Matayo 23:28 - Baibuli Ekibono kya Katonda 2014

²⁸ Mutyo mwena bwe muli: Ku ngulu mufaanana ng'abantu abatuukirivu, aye munda mwidhwire buguya na budheemu.

Matayo 23:28 ပူးပေါင်းရင်းမြစ်များ

Zabbuli 51:6

Iwe oyenda okumanha amazima agali mu muntu, kale ni ndidhuza amagezi mu mwoyo gwange.

Ensambo 26:26

Era ni bw'aghemba atya ku bukyayi bw'ali nabwo, obubi bwe buja kumanhibwa abantu boonaboona.

Matayo 23:27

“Mukagwireku Abanamateeka n'Abafarisaayo, abakuusa imwe, kuba mufaanana ng'amagombe ge basiizeeku langi endheru obulungi, nga gaboneka bulungi ku ngulu, aye nga munda gaidhwire magumba ga bafu na buli kivundu kyonakyona.

Matayo 23:29

“Mukagwireku Abanamateeka n'Abafarisaayo abakuusa imwe, kuba muzimba amagombe g'abalanzi, mwatimba ebiidhukizo eby'abatuukirivu,

Matayo 23:5

Era mu byonabyona bye bakola benda abantu bababone, kuba bagaziya fulakiteria dhaibwe, baaleeya amadhwenge ag'ebivaalo byaibwe.

Luka 16:15

Aye yaabakoba ati: “Niimwe abeerongoosa mu maiso ag'abantu aye Katonda aidhi emyoyo gyaimwe kuba abantu kye basuuta, Katonda akyenhinhala.

Ab'e Galatia 2:13

Abayudaaya abandi abaikiriza Yesu boona baatoolera okukola ekisobu ng'oti ni Kefasi, era ekyo kyaviiramu ni Barunaba yeena okujiira okwo.

1 Samueli 16:7

Aye Musengwa Katonda yaakoba Samueli ati: “Otalingirira mboneka ye oba buleeyi bwe, kuba oyo mmulobye. Musengwa Katonda tabona ng'oti n'abantu bwe babona, kuba abantu balingirira mboneka ya ku ngulu, aye Musengwa Katonda alingirira mwoyo.”