Matayo 23:12 - Baibuli Ekibono kya Katonda 2014

¹² Oyo eyeetwala okuba owa ghaigulu aliisibwa ghansi, ate eyeisa ghansi alitwalibwa okuba owa ghaigulu.

Matayo 23:12 ပူးပေါင်းရင်းမြစ်များ

Yobu 22:29

kuba Katonda aisa ghansi abo abeekuluntaza, aye yaalokola abo abeisa ghansi.

Zabbuli 138:6

Waire nga iwe oli ghaigulu inho, ofaayo inho ku abo abawombeefu. Aye abo abeetwala okuba aba ghaigulu obategeera mangu.

Ensambo 15:33

Okutya Musengwa Katonda kwegeresa omuntu amagezi, era okwewombeeka n'okusooka, memale omuntu baamutaamu ekinhagansi.

Ensambo 29:23

Okwekuluntaza okw'omuntu kumuleetera okugwa, aye obuwombeefu bw'omuntu bumuteesaamu ekinhagansi.

Isaia 57:15

“Ninze Katonda Omutukuvu aligho ebyanda n'ebyanda, aswikiriire ebintu byonabyona. Mba mu kifo ekiri ghaigulu era ekitukuvu. Aye era mba ni mu bantu abawombeefu era abeenenia, nsobole okubaizaamu omwoyo n'eisuubi.

Danieli 4:37

“Era mperaano, nze Nebukadinezzari nsaaka Katonda ow'eigulu, naamugulumiza era naamutaamu ekitiisa kuba by'akola byonabyona bituufu era tasaliriza nsonga. Abo abeetwala okuba aba ghaigulu abaisa.”

Matayo 18:4

Kale buli eyeisa n'afaanana ng'omwana omuto, oyo n'asinga obubbede mu Bwakyabazinga obw'omu igulu.

Matayo 5:3

“Ba nkabi abaavu mu mwoyo, kuba Obwakyabazinga obw'omu igulu bwaibwe.

Luka 14:11

Kuba buli eyeetwala ati wa ghaigulu aja kwisibwa, ate buli eyeisa aja kutwalibwa nga wa ghaigulu.”

Luka 18:14

Ka mbakobere: Omughooza w'omusolo ono yairayo ewuwe nga mutukuvu mu maiso ga Katonda okusinga ole kuba buli eyeetwala ati wa ghaigulu aja kwisibwa era buli eyeetwala nga wa ghansi aja kutwalibwa nga wa ghaigulu.”

Yakobo 4:6

Aye atwoleka ekisa kye okusingagho, ekyaghandiikibwa kye kiva ni kikoba kiti: “Katonda atakania abeekudumbaza, aye abeewooya abooleka ekisa kye.”

1 Petero 5:5

Mu nsambo n'endala imwe abato mubenga bawulize eri abakulu mu myaka. Mwenamwena mubenga bawombeefu, nga kiisi mulala agheereza mwine. Kuba ebyaghandiikibwa bikoba biti: “Katonda atakania abeekudumbaza, aye abeewooya abooleka ekisa.”

1 Petero 5:6

Kale ni mwewooye ghansi gh'omukono gwa Katonda ogw'amaani, olwo alibafuula okuba aba ghaigulu mu kiseera kye ekituufu.