengo n'ebigheebwayo. Ole akola ogw'okuzikiriza alitaagho ku ntwiko y'eisinzizo Ekyenhinhalwa Ekizikiriza, okutuusa enkomerero eyategekerwa oyo azikiriza bw'erituuka.”

Matayo 24:16

Abo abaliba mu Buyudaaya balumukiranga mu nsozi.

Mariko 13:14

“Aye bwe mulibona Ekyenhinhalwa Ekizikiriza nga kiri ghe kitagwaine kuba, olwo oyo asoma bino ategeeranga, era abali mu Buyudaaya balumukiranga mu nsozi.

Luka 19:43

kuba enaku dhiri kukwidhira abazigu bakusiteku olukomera, bakusibiremu bakuzingize ku ndhuyi dhoonadhoona.

Luka 21:20

“Aye bwe mubonanga ab'amagye nga bali agho beezungulwire Yerusalemu, ng'olwo mumanha muti okuzikirizibwa kwakyo kutuuse.

Yoanne 11:48

Bwe tumuleka tutyo abantu boonaboona baidha kumwikiriza, era Abaroma baliidha baazikiriza ekifo kyaife ekitukuvu n'eighanga lyaife.”

Ebikolwa by'Abatume 21:28

nga bwe bawowoigana bati: “Abasaadha Abaisiraeli, mutuyambe. Ono n'omusaadha aja ng'ayegeresa buli ghantu okunhoomanga eighanga lyaife n'Amateeka n'ekifo kino. Era mperaano aleese n'Abagureki mu isinzizo, yaayonoona ekifo kino ekitukuvu.”

Ebikolwa by'Abatume 6:13

Baamusimbaku abadhulizi abaguya abaakoba bati: “Omusaadha ono talekera kwogera bibono bivumirira kifo kitukuvu n'Amateeka

Abaheburayi 2:1

Agho ni tuteekwa okukalangula ebyo bye twawulira, tulobe kuwunguka kubivaaku.

Okwolekebwa 1:3

Wa nkabi asomera abantu ebibono bino eby'obulanzi, era ba nkabi abo abawulira ebyaghandiikibwa bino ni babigema. Kuba ekiseera kiri kumpi.

Okwolekebwa 3:22

Ali n'amatu, awulire Mwoyo ky'akoba Ebikunsu eby'Abaikiriza mu Kurisito.”