Matayo 23:37 - Baibuli Ekibono kya Katonda 2014

³⁷ “Yerusalemu, Yerusalemu iwe aita abalanzi, n'okuba abatumiibwa y'oli amabaale! Emikuzi emeka gye nayenda okusoloza abaana bo aghalala ng'enkoko bw'esoloza obwana bwayo mu maghagha, aye nga tonganha?

Matayo 23:37 ပူးပေါင်းရင်းမြစ်များ

Nehemia 9:26

Aye abantu bo abo baakudheemera, baalobanga kukuwulira, baava ku Mateeka go. Baita abalanzi bo abaabalabulanga okubakyusa baire y'oli. Baakola ebintu kamaala ebikuvumagania.

Zabbuli 17:8

Nkuuma ng'oti mboni ya liiso lyo; mpambaatira ng'oti n'enkoko bw'ekola obwana bwayo.

Zabbuli 36:7

Okugonza kwo okutakoma nga kwa mughendo inho! Oghambaatira abaana b'abantu ng'oti n'enkoko bw'eghambaatira obwana bwayo.

Zabbuli 57:1

Wo Katonda wange, nsaasira era nsaasirira irala, kuba niiwe ye neesiga. Mpambaatira ng'oti n'enkoko bw'ekola obwana bwayo, okutuusa kiwunga ono azikiriza ng'amaze okubita.

Zabbuli 63:7

kuba buli kaakyeire niiwe ombeera. Bwemba mu ngalo dho nhemba olw'eisanhu.

Zabbuli 91:4

Aidha kukughembaku n'amaghagha ge ghabulenga ekikutuukaku, akukuumenga olw'obwesigwa bwe ng'akulwanirira.

Isaia 5:4

Kiki ekindi kye nali n'okukolera eisamba lyange eryo, kye ntaalikolera? Lwaki bwe nasuubira eisamba eryo okubaza emizabbibu emirungi, ate lyabaza bwa gikaagha ng'oti gya mu nsiko?

Isaia 50:2

Lwaki tyayagaanagho muntu waire omulala ati lwe naidha okubawonia? Lwaki nayeta ni ghatabaagho anvugira? Omukono gwange n'ogufuuse omumpi einho, nga tigukaasobola kubatuukaku kubanunula? Oba amaani ag'okubawonia ge nzira? Mubone eno, nze nsobola okukaabukira enhandha yaakala, era naafuula aghabaire emiiga ghaaba irungu, ebyenhandha byamu byafa olw'okubulwa amaadhi era byawunha.

Yeremia 2:30

Waire nga nababonereza aye tikyavaamu muganhulo, kuba timwaganha kukangaivulwa naire. Mwatemula abalanzi baimwe nga muli ng'oti n'empologoma ezikiriza bwe yeeruga.

Yeremia 26:23

Era baamwiza, bamutwala ye kyabazinga Yehoiakimu, yaalagira baamwita era omulambo gwe baagusuula ghe baaziikanga abantu ababuliidho.

Yeremia 32:31

Abantu b'omu kibuga kino bansungughaza ebitaloodheka okuviira irala ekibuga kino lwe baakizimba. Kale nsazeegho okukizikiriza,

Yeremia 35:15

Buliidho mbaire ntumanga ye muli abagheereza bange abalanzi aghazira kukoogha naire, babakobe mulekere okukola ebibi, mukole ebituufu. Era mulobe kujiiranga ku bakatonda abandi nga mubasinza, olwo musobole okusigalanga mu nsi ye nabagha imwe ni badhaadha baimwe. Aye nga imwe timumpulirisa, waire okufaayo ku bye nkoba.

Yeremia 36:26

Agho yaalagira omulangira ayetebwa Yerahameeli ghalala ni Seraia mutabane wa Azarieli, ni Shelemia mutabane wa Abudeeli, batugeme nze n'omughandiisi wange Baruku. Aye Musengwa Katonda yaatugisa.

Yeremia 4:14

Imwe ab'e Yerusalemu, munaaze emyoyo gyaimwe mugimalemu ebibi, memale mulokolebwe. Mulituusa li okubanga n'ebirowoozo ebibi mu myoyo gyaimwe?

Yeremia 44:4

Ate nga natumanga ye muli abagheereza bange abalanzi aghazira kukoogha naire, babakobe bati, ‘Mutakola bintu ebyo ebyenhinhalwa bye nkyagha!’

Yeremia 6:8

Imwe ab'e Yerusalemu, mweizeemu ku magezi, oba ti n'ekyo ndidha kubalekulira agho, n'ekibuga kyaimwe kisigale agho kityo nga kiri bwa bifulukwa byereere, era nga kiziramu muntu waire.”

Hosea 11:2

Aye Abaisiraeli abo ye nakoma okubeeta, boona ye baakoma okunvaaku. Baaghangayo emisengo eri omusambwa Baali; baaniokezanga ebisinzibwa ebitali Katonda obubbaani.

Hosea 11:7

Ng'abantu bange abo bwe bamaliriire okunvaaku, balirira olw'ekikoligo ekibaliku, aye nga ghazira akibatoolaku.

Hosea 7:13

Bakagwireku olw'okudaaliima ni banvaaku! Ka bazikirire olw'okundheemera! Nandibaire mbanunula, aye bandhogeraku eby'obuguya.

Zekaria 1:4

Mutaba ng'oti ni badhaadha baimwe, abalanzi ab'eira be baakoberanga obukwenda bwange nze Musengwa Katonda Afuga Amagye. Abalanzi baakobanga badhaadha baimwe okuva mu mpisa dhaibwe embi ni mu bikolwa byaibwe ebibi. Aye badhaadha baimwe baaloba kuwulira nze Musengwa Katonda bye mbakoba, waire okufaayo okukola bye mbalagira.

Matayo 22:3

Yaatuma abagheereza be okuja okunona abaayetebwa ku mbaga, aye baaloba okwidha.

Matayo 22:6

Abaasigalagho baagema abagheereza baababisa bubi era baabaita.

Matayo 23:30

era mwakoba muti, ‘Nguli twaligho mu biseera bya badhaadha titwandyeyimbye nabo mu kuyugha musaayi gwa balanzi.’

Matayo 23:31

Kale mutyo beene mwakakasa muti muli baana b'abo abaita abalanzi.

Matayo 5:12

Musangaale era musagambe, kuba empeera yaimwe eri mu igulu nnene. Kuba batyo bwe baakiriga abalanzi abaabasooka.

Luka 15:28

“Aye omulenzi omukulu yaanakughala era nga tayenda na kwingira. Kale ise yaafuluma yaamweghemba angire.

1 Ab'e Thessalonika 2:15

Abayudaaya abo n'abaita Musengwa Yesu n'abalanzi, era n'ife baatubingira ku luya. Baleetera Katonda okudhuunia era bazigu ba buli muntu,

Okwolekebwa 17:6

Naabona ng'omukazi atamiire omusaayi gw'abatuukirivu, n'ogw'abo abaitibwa olw'okudhulira Yesu. Bwe namubona, neewuunhia inho!

Ruthi 2:12

Nsaba Musengwa Katonda akughe ebirungi olw'ebyo bye wakola Musengwa Katonda oyo owa Isiraeli ye waidha okwewogomamu.”