Matayo 24:14 - Baibuli Ekibono kya Katonda 2014

¹⁴ Era n'Amawulire Amalungi ag'Obwakyabazinga galirangirirwa mu nsi yoonayoona, ng'amazima ag'okudhulirwa amaghanga goonagoona agho ni ng'enkomerero etuuka.

Matayo 24:14 ပူးပေါင်းရင်းမြစ်များ

Ezekieli 7:10

Bona, olunaku luuluno lutuuse, olunaku olw'akabi! Obutajiira ku mazima bweyongeire, n'okwekuluntaza kwabitirira.

Matayo 10:7

Bwe muja mubakobenga muti, ‘Obwakyabazinga obw'omu igulu buseese.’

Matayo 18:19

“Era ka mbakobere: Ababiri ku imwe bwe baisania ku kintu kye basaba, Lata wange ali mu igulu alikibakolera

Matayo 24:3

Bwe yali ng'atyaime ku Lusozi olw'Emiti Emyoliva, Abeegeresebwa baidha y'ali mu kyama, baakoba bati: “Tukobere ebyo biribaagho li, era kiki ekiriba akamanhiso ak'okwidha kwo, n'okufundikira okw'ebyanda?”

Matayo 24:6

Muliwulira entalo ghano ni ghale, mwekuume, mutatabulwa ebyo biri n'okubaagho, aye ng'enkomerero ekaali.

Matayo 4:23

Agho Yesu yeezungulula Galilaaya yoonayoona, ng'ayegeresa mu sinagoga dhaibwe, era ng'abakobera Amawulire Amalungi ag'Obwakyabazinga yaawonia buli bulwaire na buli bugodhe mu bantu.

Matayo 9:35

Agho Yesu yaaja ng'abita mu bibuga byonabyona ni mu byalo, nga bw'ayegeresa mu sinagoga dhaibwe era nga bw'abakobera Amawulire Amalungi ag'Obwakyabazinga yaawonia kiisi bulwaire na bugodhe.

Mariko 13:10

Kuba Amawulire Amalungi gali n'okukoberwa amaghanga goonagoona.

Luka 2:1

Agho olwatuuka mu nnaku edho, ekiragiro kyava ewa Kaisari Agusito nga kikoba abantu okubalibwa.

Luka 24:47

era nti okwenenia n'okusoniyibwa ebibi, biri n'okukoberwa amaghanga goonagoona mu liina lye, okuviira irala ni mu Yerusalemu.

Luka 4:5

Agho Sitaani yaamutwala ku lusozi era mu kaseera akazira ghe kaaga yaamulaga obwakyabazinga bwonabwona.

Ebikolwa by'Abatume 1:2

okutuusa ku lunaku lwe yatwalibwa mu igulu, ng'amaze okugha Abatume be yali alonze ebiragiro ku bwa Mwoyo Mutukuvu.

Ebikolwa by'Abatume 11:28

Owundi ku abo, eriina lye Agabo, yaasituka mu maani ga Mwoyo yaalanga ati: “Ghaja kubaagho endhala ey'amaani mu nsi yoonayoona.” Endhala eyo yaligho mu bufuzi bwa Kilaudio.

Ebikolwa by'Abatume 17:31

kuba yataagho olunaku, lw'aja okusaliraku ensi yoonayoona omusango mu mazima ng'abita mu muntu ye yalonda, era kino yakikakasa abantu boonaboona bwe yazuukiza omuntu oyo.”

Ebikolwa by'Abatume 17:6

Era bwebataababona, baakwekwebya Yasoni n'aboluganda abandi baabatwala y'abalamuzi nga bwe baasiikana bati: “Abantu bano abaleeta ebizibu woonawoona, baidhie ni ghano,

Ebikolwa by'Abatume 19:27

Era ghaligho akabi, ti lwa mulimo gwaife kunhoomebwa kyonka, aye n'eisabo lya Aritemi, omusambwa omukazi, okutwalibwa ng'eritagasa.”

Ebikolwa by'Abatume 20:25

Mperaano nze ndidhi nga imwe mwenamwena be nabitangamu nga mbakobera Obwakyabazinga bwa Katonda, timukairayo kumbona.

Ab'e Roma 10:18

Aye mbuuza: Kituufu tibaawulira bukwenda? Bwenebwene baabuwulira, ng'ebyaghandiikibwa bwe bikoba biti: “Amamiro gaibwe gaatuuka mu nsi yoonayoona. Ebibono byaibwe byawulirwa ensi y'ekoma.”

Ab'e Kolosai 1:23

Aye niini, muli n'okuba n'okwikiriza nga mwekalangwire aghazira kwekyusa, era nga timuviire ku kusuubira okw'Amawulire Amalungi ge mwawulira. Zeena Paulo nafuuka mugheereza w'Amawulire gano agaakoberwa buli kitonde kyonakyona ekiri ghansi gh'eigulu.

Ab'e Kolosai 1:6

Amawulire gano agaabakoberwa era agaakoberwa ensi yoonayoona, galeese ebibala ng'oti ni bwe gabaire gakola mu imwe okuva ku lunaku lwe mwawulira era ni mumanha ekisa kya Katonda mu mazima.

Abaheburayi 1:6

Era Kabiri ng'ali kumpi okutuma mu nsi Omwana we omuberi yaakoba ati: “Bamalaika ba Katonda boonaboona, bamusinzenga.”

Abaheburayi 2:5

Katonda tiyagha bamalaika kufuga nsi ye twogeraku eja okubaagho.

Okwolekebwa 14:6

Agho naabona malaika owundi ng'ali kuguluka, nga yeeruupye eyo mu igulu. Yali agheereibwa amawulire amalungi ag'ebyanda n'ebyanda agakobere abo abali ku nsi aba kiisi kika, aba kiisi lulimi, aba kiisi luse n'aba kiisi ighanga.

Okwolekebwa 16:14

N'egyo emizimu emibi egikola ebyewuunhio egija eyo ye bakyabazinga ab'ensi yoonayoona okubasoloza, batanule olutalo ku lunaku olukologho olwa Katonda Aghanga Ebintu Byonabyona.

Okwolekebwa 3:10

Olw'okuba waguminkiriza mu kudaazibwadaazibwa nga bwe nakulagira, ndidha kukuwonia ekiseera eky'okulebwa ekija okwidhira ensi yoonayoona okuleba abo abali ku nsi.