Matayo 23:2 - Baibuli Ekibono kya Katonda 2014

² Yaakoba ati: “Abanamateeka n'Abafarisaayo n'abatyama ku kityamo kya Musa.

Matayo 23:2 ပူးပေါင်းရင်းမြစ်များ

Ezera 7:25

“Iwe Ezera, ng'okozesa amagezi ga Katonda wo ge yakugha, londa abafuzi n'abalamuzi abanaalamulanga abantu boonaboona abaidhi amateeka ga Katonda wo, abali mu kiketezo ekiri ere ng'osomoike omwiga Eufurate. Era oyegerese amateeka ago abo abatagaidhi.

Ezera 7:6

Ezera oyo yaava mu nsi Babilonia nga munamateeka mulamba eyali aidhi einho amateeka, Musengwa Katonda, Katonda wa Isiraeli ge yagha Musa. Era olw'okuba Musengwa Katonda yabanga ghalala ni Ezera oyo, kyabazinga yaamugha byonabyona bye yamusabanga.

Malaki 2:7

kuba bakabona omulimo gwaibwe gwa kwegeresa magezi amatuufu agava ye nze Musengwa Katonda Afuga Amagye. Era abantu bandibairenga nga baja ye bakabona abo okugalagirwa bye nhenda bakole.

Matayo 23:3

Kale byonabyona bye bakoba mubikole era mubigeme, aye mutakola bye bakola, kuba bye bakoba ti bye bakola.

Mariko 12:38

Era mu kwegeresa kwe yaabakoba ati: “Mwekuume Abanamateeka abenda okubonebwa nga bali kukaadha mu bivaalo ebireeyi, n'okulamusibwa mu biya,

Luka 20:46

“Mwekuume Abanamateeka abagonza okuniaga nga bavaire ebivaalo ebireeyi, okulamusibwa mu biya n'okutyama mu bifo ebisinga mu sinagoga ni ku mbaga

Amateeka Agokubiri 33:3

Bwenebwene agonza abantu be, era yaakuuma abo be yalondamu. Batyama gha bigere bye okuwulira ebibono bye.