Matayo 22:44 - Baibuli Ekibono kya Katonda 2014

⁴⁴ ‘Musengwa yakoba Musengwa wange ati: Tyama ku mukono gwange omusaadha, okutuusa bwe ndita abazigu bo ghansi gh'ebigere byo’

Matayo 22:44 ပူးပေါင်းရင်းမြစ်များ

Amainhama 3:15

Ndidha kutaagho enzigu ghagati wo n'omukazi, ni ghagati gh'eizaire lyo n'eizaire ery'omukazi. Eizaire ery'omukazi eryo liidha kukubanga omutwe ligutentene, era weena oidha kulimoodhanga ebigere.”

Zabbuli 110:1

Musengwa Katonda yakoba musengwa wange ati: “Tyama ghano ku luuyi lw'omukono gwange omusaadha, okutuusa lwe ndita abazigu bo ghansi gh'ebigere byo.”

Zabbuli 21:9

Bw'aliboneka alibookya n'omuliro ng'ogw'oluyiira. Musengwa Katonda alibasaaniagho mu kiruyi kye; balikeenha n'omuliro.

Matayo 22:45

Agho ni oba Daudi amweta ‘Musengwa’, kabiri aba atya mwidhukulu we?”

Matayo 26:64

Yesu yaamukoba ati: “Niiwe okyogeire. Aye ka mbakobere: okuva ni buti, mwidha kubona Omwana w'Omuntu ng'atyaime ku luuyi olw'omukono omusaadha ogw'ow'obukumu, era ng'aidhira mu bire eby'eigulu.”

Mariko 16:19

Musengwa Yesu bwe yamala okwogera nabo, yaatwalibwa mu igulu, y'atyaime ku mukono omusaadha ogwa Katonda.

Luka 19:27

Ate abo abazigu bange abataayenda mbafuge, mubaleete ghano mubaite nga mbona.’ ”

Yoanne 20:28

Thomasi yaamwiramu ati: “Musengwa wange era Katonda wange!”

1 Ab'e Korintho 1:2

Tughandiikira Ekikunsu eky'Abaikiriza mu Kurisito ekya Katonda ekiri mu Korintho abo boonaboona abaayetebwa okuba abatuukirivu mu Kurisito Yesu, ghalala n'abantu boonaboona abali buli ghantu, abeeghemba mu liina lya Yesu Kurisito Musengwa waibwe era owaife.

1 Ab'e Korintho 15:25

Kuba Kurisito ateekwa okufuga okutuusa lw'alityankirira abazigu be boonaboona.

Ab'e Filippi 3:8

Bwenebwene ebintu byonabyona mbibona ng'okufiirwa, olw'omuganhulo ogubisinga einho oguli mu kumanha Kurisito Yesu Musengwa. Ku lulwe naleka ebintu byonabyona, era mbibona ng'ebitagasa olw'okufuna Kurisito ng'empeera yange,

Abaheburayi 1:13

Aye naani ku bamalaika be, ye yaali akobyeku ati: “Tyama ghano ku luuyi lwange olw'omukono omusaadha, okutuusa lwe ndifuula abazigu bo ekintu kw'ota ebigere.”

Abaheburayi 1:3

Mu oyo ekitiisa kya Katonda mwe kibonekera, era mu oyo mwe tubonera irala Katonda nga bw'afaanana. Era oyo n'agemereire ebintu byonabyona n'ekibono kye eky'amaani. Bwe yamala okuwonia abantu ebibi byaibwe, yaatyama mu igulu ku luuyi olw'omukono omusaadha ogw'oyo asinga boonaboona obukumu.

Abaheburayi 12:2

ng'amaiso tugataire ku Yesu eyatoolereza era atuukiriza okwikiriza kwaife. Oyo olw'eisanhu lye yali asuubira, yagumira omusalaba, yaaloba kutya kuswala. Mperaano atyaime ku luuyi olw'omukono omusaadha olw'ekityamo kya Katonda.

Okwolekebwa 19:19

Agho naabona ekisolo ni bakyabazinga ab'oku nsi n'amagye gaibwe, nga bakungaine okulwanisa oyo atyaime ku mbalaasi n'eigye lye.